Bihar Herri festibalak Xiberoa taula gainera eramaten du Biarritzen

Urteak dira orain dantza eta musika tradizionala berrien ezagutzaren egiteko, baina baita ere beste kulturei idekirik izan nahi duen topaketa gune baten sortzearen beharra sendi dela Euskal Herrian.

Bihar Herri festibala sortzearekin, Herri Sonu, Iparraldeko Gaiteroak et Biarritz Événement elkarteek nahi izan dute erakuslehio bizi eta moderno bat sortu, artistak profesional gisa kontsideratuak eta onartuak izan daitezen gizartean.

Festibalaren lehen edizio honetan, 14 berrikuntza, 7 kontzertu edo ikusgarri aurkeztuak izanen dira. Eskaintza inportante bat da hori, Euskal Herriko eskualde guzietarik etorritako 500 musikari eta dantzarik bertan parte hartuko dutelarik.

Lehen gaualdiari bide eginen zaio Bihar Herriren parioa ongi identifikatzen dituen bi berrikuntza proposatzearekin. Ana Non eta Pilotaritza xiberutarrek berrikuntza eta kultura tradizionala nahasten duten ikuskizuna eskainiko dute gau hontan Biarritzeko Kasino aretoan 20a.30etatik aintzina.

Gaualdiaren lehen partean, Ana Non artistak Nicole Lougarotek laburtutako Ana Paucha idazlearen istorioa kontatuko du, dantzari, kantari eta musikari zonbaitzuen laguntzarekin. Modu sinple eta modernoan sortua, Andaluziako idazlearen bidaia kontatuko digu ikuskizun unibertsala honetan.

Gaualdiaren bigarren partean, aldiz, Michel Théret eta Michel Iturria, Biarritzeko dantzari eta Cesta Puntako jokalariak, taula gainera igoko dira airezko korregrafi batekin, pilotako jestuak ber-hartzen dituztelarik.

Xan Alkhat eta Joanes Etxeberria bertsolariek agerraldi bat eginen dute ere, ikuskizun honi olerki puntu bat eskaintzen diotelarik. Michel Etxekopar eta Christian Irigoyen musikariek, berriz, erakutsiko dute artea eta poesia bateragarria izan daitekela musikarekin. Kuttu modernoa gehien azpimarra lezakeena, agian, Pierre Thibaud artistaren agerraldia izan daiteke. Deskubrimendu polita zin emaiten dute antolatzaileek...