Hemen zaude: Hasiera Albisteak Jota eta porru ikastaroak eskainiko ditu Andra Marik Estatu Batuetan

Dokumentuaren akzioak

Jota eta porru ikastaroak eskainiko ditu Andra Marik Estatu Batuetan

2010/10/20 09:20
Urriaren 30etik azaroaren 15era Estatu Batuetako mendebaldean jota eta porru ikastaro trinkoak eskainiko dituzte Galdakaoko Andra Mari dantzari taldeko bi irakaslek. Mikel Goitia eta Iraitz Barandiaran-ek Salt Lake City, Chino eta Boisen eskainiko dizkiete ikastaroak bertako euskal dantzariei.

NABO (North American Basque Organization) elkarteak antolatuta eta Eusko Jaurlaritzaren babesarekin, hainbat formakuntza saio antolatu dituzte azken urteotan Ameriketako Estatu Batuetan. Oraingoan, jota eta porrua irakastera joango dira Galdakaoko Andra Mari dantzari taldeko Mikel Goitia eta Iraitz Barandiaran dantzari eta irakasleak.

Urriaren 30etik azaroaren 2ra Salt Lake Cityn eskainiko da ikastaroa, azaroaren 5etik 7ra Chinon, eta azaroaren 9tik 14ra Boisen.

Informazioa: Nabasque

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.