Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Gaitaren doinura dantzan Miarritzen

Dokumentuaren akzioak

Gaitaren doinura dantzan Miarritzen

Filipe Lesgourgues
2007/10/25 13:16
Heldu diren azaroaren 9,10 eta 11an Miarritzen Gaita Egunak izanen dira Iparraldeko Gaiteroak izeneko lagunarteak antolaturik. Hiru egunez zer nahi musika eta dantza eskainiak izanen dira. Ipar eta Hego Gaiteroak, Bretainiako musika talde bat, bi Okzitaniartik, Aragoiko dantza taldea et Burrunka taldearen Ufaka Zanpak ikuskizuna, bi hitzez!

VIII. Gaita egunak Miarritzen

2007ko azaroaren 9, 10 eta 11an

San Martin pesta kari

Gaita Egunak urteak jin urteak joan han hemenka dabiltza. Aurten Miarritze herri hautaraino jiten dira Uztaritze, Baigorri, Donibane Lohitzune, Sara, Bastida, Baiona eta Garazi jarraian VIII.Gaita Egunak ospatzerat, bai Biarritz Événements izeneko elkarteari bai herriko etxeari esker.

Euskal Herriko xoko guzietatik gaiteroak helduko dira bai karrika zein areto edo elizetan musikaren jotzerat, goizetik gaua artino.

Hortaz gain Bretainia eta Landetako musika taldeak ere ariko dira. Ahantzi gabe Euskal Herriko oboez osaturiko taldea.

Ezen, hastapenetik herriz-herri joanki Iparraldeko Gaiteroak elkartea-k nahi duena hauxe da: gaitaren soinu ainitzezkoa lau haizetarat hegalka izan dadila. Binazka ala bertze musika tresnek lagundua gaita badoa beti aintzina.

Iparraldeko Gaiteroek badakite oraino gaita gaztearoan dela gure eskualdean. Nahiz eta duela 40 urte gutienetik, gaitaren soinua hedatua izan gure aintzinekoen nahikeriari esker. Hoietarik gure artean daude eta beti erne. Ez ditugu ahanzten.

Egitaraua

Azaroaren 9an ortziralarekin

Astiriko 6etan Kapera Imperialean (sartzea urririk)

Lehen zatia : Landetako Boha taldea

Landetatik jin bohajoleak Landetako Konserbatorioan boha eta flauta erakaslea den Yan Cozian-ek zuzendurik

Bigarren zatia: Euskal Herriko oboe taldea, Iruñea eta Baionatik jinik, Baionako Konserbatorioan oboezko erakalea den Jacky Morel-ek zuzendurik


Gauezko 9etan Santa Eugeniko elizan (sartzea urririk)

« Betiko Gaita » Akizeko La Nèhe armoniako 80 soinulariak eta 10 Uztaritzeko Gaiteroekin Jean Garin-ek zuzendurik.

Bi taldeen arteko harremanak, gaitazale eta La Nèhe zuzendaria den Uztaritzeko Jean GARIN-en bitartez lotuak izan ziren.

Ipar Euskal Herriko musikagile gazteak diren Mañolo ESPELLET eta Remy GACHIS zati berriak asmatu dituzte La Nèhe eta Uztaritzeko Gaiteroak taldeentzako. Entzungarri huntan aurkeztua den musika, partaide guzi horien lanaren fruitua da, saio, apainketa eta emanaldi ainitzen emaitza. KD ateraldia Agorila argitaletxeak.


Azaroaren 10ean larunbatarekin

Goizeko 9ak t'erdietan San Charles, Santa Eugenie, Merkatuan

Dianak Iparraldeko Gaiteroek emanik

Ttoro lehiaketan Merkatuan

Txaranga Untsalaz: Iruñeko Untsalaz Txarangak ohizko txarangen musika tresna berak dauzka, nortasuna ematen dion salbuespen nabargarri batekin: bi gaitek ordezten dituzte betiko tronpetak. Euskal Herriko eta kanpoko musikak nahasten ditu. Kemena badu jadanik haatik duela gutti ikas-bidaia bururatzerat Karaibetaraino joana da eta geroztik soinua beroago omen dago...


Goizeko 10etatik 11ak arte- Clemenceau plazan

Big Boha Band : 7 boha joile eta 3 atabalari karrikako musika zabaltzeko hala nola rondoak, polkas, scottisches eta kongoak edo mazurkak eta bertze.


11etan - Kanta Lasai Arroka elkartearekin Merkatuan

Euskaraz xaramalatzeko elkarrekin, txistu, gaita edo eskusoinu eta guitarekin lagun


Arratsaleko 3ak t'erdietatik 4ak t'erdi arte Gaiteroen alardea Clemenceau plazan

Hego eta Iparreko gaiteroek jendeari soinu zenbait eskainiko diote

Hegoaldetik jinak: Bilbo, Elantxobe, Arrasate, Oreretra, Tutera, Iruñea, Gazteiz, Eltziego

Iparraldetik jinak: Baigorri, Uztaritze, Txingudi, Sutar, Sara, Baiona, Garazi

Kevrenn Brest Sant Mark, Bretainiako talde hoberenetariko da, Bretaindarrek diotenez. Hogoi ta hamar bat soinulari Kelta herriraino joaiteko musikaren bidez…

Biribilketa Clemenceau plazatik Santa Eugenie plazarat

Soinulari guziak musikan eta ibilki


Arratsaldeko 5etan–Entzugarria - Santa Eugenie kiozkan

Kevrenn Brest Sant Mark : Aurten Bresteko taldea-k 60 urte betetzen ditu. Zorionak !


Arratsaldeko 6etatik 8ak arte – Gaitazko entzungarria Santa Eugeniko elizan (sartzea dohainik)

Landetako Big Boha Band idekidura

Iparraldeko eta Hegoaldeko gaiteroak: Bilbo, Tutera, Iruñea, Gasteiz, Eltziego, Baigorri, Uztaritze, Txingudi eta ikasle gaitero taldeak banazka ariko dira ezohizko gaita musikaren entzunarazteko.


Gauezko 9etan-Gaita afaria (jendeari idekia 25eurotan) Françon eremuan-Ravel egoitzan

Afariaren denboran, parada ukanen dugu Arabatik heldu Eltziegoko Gaiteroak & Friends behatzea. Gaitaren soinu berezia, metal-brass ohizko taldea eta perkusioak uztarturik, bertzeak bertze H. Evers, Pablo Sarasate Miarritzen bizi zena, eta Carlos Gardel-etaz oroitzeko


Azaroaren 11an igandearekin

San Martin auzoan

Dianak : Uztaritzeko Gaiteroek emanik


Goizeko 10ak t'erdietan-Meza nagusian gaita eta organoa

Goizeko 11ak t'erdietan-Kevrenn Brest Sant Mark Clemenceau plazatik Bellevue plazarat

Eguerditik oren bata arte Bellevue plazan

Miarritztarrei musikaz ongi etorria pestako bazkaria aintzin Kevrenn Brest Sant Mark eta Aragoiko dantzarien partetik


Arratsaldeko 6etan ikuskizuna Gare du Midi aretoan

1.zatia

Otsagiko dantzak Itzartxo taldekide ohiekin eta Baigorriko Gaiteroak lagun

Aragoiko dantzak Gallureko taldearekin

2. zatia

Ufaka Zanpaka

Autengo Burrunka taldearen ikuskizuna : 25 soinulari 20 dantzari

Beñat Amorena-k musikak asmatu ditu eta lan gaitza izanik ere, soinu emaitza aski xumea da, bainan barna, ginartsua eta kementsua. Eta huntan, dudarik gabe, Uztaritzeko ihauterien eragina nabaritzen da. Ezen Uztaritzeko ihauteriak Hartzaro festibalaren bihotzean dira. 2004. urtean Burrunka taldea asmatua izan da festibalean parte hartzeko. Ekimen hori, Uztaritzeko Gaiteroen aintzindaria eta festibalaren zuzendaria den Pierre Haira-k du izan.

Ufaka Zanpaka izan dadin Claude Labat Lauburu elkarte buruzagiak, Thierry Truffaut euskal etnologoak, Dominique Lacoustille modalariak, Roger Hirigoien argilariak, Didier Teillagorri sonolariak, Sophie Desclaux mozorrolariak, Jose Cazaubon eta Ainoa Labeyrie dantzari gazte suharrek dantzak asmalariek rratsak mundu zabalean bildurik eta Beñat Amorena musikaegileak, ahantzi gabe Burrunkalariek eta dantzariek, buru belarri parte harte dute.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.