Hemen zaude: Hasiera Hemeroteka "26 000 couverts" konpainiaren eskutik abiatuko du Harri Xurik bere bigarren denboraldia

Dokumentuaren akzioak

"26 000 couverts" konpainiaren eskutik abiatuko du Harri Xurik bere bigarren denboraldia

Komunikabidea
kazeta.info
Mota
Albistea
Data
2011/09/22
Lotura
kazeta.info

Kanbo, Ezpeleta, Itsasu, Luhuso eta Zuraide herriek osatzen duten ArtzamendiI Ardura Anitzetako
Sindikatuak (SIVOMak) kudeatzen duen kultura-proiektua da Harri Xuri. Karrikako arteen eta euskarazko antzerkiaren fabrika izaitea du oinarri egitasmoak, artistak egonaldian hartuz, baldintza onetan lan egiteko parada izan dezaten.

Euskal Herriaren bihotzean finkatua izanki, baita bere ekitaldi urri ainitzei eta prezio oso erakargarriei esker, gehien gehienak kulturan murgil daitezen zilegitzen du Harri Xuri proiektuak.

Aurten bere bigarren deboraldi kari programa emankorra proposatu nahi du Harri Xurik. Denboraldia ekitaldi handi batekin hasiko da, "26000 couverts", Frantziako karrikako antzerki konpainietariko kreatiboenetariko batek Shakespeare harrigarri baten proposamenarekin. Irailak 25ean, igandez, arratseko 17.00etarik goiti emanen dute sorkuntza hori Harri Xuri kulturgelan, Luhuson.

Ikuskizun berriak sorkuntzan izanen ditu Hari Xurik lurraldean zehar, hala nola, Petit Theatre de Pain
konpainiaren eskutik irrikaz goaitatutako "Le Siphon" lana. Konpainiak doako entsaio publiko bat
eskainiko du irailean, "2012an ikuskizun bukatua ikusgai izan arte pazientzia lantzeko".

Hala bera, Donostiako Dantzaz konpainiak, karrikako-ikuskizunaren bide berriak jorratzen ari denak,
ikustalditxo bat eskainiko du urrian, 2012an Harri Xurira itzuli aintzin karrikako eta salako emanaldiekin.

Dantzaz-ek eszena-eskarmentua sendotzeko plataforma eskaintzen die konpainia profesionaletan sartu nahi diren dantzari gazteei. Xede horren errealitatea Euskal Herrian eta bertatik kanpo emaniko ikusgarrietan gauzatzen da. Azken hiru urteotan, 30.000 ikusle baino gehiago hartu dituzte Euskal Herrian, Frantzian, Espainian, Alemanian eta Txekian emandako 90 bat emanalditan.

Azaroaren 5ean zirkoa atsegin dutenek La Conserverie zirkoa ikusteko oarada ukanen dute. Abenduak 4an, berriz,euskarazko antzerkiaren hitzordua da Luhuson.

Bi emanaldi nagusi proposatuak dira egun horretan. 17.00etan "Saga ikastola" aurkeztuko dute Makeako jostalari taldea eta Pantzo Hirigaraik. Antzezlan hunek Ikastolen historioa kondatzen digu 1971 urtetik 2021era. Sketx labur segida baten bidez hamarkada bakoitzean izan den eboluzioa irudikatzen du : lehen urteetako zailtasunak, ukandako trabak,eta emeki emeki sortzen den onarpena, 2021ean izango denaren prospekzioa egin arte. Horren segidan, 18.30etarik goiti, Ramon Agirre era Inazio Tolos aktoreek "Xentimorik gabe" lana aurkeztuko dute.