Hemen zaude: Hasiera Hemeroteka «Gazteak dantzan jartzea oso zaila da, nahiz eta gehienek badakiten»

Dokumentuaren akzioak

«Gazteak dantzan jartzea oso zaila da, nahiz eta gehienek badakiten»

Gari Otamendi Dantzaria eta Arrabots taldeko arrabita-jotzailea

Egilea
J.E.
Komunikabidea
Diario Vasco
Tokia
Donostia
Mota
Albistea
Data
2010/08/29
-Nola sortu zen Arrabots?
-Arkaitz Minerrek eta biok elkar ezagutzen genuen. Jokin Otamendi, nire anaia, Tapia eta Leturiarekin eta Juan Antonio Urbeltzekin hasi zen dantzaldi gidatuetan. Esperientzia zeukan, eta guri talde bat sortzea roposatu zigun. Gero eta gehiago elkartzen hasi ginen eta hortik sortu zen dantza-piko taldea martxan jartzeko ideia. Hasieran ez genuen oso garbi ikusten, baina gero eta dei gehiago jasotzen hasi ginen, eta aurrera jarraitzen dugu.
-Arrabita jotzen duzu zuk.
-Bai, hori da gure taldearen berezitasuna. Arrabita biolin klasikoaren antzekoa da, baina ez da berdina. Arkaitzek eta biok euskal musikan berreskuratu nahi dugun zerbait da. Dokumentatuta dago Arraten, Eibarren edota Areso bezalako herrietako erromerietan bibolina jotzen zela, baino galdu egin zen.
-Erromeriak ere galtzeko zorian daudela uste duzu?
-Bai, batez ere gaur egungo gazteoi gero eta gehiago kostatzen zaigulako dantzan hastea, plazara ateratzeko lotsa alboratzea. Talde bezala daukagun helburua praktikoa eta sinplea da: jendeak erromeriekin gozatzea.
-Zailena plazara ateratzeko lotsa galtzea dela diozu. Hori gainditzen laguntzen dute dantzaldi gidatuek?
-Bai, noski. Guk egiten duguna gauza ezaguna da, baina egia da oraindik ere plaza askori kosta egiten zaiola...Lanik zailena txispa hori piztea izatea da, eta hor gidariak asko laguntzen du. Gure emanaldietan hasieran hiru edo lau ateratzen dira, korrotxo bat egiten dute, baina gutxinaka dantzari kopurua handituz joaten da. Animatzaileek erromeriak berpizten lagundu dezakete.
-Erantzuna positiboa izaten da, beraz.
-Bai, eta hori bultzatu behar da. Denetatik tokatzen zaigu hala ere, herri batean ikastaroak egin baldin badira, normalean jende gehiago aritzen da dantzan. Hori bai, gazteak dantzan jartzea oso zaila da, eta pena da, gehienek badakitelako. Erromeria gainbeheran dago, baina horri buelta emateko lanean gaudenak asko gara.
-Zer proposatzen duzue egoerak hobera egin dezan?
-Martxoan erabaki genuen taldearekin aurrera egitea, eta horixe egin dugu udan: jasotako formula batekin aurrera egin. Ez dugu ezer asmatu. Gure helburuak soinu propioa lortzea, berrikuntzak sartzea eta noski, erromerien berpizkundean laguntze dira. Hori lortzen badugu, ez da gutxi.
«Gazteak dantzan jartzea oso zaila da, nahiz eta gehienek badakiten»

Gari Otamendi.

Dokumentuaren akzioak