Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Dantzariek tradizioz beteko dute Zalla

Dokumentuaren akzioak

Dantzariek tradizioz beteko dute Zalla

10.000 bisitari jasotzea espero du jai kultura honek. Aurten Ibai Lorak taldearen 50. urteurrena ospatuko dute

Txistu eta danbolin baten hotsa besterik ez da behar jai on bati hasiera emateko. Edozein herriko enparantzek hartu dute noizbait euskal kulturari eskainitako bat-bateko homenaldia. Euskal tradizioak duen erakargarritasunari esker, hemengo historiaren eta ondarearen iraupena ziurtatuta dagoela diote adituek. "Umeak berehala animatzen dira nagusiak ezpatekin dantzatzen ikusten dituztenean eta gauza bera egin nahi dute", dio Iñigo Coutok. Bizkaiko Dantzarien Federazioko bozeramailearen ustez, nerabezaroa pasatu eta gero, "afizioa berreskuratzen dute eta erromeriak berriro sentitzen dituzte. Harrobia on bat daukagu". Urte osoko lanari esker, igande honetan Zazpi Jauzi edo Kaixarranka gustuko dutenek erakusketa ezinhobeaz gozatzeko aukera izango dute Zallan. Enkarterriko eskualde honetan ospatuko da aurten Bizkaiko Dantzari Eguna 'Ibai Lorak'-en homenez. Aurten talde honek 50 urte bete ditu.
Egilea
Silvia Cantera
Komunikabidea
El Correo
Mota
Albistea
Data
2015/05/14
Lotura
El Correo

Urtero antolatzen den jaiak 10.000 bisitari espero ditu bere 35. urteurrenean. Belaunaldiz belaunaldi transmititzen den grinaren erakusketa honetan eskualde desberdinetako 76 dantza taldeek parte hartuko dute. Guztira, 100 bat autobus espero dituzte Zallako polikiroldegian dagoen futbol zelaian ospatuko den alardean parte hartzeko. Jaia goizeko 11ak aldera hasiko da Euskadi enparantzan. Ordu erdi pasa eta gero, Durangaldeko Dantzari Dantza taldearen eskutik hasiko da alardea. "Ikuskizun honek urtetan egindako lana mahai gainean jartzeko aukera ematen du. Ilusioz beteriko eguna da denontzat", azaldu zuen Coutok.

Aurtengo edizioan haurrek garrantzia handia izango dute berriz ere. "Talderik potoloenak umeek eta ertainek osatzen dituzte. Guztira 1.200 dantzari 0 eta 10 urteko tartean daude", komentatu zuen federazioko bozeramaileak. Gainera, edizio honetan emakumeen errepertorioa berreskuratuko dute –Ibarzabal-Arku Dantza– Gipuzkoako talde bati esker. Kaixarrankak amaiera emango dio ekitaldiari nahiz eta jaia ez amaitu. Egun osoan zehar azoka bat egongo da Euskadi enparantzan eta bertan dantzari buruzko hainbat produktu egongo dira salgai. Bertan, jaiaren kamisetak erosteko aukera egongo da –10 euroan salduko dira–. Gainera, txikientzat zuzendutako tailerran antolatu dituzte arratsalde osorako.

Zallak 8.000 biztanle dituenez, kotxea uzteko arazoak sor daitezkeela aurreikusi dute antolatzaileek. Horregatik Eroski supermerkatuak bere aparkalekua eskainiko die bisitariei eta Udaletxeak garraio publikoa erabiltzea aholkatzen du. Trena edo autobusa hartu nahi ez dutenek beste aparkaleku batzuk izango dituzte, ospitalean edo anbulatorioan, esate baterako. Gainera, bertan bazkaldu nahi dutenek herriko jatetxeetara edo egunerako prestatu diren zelaietan egin dezakete. Bizkaiko Dantzari Eguna arazorik gabe dihardu dezan, 30 boluntario egongo dira. "Egia esan, izutu ginen neguko uholdeekin. Futbol zelaia alfonbra baten moduan geratu zen. Hori bai, berehala txukundu zuten eta hurrengo partidurako prest zegoen", txalotu zuen Coutok. 

Bizkaiko Dantzari Eguna Foru Aldundiaren eta Zallako Udaletxearen laguntzaz antolatuko da.

Bizkaiko Dantzari Eguna Foru Aldundiaren eta Zallako Udaletxearen laguntzaz antolatuko da. / TELEPRESS

Dokumentuaren akzioak