Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak EGOk eta BBJk indarrak batu eta udako denboraldian elkarrekin ikusiko ditugu taula gainean

Dokumentuaren akzioak

EGOk eta BBJk indarrak batu eta udako denboraldian elkarrekin ikusiko ditugu taula gainean

Dantzaz Elkartea
2008/07/08 15:20
EGOk I. Stravinskyren “Suzko txoria” ballet mitikoa joko du bakarrik eta BBJren laguntza izango du M. Ravelen Boleroa interpretatzeko. Bi ballet unibertsaletan oinarritutako egitarau interesgarria dakarkigute bi taldeek.
Euskal Herriko Gazte Orkestrak udako denboraldia aurkeztu du gaur. Gazte Orkestrak, BBJ (Ballet Biarritz Juniorra) lagun hartuta, balletean oinarritutako egitaraua eskainiko du denboraldian zehar. Eusko Jaurlaritzaren Donostiako egoitzan egindako aurkezpen-ekitaldian, Kultura sailburuordea eta Euskal Herriko Gazte Orkestra Fundazioaren lehendakariordea den Gurutz Larrañagak eta BBKko, Kutxako eta Vital Kutxako ordezkariek 2008ko lankidetza-hitzarmena aurkeztu dute. Haren arabera, hiru Kutxak eta Euskal Herriko Gazte Orkestraren Fundazioa elkarlanean arituko dira. 

 

Eusko Jaurlaritzako Kultura Sailaren eta BBK, Kutxa eta Vital Kutxako Gizarte Ekintzarako departamentuen arteko lankidetza-hitzarmena beste urrats bat izan da euskal musikari gazteek kalitate handiko prestakuntza jaso dezaten.

BBJrekin elkarlanean eta ganbera ziklo bikaina

Euskal Herriko Gazte Orkestraren 12. udako denboraldia ekitaldiz lepo datorkigu. Heldu den udan, EGOk ballet bat izango du bidaide estreinakoz: BBJ, hain zuzen. Ballet Biarritz Juniorra Donostiako DANTZAZ elkartea eta Koreografia Zentro Nazionala–Biarrizko Balleta elkarlanean aritu izanaren fruitu da. Hasiera-hasieratik, mugaz gaindiko ekimen horrek INTERREG III Europako programaren laguntza jaso izan du. Gaur egun, Eusko Jaurlaritzak, Gipuzkoako Foru Aldundiak eta Donostiako Udalak finantzatzen dute oso-osorik.

 

Europa barreneko hamar dantzarik osatzen dute konpainia. Horiek guztiak entzunaldi bidez hautatuak izan ziren. Errepertorioak barne hartzen dituen obren egileak, besteak beste, ondorengo hauek dira: Thierry Malandain, Christine Grimaldi, Christophe García, Gaël Domenger, Thomas Noone eta Itzik Galili.

 

Balletak hiru urte egin ditu jada. Gainera, aipatzeko modukoa da aurreko promozioetako dantzariak itzal handiko konpainietan aritzen direla egun, esate baterako honako hauetan: Lausanako Béjart Balletean, Marseillako Ballet Nazionalean, Lorenako Ballet Nazionalean, Kanaria Handiko Balletean, Australia Mendebaleko Balletean, Biarrizko Balletean, Europako Balletean eta Bartzelonako Antzerki Institutuan.

Elkartze horren habe nagusietako bat ganberako musika da. Ganberako errepertorioari esker, musikariek afinazioaren zentzua garatu dezakete. Horrez gain, ganberako musikak suspertu egiten du gainerako ahotsak entzuteko musikariek duten gaitasuna eta “taldearen sonoritatea” hautemateko sena. Musika mota hori, halaber, dinamismoa, fraseatzea, erritmoa eta vibratoa lantzeko baliagarria da oso. Esan gabe doa ganbera musika jotzen duten musikariek biziki aberasgarriak diren autodiziplinarako zenbait usadio garatu behar dituztela.

Oraingo honetan, EGOk Leoneko Iberoamerikar Musika Jaialdiaren 21. edizioan hartuko du parte. Harekin batera, sona handiko zenbait artista arituko dira, hala nola: Ara Malikian, La Colombina ahots-laukotea edo Ganbera Orkestra Iberikoa.

Musika-egitaraua

Errepertorio sinfonikoa

I. Stravinsky           Suzko txoria (1947ko bertsioa)

M. Ravel                 Boleroa

 

Eibarko hezkuntza-esparruan izango da elkartzea.

Juan José Ocónek zuzenduko ditu musikari gazteak.

Thierry Malandainek Bolero-ren koreografia asmatu du.

 

Hona hemen heldu den denboraldian eskainiko diren BBJrekin batera kontzertuen zerrenda:

  

Uztailak 21              Donostia                          Kursaalean

Uztailak 22              Gasteiz                            Principal Antzokian   

Uztailak 23              Bilbo                               Euskalduna Jauregian

 

Dantzaz-Ballet Biarritz Junior
  • Zuzendaria: Filgi Claverie
  • Koordinatzaile artistikoa: Adriana Pous
  • Produkzio exekutiboa: Sofía Alforja
  • Balet maisua: Gaël Domenger
  • Irakasle gonbidatua: Iñaki Landa
  • Argien diseinua: Jean-Claude Asquié
  • Talde teknikoa ERAGIN STAC
  • Dantzariak: Sophie Antoine, David Debernardi, Aurèlien Dougè, Irma Hoffren, Vivien Ingrams, Solène Nusbaum, Erick Odriozola, Garazi Perez, Andrea Vallescar

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.