Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Garaiko eta durangaldeko XX. mende hasierako dantza irudiak Zubiaurretarren bilduman

Dokumentuaren akzioak

Garaiko eta durangaldeko XX. mende hasierako dantza irudiak Zubiaurretarren bilduman

2019/07/22 07:30
Garaiko eta durangaldeko XX. mende hasierako dantza irudiak Zubiaurretarren bilduman

Dantzari-dantza. Irudia: Zubiaurretarrak

Dantzari-dantza orain 90 inguru nola dantzatzen zen ikusteko ezinbesteko erakusketa dago Bilboko Arte Ederren Museoan. Valentin eta Ramon Zubiaurre margolari ospetsuek egindako argazki eta film bilduma dago ikusgai ekainaren 5etik urriaren 6ra arteZubiaurretarrak Madrilen bizi zen euskal jatorriko familia ziren, udak Garain eta Ondarroan pasatzen zituztenak maiz. Udaldi horietan egindako 1200 argazki eta 27 filmetatik sorta bat ikusi daiteke museoan, eta horietan oso ugariak dira dantza irudiak: dantzari-dantza, soka-dantza eta dantza soltea. Dantzazale batentzat uda honetako plan paregabea; uztailaren 1etik abuztuaren 31ra arte egunero 10:00-20:00 irekita egongo da museoa.

Soltean
Soltean dantzan. Irudia: Zubiaurretarrak

Garaiko irudiak Garain

Bilboko museoko erakusketaz gainera, Garaiko Udalarekin lankidetzan, zubiaurretarrek lotura estua izan zuten Garai herriko hainbat irudi aukeratu eta Garain bertan jarri dituzte. Abuztuaren 4ra arte larunbat eta igandeetan bisita daiteke erakusketa, Garaiko San Juan Ebanjelariaren elizan. Ordutegia: 12:00-14:00 eta 18:00-20:00.

Ezpata-jokoa
Dantzari-dantza, ezpata-jokoa. Irudia: Zubiaurretarrak

Informazio gehiago: Zubiaurretarrak. Memoria grafikoa (Bilboko Arte Ederren Museoa)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.