Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka «Nire dantzaren arrastoa utzi nahi dut paperean»

Dokumentuaren akzioak

«Nire dantzaren arrastoa utzi nahi dut paperean»

Herve Koubi - Koreografoa

Egilea
Eneko Bidegain
Komunikabidea
Berria
Tokia
Biarritz
Mota
Albistea
Data
2009/09/17

«Arrasto bat utzi nahi nuen. Dantza paperean ezartzeko beharra nuen». Gaur egun, bideoa bada. Eta ez du ukatzen bideoa dokumentu preziatua dela dantza emanaldi baten gordetzeko. «Baina bideoa ez da arrasto bat. Argazkiak eta bideoak espektro batzuk dira, fantasma batzuk. Hemen dagoen pianoa hemendik 50 urtera ere piano bera izanen da. Gauza horiek gelditzen dira. Papera gelditzen da. Mozarten bideorik ez daukagu, baina haren eskuz idatzi partiturak dituzten paperak baditugu». Musikariak paper horien bidez ahalegintzen dira Mozarten musika zein zen asmatzen, Koubik dioenez. «Ez zen orain bezala, musika tresnak ez ziren berdin arreglatuak. Segur da soinua desberdina zela. Bideoa tresna zoragarria da horretarako».

Bizitzaren helburua

Bai, baina. «Gizakiaren eskuak» utzitakoa da «arrastoa». «Hunki dezaket. Bideoa ez dezaket hunki. Historiaurreko gizaki batek harrian utzitako hori ere arrasto bat da». Beharbada, erlijioak «errespetatzen» baditu ere, ez delako «biziki fededuna». «Eszeptikoa naiz. Aldi berean, nire herioaren aurrean ikaran nago. Ez badut deuseren baitan sinesten, zertarako bizi gara? Zer arrasto uzten dugu? Galdera liluragarriak dira». Ez du hil nahi bere lanaren arrastorik utzi gabe. «Anitzek haurrak ukaiten dituzte. Hori da uzten duten arrastoa. Nik ez dut haurrik». Orduan, Koubik bere artearen arrastoa utzi nahi du paperean; dantza idatzi nahi du.

Dantza idaztea ez da ohiz kanpokoa. «Arte askoren oinarrian badago lan idatzia. Gustatzen zait dantza bati arkitektura bat emateko ideia. Batzuek inprobisatzen dute». Koubik ez. Nahiago du bere obraren mugimenduak idatzi. «Dantza bat deskribatzen dudanean, hitzak behar ditut, izenak, adjektiboak, aditzak... Jakin behar da zein hitz ezarri halako mugimenduari».

Eta horrela ari da entsaioetan. Sei dantzari gidatzen ditu. Kaier bat dauka eskuan. Eta zenbait ohar irakurtzen ditu, eta besoekin oharren araberako mugimenduak egiten ditu, dantzariei zer egin adierazteko.

Testuari garrantzia ematen dio. Eta gustatzen zaio. Gaurko emanaldiko beste bi ikusgarriak ere testuetan oinarritzen dira. Bata idazle batekin ukan zuen topaketaren ondorioa da. Bestea Coppelia balletaren egokitzapen bat da. «Gizon bat Coppelia izeneko panpina batez maiteminduko da. Baina panpinak ez du maitatuko, panpina baizik ez baita». Koubik birmoldatutako bertsioan, hala ere, panpina izanen da protagonista. «Biziki egokia iruditu zait panpina dominatzaile bihurtzea». Panpinari kolore beltzak emanez, obra klasikoa «rock-and-rollizatu» nahi izan du. Bizitza ez dela udaberriko lore ederra bakarrik erakusteko.

Dokumentuaren akzioak