Dokumentuaren akzioak
Dantza sueltoko txapelketaren 33. edizioa jokatuko da bihar 12 bikoterekin
Bi nobedade nagusi izango ditu: lehen aldiz urrian egingo da eta lehiako bikoteetako bat bi ahizpek osatuko dute
Beste berritasun bat ere bada aurtengo lehiaketan,
dantzatuko duten 12 bikoteen artean bi neskek osatutakoa egongo baita
aurreneko aldiz, Ana eta Marta Ruiz de Austri ahizpa arabarrek
osatutakoa hain zuzen. Beste dantzariak hauek izango dira: Karlos De
las Heras-Oroitz Bilbao (Sestao), Mikel Otegi-Estela Atorrasagasti
(Donostia-Orio), Mikel Arce-Iratxe Ibisate( Gasteiz), Jon Intsausti
-Iera Maiza (Ordizia-Olaberria), Aritz Arrillaga-Amaia Bolinaga(
Bergara), Azaitz Unanue-Aizkoa Medinabeitia (Gasteiz), Iker Sanz-Idoia
Besada (Lezo-Pasaia), Xabier Etxaniz-Leire Larrañaga (Azkoitia),
Arkaitz Pascuas-Nagore De las Cuevas (Sestao), Aitzol Ena-Maite Lazkano
(Bergara), Xabier Segura -Lierni Martiarena (Hernani).
Aspaldian Arabako bikote gutxi izan da Seguran
dantzatzen eta aurtengo beste albiste pozgarria ere bada Arabako hiru
bikote izatea parte hartzaileen artean. Iazko irabazleak, Eneko Gil eta
Nerea Vesga, ez dira izango txapelketan, kanpoan daudelako Kukai dantza
taldearekin.
Bi dantza
Beti bezala, dantzariek fandangoa txistuz eta arin-arina
trikitixaz dantzatu beharko dituzte eta epaimahaia sei dantza adituk
osatuko dute, beraien erabakiak Euskal Dantzarien Biltzarrean ezarrita
dauden arauetan oinarritutakoak izango direlarik.
Dantzariek beraien saioa amaitutakoan eta epaileek
sailkapena erabakitzen duten bitartean, ohizkoa izaten da dantza saio
bereziren bat eta aurtengoan Jesus Mari Garateren
Nahia
koreografia ikusteko aukera izango da, Pello Irizarren musikarekin
Nestor Basterretxea eskultura egileak, 1977an Euskal
Herriko Txapelketa hasi zenetik 7 eskultura ezberdin erreproduzitu ditu
eta inoiz ez du dirurik jaso lan honen truke. Halaber, Segurako Udalak
txapelketaren hasieratik txapelketa honi eskaini dion arreta eta
maitasunagatik omenaldi bero bat eskainiko dio.
Euskal Herriko dantza jantzi tradizionalak eraman beharko dituzte dantzariek eta bikote bat sarituko da alor honetan.
Dokumentuaren akzioak
