“Ölelés”, Sandor Márai idazlearen obran oinarrituriko dantza

“Pieza honek aspaldiko lagun biren arteko berraurkitzea erakusten digu, berrogei urtez elkarrengandik urrunduta egon ostean, bai fisikoki bai espiritualki, eta umetan elkarren anaiak balira bezala izan ostean… Orain elkartu egiten dira, iraganeko liskar bat konpontzeko, elkarrengandik urrundu zituen liskar hura. Eta behartuta daude beraien mamuei aurre egitera, azkenekoz”.

Lan honek hainbat sari jaso ditu dantzaren munduan. Clara van Goolen zuzendaritzapean 2011n egin ziren zinemarako lanak ere sari asko jaso zituen, eta haien artean honako hauek daude: Laburmetraiarik Onena Sitgeseko Noves Visions atalean 2011an (Kataluniako nazioarteko fantasia-zine jaialdia), Arte-laburmetraiarik Onena Gironako zinema jaialdian 2012an, eta finalista Laburmetraiarik Onena sarian Acadèmia del Cinema

Titulua nondik datorren argitzeko Sandor Márai egilearen hitzak hartuko ditugu: «Bitxia da, baina hungarieraz, bi hitz hauek, ölés (hilketa) eta ölelés (musu), elkarren antz handia daukate eta erro berekoak dira...»

Denborak ez duelako ezer osatzen
ekintza batzuk ezin direlako konpondu
gizakia animalia delako
maitatuaren galerak tximistak bezala suntsitzen zaituelako
maitasuna jatorritzat dugulako
istorio bakoitzak haziaz eta odolaz idazten delako
arima zahartzen den azkena delako
desioak bultzatzen gaituelako
denborak dena uzten duelako agerian... onena zein txarrena. (Sandor Márai)