Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Arraten gonbidatuak, Donostia, Anoeta, Deba... eta Ameriketatik

Dokumentuaren akzioak

Arraten gonbidatuak, Donostia, Anoeta, Deba... eta Ameriketatik

Renoko 'Zenbat gara' taldeko sortzaileek Kezkarekin egongo dira. Arrateko Amaren dantzak seigarren urtez eskainiko dira bihar, ezpatadantza eta trokeo dantzekin

Egilea
Felix Morquecho
Komunikabidea
Diario Vasco
Tokia
Eibar
Mota
Albistea
Data
2010/09/07
Kezka Dantza Taldeak gero eta internazionalago dabil. Abuztuan Hungarian erakustaldiak eman eta gero etxera bueltatu da, baina urrunetik etorritako lagunak jasoko ditu Arrateko jaietan. «Aspalditik harremana daukagu Lisa eta Enrique Corcosteguirekin. Abenduan hemendik ibili ziren eta bere egutegia begiratuz, Arraten egoteko aukera sortu zen» dio Kezkako Oier Araolazak. Lisak Ontarion du bere jaioterria baina betidanik izan du interesa euskal dantzetan. Euskal Herrian hilabeteak pasatzera etorrita Enrike ezagutu zuen eta harekin batera 1989. urtean 'Zenbat gara' taldea martxan jarri zuen Reno hirian.
AEBetan, bikote honek euskal dantzen inguran egindako lana handia izan da eta erlazio zuzena dute euskal dantzariekin, baita eibartarrekin ere. Ikerketan ere badute zer esan, Lisa Corcosteguik orain dela gutxi aurkeztu baitu Oñatiko euskal dantzen inguruko tesi doktorala. Aurretik Euskal Herrian eta Arraten bertan egon badira ere, biharkoan leku protagonista okupatzea tokatuko zaie.
Modu tradizionalean
Amerikarrak bitxienak dira hain urrunetik datoztelako baina kategoriazko beste hiru dantzari egongo dira Arraten. Donostiako Argia taldearen dantzari eta dantza-maisua den Fernando Aristizabal Eibarrera etorriko da, aurreko urteren batean lesioz dantza egin ezinik geratu eta gero. Bestalde, Ion Olano Tolosako Udaberri dantza taldeko dantzaria da eta bertako bordon-dantzan buruzagi lanak bete ditu.
Bakarlari lanetan arituko den azken dantzaria Debabarrenako eskualdetik bertatik dator. Andoni Iriondok urteak darama Debako Gure Kai dantza taldean, bai dantzari bai arduradun bezala. Aipatzekoa da Debako San Roke dantzen alde egindako lana eta Arraten ikusle izan eta gero, dantzan ere izango da aurten.
Arrateko Amaren dantzak orain dela sei urte martxan jarri ziren, euskal dantzen elementuak eta Eibarko dantzen ezaugarriak batuz. Dantza berri bat modu tradizionalean egitea badu bere punto paradoxikoa baina urte gutxitan jaiaren osagaia bihurtu da. Hasieratik beste herrietako dantzariak omen-tzeko aukera bihurtu zen Arrateko Eguna, eta aurreko urteetan Donostia, Galdakao, Elgoibar edo Beasaindik etorritako dantzariek eibartarren 'Amatxo'ren aurrean dan-tza egin dute.
Meza, prozesio eta zelaira
Jaia ospatzeko bazkaria izango dute dantzariak, baina aurretik ondo irabazitakoa. Hauen programa 11.00etan hasiko da, Meza Nagusian ezpata-dantza jorratuko baitute. Meza bukatzean dantza-gorputz osoa Ama Birjinarekin batera prozesioan aterako da. Bueltatzean, Santutegiaren aurrean ezpata-dantza eskainiko dute. Arrateko Ama elizara sartu eta gero, dantzaldia zelaira egingo du bidaia eta bertan ezpata-dantza osorik eskainiko da. Trokeo dantzaren hiru piezak egingo dituzte ere, makila txikiekin, makila handiekin eta brokel-makilekin.
Arraten gonbidatuak, Donostia, Anoeta, Deba... eta Ameriketatik

Dantza saio bikainak. Dantzariek protagonismo handiak izango dute Arrateko Amaren jaien baitan. :: FÉLIX MORQUECHO

Dokumentuaren akzioak