Dokumentuaren akzioak
Itziar Mendizabal, Lucia Lakarra eta Gene Yurre Gipuzkoako Dantza Profesionalen Elkartearen VII. Dantza Sarietan
Gipuzkoako Dantza Profesionalen Elkartea
- Errebelazio saria: Itziar Mendizabal, (Leipzig-eko Balleteko Dantzari Nagusia).
- Ibilbide artistikoaren saria: Lucia Lacarra, (Munich-eko Operako Balleteko Dantzari Nagusia).
- Dedikazio saria:
Gene Yurre (Dantzari ohia, Iralkaslea eta Kresala Dantza Taldeko
Sortzailea), hil osteko titulu gisa.
Datuak
Ekitaldia: VII. Dantza Sariak
Antolatzailea: Gipuzkoako Dantza Profesionalen Elkartea.
Sarituak: Itziar Mendizabal (Errebelazio Saria), Lucia Lacarra (Ibilbide Artistikoaren Saria) eta Gene Yurre (Dedikazio Saria, hil osteko titulu gisa).
Noiz: Maiatzaren 2-an, larunbata.
Lekua eta ordua: Donostiako Antzoki Zaharrean, 12.00-ean.
Sarrera: gonbidapenarekin.
Itziar Mendizabal (Hondarribia, 1981),
Leipzig-eko Balleteko Dantzari Nagusia.
1981an jaio zen Hondarribian, Gipuzkoan, eta bertan hasi zen dantza
ikasten Elvira Urbienaren eskolan lau urte zituela.1995ean Victor Ullateren
eskolan hasi eta handik hiru urtera Madrilgo Komunitateko Victor Ullate
Balletean sartu zen. Ballet honetan bere lehenengo paper garrantzitsuak
dantzatzeko aukera izan zuen: William Forsythe-ren “Vertiginous thrill
of exactitud”, Maurice Bejart-en “Fire Bird” eta Víctor Ullateren
“Jaleos” besteak beste. 21 urte zituela Demi Solista kontratatu
zuten Heinz Spoerli-k zuzendutako Zurich-eko Balletean, non paper nagusiak
dantzatu zituen Jiri Kilyanen “Petit Mort”, Uwe Scholtz-en “Oktet”,
Lin Hwai-min-en “Smoke” eta beste zenbait koreografoen lanetan.
2006tik 2008ra Leipzig-eko Operako Balleteko dantzari bakarlaria izan
zen, 2008tik Dantzari Nagusia bihurtu zen, eta rol garrantzitsuak interpretatu
ditu: Odette/Odile (Paul Chalmerren Zisneen lakua), Katerina (John Crankoren
La fierecilla domada), Uwe Sholtz-en “Shumman”-en bi bikoteak
eta abar. “Ballettanz” aldizkariak 2007/ 2008 denboraldiko Errebelazio Dantzaria izendatu zuen.
Eta baita ere 2009’ko “Benois de la Danse” sarirako izendatua
izan da.
Lucia Lacarra (Zumaia, 1975), Munich-eko Operako Balleteko Dantzari Nagusia.
Municheko Operako Balleteko
Dantzari Nagusia. Lacarra Mentxu Medelen “Thalia” Estudiotik 1989an
atera zen Victor Ullateren Eskolan eta konpainian sartzeko (1989-1994),
Gipuzkoako Foru Aldundiko beka baten laguntzarekin. Lau urte geroago,
Roland Petitek zuzendutako Marseillako Balletean (1994-1997) Dantzari
Nagusi rola lortu zuen. Ondoren, (1997-2002), Atlantikoa zeharkatu zuen
San Franciscoko Balleteko izar nagusia izateko. Gaur egun, Municheko
Operako Balletean ari da dantzan. Maila gorenean hainbeste urtez karrera
profesionala eginez, dantzako sari nagusi ugari jaso ditu. Horien artean
nabarmentzen dira Urteko
Artista Onenarentzako “Danza&Danza” saria (1995), Veneziako
“Positano” saria (1995), “Isadora Duncan” saria (1999), Monakoko
“Nijinsky” saria (2002), Moskuko
“Benois de la Danse” saria (2003),
“Sabino Arana” saria (2004) eta Estatu Espainiarreko Dantza saria
(2005).
2007an, Zubin Mehtak
zuzendu zuen Vienako Urte-berri eguneko Kontzertuan dantzatzera konbidatua
izan zen (emanaldi horretara konbidatzen duten Estatuko lehen dantzaria
bihurtuaz). 2008an, “Bayerisches
Kämmertanzerin” (Bavierako Kamarako Dantzaria)
izendatu zuten.
Gene Yurre (Donostia, 1928-2008), Dantzaria, Koreografoa, eta Kresala dantza taldearen fundatzailea.
Donostian jaioa, Normandiara
erbesteratua, bertako dantza kontserbatorioan ezagutu zuen dantza Klasikoa,
geroago Parisen balletaren ezagutza areagotuko zuen. Dantzari gisa,
Théâtre du Châtelet’eko Konpainiarekin izan zuen bere lehen kontratua.
Irina Grjebinaren Errusiar Folklorearen Balletean sartu zen, lehen dantzari
gisa, lau kontinentetan zehar ibili zelarik. Bakarlari gisa, Les Ygrouchki
Ukrainiako Ballet Kosakoetan parte hartu zuen. 1968. urteko maiatzean,
amiaera ematen dio bere dantzari ibilbideari, Euskal Herriara itzuliaz,
eta Dantza Irakasle ibilbidea hasi zuen.
Ballet Klasikoko lizentziatua izanik, istituzioetan epaimahaikide eta teknika aholkularia izan da, Gipuzkoako Foru Aldundian, esate baterako. “Pas de Basque” ikerketa burutu zuen, Euskal dantzek Dantza Klasikoari egindako ekarpenei buruz, eta Amsterdango Het Nationale Balletak egin zuen bezala, Euskadiko Ballet Nazionala sortzeko proposamena aurkeztu zuen, egoitza Vctoria Eugenia Antzokian izango zuena. Momentu horretatik aurrera, 1968. urtean sortu zuen Kresala Dantza Taldean buru belarri lanean dihardu. Euskal Herriko tradiziozko dantzen sorkuntza koreografikoaren erreferente , Gene Yurre, jaioterrian zendu zen , iazko Urrian.
Dantza sariak
2008.- Errebelazio Saria: Iker Murillo (Zuricheko Balleteko Dantzari Bakarlaria),
Ibilbide Artistikoaren Saria: Iratxe Beorlegui (Mexico-ko Compañía Nacional de Danza’ko Lehen Bakarlaria)
Dedikazio Saria: Hilde Koch (Dantzari ohia, errepikatzaile, eta irakaslea).
2007.- Errebelazio Saria: Jorge Nozal
(Nederlands Dans Theater’eko Dantzaria)
Ibilbide Artistikoaren Saria: Iratxe Ansa (Nederlands Dans Theater’eko Dantzaria).
Dedikazio Saria: Peter
Brown eta Ageda Sarasua (Donostiako Konserbatorioko irakasleak).
2006.- Errebelazio Saria: Alicia Amatriain
(Stuttgart Balleteko Dantzari Nagusia).
Ibilbide Artistikoaren Saria: Jone San Martín (Frankfurteko The Forsythe Company’ko Dantzaria).
Dedikazio Saria: José Lainez eta Concha Martínez (“Anexa” Dantza Garaikideko Konpainiaren sortzaileak).
2005.- Ibilbide Artistikoaren Saria: Urtzi Aranburu
(Nederlands Dans Theater’eko Dantzaria)
2004.- Dantza Saria: Gipuzkoako Foru Aldundia
Dantza Saria: Miguel Orbelzu
(Elkarteko Lehen Lehendakaria).
2003.- Dantza Saria: Donostiako Udala, Tolosako Udala,
Irungo Udala, Lasarte-Oriako Udala.
Dokumentuaren akzioak
Erantzun
