Alurr taldea Alemanian izan da

Amaiera ofizialean izan ziren ordezkari politikoak, antolakuntzaren arduradunak eta, jakina, soraboen ordezkariak. Guk, Alurr dantza taldekook, sorabo hizkuntzan agurtu genituen eta hori oso txalotua izan zen. Adierazi genien gure hizkuntzan agurtzeko nahia, baina hori ezinezkoa zen, ez genuen elkar ulertuko, itzultzailerik ez baitzegoen. Gaztelaniaz egin behar izan genuen. Eskerrak eman genizkien han egoteko aukera emateagatik eta baita jasotako tratu profesional eta pertsonalagatik. Azkenik, Alurren esanahia eta bere ibilbide txiki baina luzea azaldu genien.

Ibarrakoen izenean, Ibarrako ikurra eman genien eta gure historia eta Alurrena eman genien irakur zezaten. Azkenik Ibarrako Langostinoak eta txapela ere eman genien. Ekitaldi hau soraboen arteko ezkontza baten bazkari tipikoan burutu zen, oso toki dotorean.

Ondoren, eta ekitaldia bukatuta desfilea egingo zen tokira bertaratu ginen, taldeak prest baitzeuden Bautzen zeharkatzeko. Landa batera hurbildu ginen eta guztia prest zegoen amaiera ekitaldirako. Talde bakoitzak minutu batzukez dantza egin genuen eta antolatzaileek oroigarri bat eman ziguten.

Ekitaldian izan ziren ordezkari politikoak, arduradunak, gidak eta jendetza ugari. Ekitaldia amaitzeko haien dantza bat dantzatu zen. Bertan bi bikote eta talde bakoitzeko bi lagunek hartzen zuten parte.(aurreko egunean egin ziren entseguak). Guztia oso ondo atera zen, oso polita.

Amaieran denok jo eta dantzatu zuten. Gauean, gauza guztiak bildu ondoren Bautzen ondoko toki batera eraman gintuzten; laku bat zen eta afari eder bat eta agurra eskaini ziguten.

Tokia, jatetxea guztia zen zoragarria eta jaia ere ahaztezina. Talde bakoitzak bere dantzak erakusten zizkien besteei. Nahiz eta guztiok hartu parte gure musikagileak izan ziren txalotuen eta gehien jo zutenak, kalejirak, fandangoak eta abar dantzatuz. Mar-txa zuten gogoko eta dantza egin nahi zuten. Atentzioa eman zien gure dantzen, fandangoen edo arin-arinaren erritmo bizkorrak edo hanka jasotzeko erak banakoan.

Elkarkidetza aberasgarria izan zen oso. Opariak trukatu genituen. Hizkuntza dela eta, Mexiko eta Indonesiakoekin izan genuen harreman gehien, hauekin ingelesez hitz egiten baikenuen.

Jaia amaitu zen eta gidak gurekin jarraitu zuen Bresden ezagutzeko. Hiria benetan da polita eta eskerrak eman genizkion gidari bere laguntzagatik. Laburbilduz, Esperientzia ahaztezina izan zen. Uste dugu Ibarrako herria pozik egotekoa dela gazte taldeak emandako irudi eta kalitateagatik, eta baita egindako lanagatik ere, laneko prestaketa dela eta.

Ibarra Alurr taldearentzat esperientzia ahaztezina izan da. [DV]