Edukira salto egin | Salto egin nabigazioara

Tresna pertsonalak
Hemen zaude: Hasiera › Albisteak › Nafarroa dantza garaikidearen topalekua izango da apirilaren 29tik maiatzaren 14ra

Dokumentuaren akzioak

Nafarroa dantza garaikidearen topalekua izango da apirilaren 29tik maiatzaren 14ra

Dantzan Dantzan
2018/04/26 08:45
Nafarroa dantza garaikidearen topalekua izango da apirilaren 29tik maiatzaren 14ra

DNA jaialdia ate joka dugu, Nafarroako Dantza Garaikidearen Jaialdia apirilaren 29tik maiatzaren 13ra izango da. Nafarroako hainbat txoko hartuko ditu dantza garaikideak, besteak beste, Iruña, Sakana, Aralarko San Migel santutegia, Agoitz, Barañain, Uharte, Mutiloa, Noain, Atarrabia, Ribaforada, Zangoza, Tutera eta Zizur Nagusia.

Aurreko edizioetako helburuak aurtengoan ere bere egiten ditu jaialdiak, hala nola, dantzaren inguruan begirada eta diskurtso desberdinak sortzea, dibertsitaterako arretaren aldeko apustua egitea eta abangoardiako azken joerei eta lengoaiei ateak zabaltzea. Berrikuntza gisa, aurtengoan, jaialdiak ahalegin berezia egin du dantza garaikidea ikusle berriei irekitzeko, batez ere haurrei zein familiei. Horretarako, ikusleak hartan trebatzeko tailer eta jarduera espezifikoak abiatu dira.

Hamabost egunez, dantza emanaldiak, topaketak, prestakuntza-jarduerak... izango dira. Tartean, baita mundu mailako estreinaldiak ere: “The Night: envisioning a Post-Capitalist Society While We Sleep”, hello!earth-ena; “Erritu", Kukai eta Sharon Fridmanena;  “Gorputza-Dokumentua”, Estitxu Arroyo nafarrarena eta “Errata Naturala”, Led Silhouette kolektibo nafar-madrildarrarena.

Egitaraua

Apirilak 29

  • 13:00etan, Rouge Elea: Ronde, Erreniega Parkea-Zizur Nagusia.
  • 19:30ean, Dantzaren Nazioarteko Eguneko Gala, Haizea. Barañaingo Auditorioa.

Apirilak 30

  • 18:30ean, Erritu: Kukai Dantza & Sharon Fridman. Aralarko San Migel Santutegia.

 Maiatzak 1

  • 18:30ean, Erritu: Kukai Dantza & Sharon Fridman. Aralarko San Migel Santutegia.

Maiatzak 04

  • 18:30ean, Zuk Performing Arts: Ura. Ribaforadako Kultur Etxea.
  • 20:30ean, Pere Faura: Sin baile no hay paraiso, mi propia historia de la danza. Gaztambide Antzokia-Tutela.

Maiatzak 5

  • 12:00etan, Ghislaine Verano: Aperitifak “Lo bueno”. Uharte, Arte Garaikideko Zentroa
  • 20:00etan, Pere Faura: Sin baile no hay paraiso, mi propia historia de la danza. Atarrabiako Kultura Etxea
  • 22:00etan, hello!earth: The Night, Visioninga Post-capitalist Society While We Sleep. Ziudadela - Iruñea.

Maiatzak 6

  • 12:00etan, Rosemary Lee & Simon Whitehead: Calling Tree Paseo Ibilaldia. Rincón del Caballo Blanco-Iruñea.
  • 18:00etan, Rosemary Lee & Simon Whitehead: Calling Tree Paseo Ibilaldia. Rincón del Caballo Blanco-Iruñea.
  • 22:00etan, hello!earth: The Night, Visioninga Post-capitalist Society While We Sleep. Ziudadela-Iruñea.

 Maiatzak 9

  • 18:00etan, Jérôme Bel: Gala. Barañaingo Auditorioa.
  • 22:00etan, hello!earth: The Night, Visioninga Post-capitalist Society While We Sleep. Ziudadela-Iruñea.

Maiatzak 10

  • 17:00etan, Estitxu Arroyo Sánchez: Cuerpo-Documento. Nafarroako Artxiboan-Iruñea.
  • 19:00etan, Toni Jodar: Mintzaldi dantzatua 1. Civican-Iruñea.
  • 20:30ean, Jérôme Bel: Gala, Barañaingo Auditorioa.
  • 22:00etan, hello!earth: The Night, Visioninga Post-capitalist Society While We Sleep. Ziudadela - Iruña

Maiatzak 11

  • 12:00etan, Rosemary Lee & Simon Whitehead: Calling Tree Pamplona-Iruña. Rincón del Caballo Blanco-Iruña
  • 17:00etan, Estitxu Arroyo Sánchez: Cuerpo-Documento. Nafarroako Artxiboan-Iruñea.
  • 18:00etan, Rosemary Lee & Simon Whitehead: Calling Tree Pamplona-Iruña. Rincón del Caballo Blanco-Iruña
  • 20:00etan, Mathilde Monnier & La Ribot: Gustavia. Gayarre Antzokia-Iruña
  • 20:30ean, Jesús Rubio Gamo: Bolero. Noaingo Kultur Gunea.
  • 21:00ean, Toni Jodar: Mintzaldi dantzatua 1. Noaingo Kultur Gunea
  • 22:00etan, hello!earth: The Night, Visioninga Post-capitalist Society While We Sleep. Ziudadela - Iruña

Maiatzak 12

  • 12:00etan, Rosemary Lee & Simon Whitehead: Calling Tree Pamplona-Iruña. Ziudadela-Iruña
  • 12:30ean, Toni Jodar: Mintzaldi dantzatua 2. Arangurengo Kultur Etxea
  • 13:00etan, Jesús Rubio Gamo: Bolero/ Led Silhouette: Errata Natural/ Helena Lizari & Laida Aldaz: Kirolak. Kale Nagusia-Zangoza
  • 18:00ean, Rosemary Lee & Simon Whitehead: Calling Tree Pamplona-Iruña/ hello!earth: The Night, Visioninga Post-capitalist Society While We Sleep/ Jesús Rubio Gamo: Bolero/ Led Silhouette: Errata Natural/ Helena Lizari & Laida Aldaz: Kirolak/ Zuk Performing Arts: Ypark. Ziudadela-Iruña

Maiatzak 13

  • 13:00etan, Jesús Rubio Gamo: Bolero/ Led Silhouette: Errata Natural/ Helena Lizari & Laida Aldaz: Kirolak.Behe Nafarroa Plaza-Agoitz.

Dantza Ikuskizunen informazioa

Rouge Elea: Ronde apirilak 29, igandea, 13:00

Ronde ikuskizunean dantza eta zirko garaikidea nahasten dira aireko elementuekin; haren gaia senidetasuna da, haurtzaroaren ikuspegitik ikusita. Trapeziotako erabiltzen den lanpara batetik zintzilikaturik, bi ahizpak beren arteko lokarri konplexuak erakusten dituzte: konplizitatea eta maitasuna, baina baita elkarren arteko lehia eta liskarra ere. Bizi oso bateko urratsetan barna egiten den zeharkaldi honetan, gorputzak senez jostatzen dira, elkar ukitzen dute, elkarri ihes egiten, elkar
nekatzen, elkar lotzen. Rouge Elea konpainiak aireko zirkuaren, dantzaren, musikaren eta objektu eta irudien arteko gurutzaguneak arakatzen ditu Hendaian duen

egoitzan

Erritu: Kukai Dantza & Sharon Fridman apirilak 30, astelehena, 18:30/ maiatzak 1, asteartea, 18:30

Kukai: Erritu

Errituren estreinaldia esperientzia bakar eta errepikaezina izanen da, Aralarko San Migel santutegia izanen baitu antzeztokia, hau da, gune espirituala, elezahar eta errituen tokia. Obrak dantza, abesbatzarako musika, paisaia eta arkitektura bateratzen ditu espazio-denbora bakan berean, eta gogoeta egiten du komunitate baten partaide sentiarazten gaituzten errituen indarraz. Erritu osatzeko, elkarlanean aritu dira Kukai, Sharon Fridman eta David Azurza kontratenorra, eta Sakanako eta Larraungo eragile artistikoen partaidetza izanen du.

Zuk Performing Arts: Ura maiatzak 4, ostirala, 18:30

Ura bideo eta dantza ikuskizun bat da, Itsaso A. Cano nafarraren Zuk Performing Arts konpainiak sortua Ribaforadako Kultur Etxeko hip hop ikasleen laguntzaz.
Ura da konpainiak Ribaforadan egindako hezkuntza-egonaldiaren emaitza; bertan, Nafarroako Erriberan ingurumena zaintzearen inguruko sentsibilizaziorako

tresna dira dantza eta bideoa.

Pere Faura: Sin baile no hay paraiso, mi propia historia de la danza maiatzak 4, ostirala, 20:30

Sin baile no hay paraíso collage koreografiko bat da, dantzaren historiako eta sortzailearen historia pertsonaleko lau obra ikoniko txirikordatzen dituena: Gene Kellyren Singin’ in the Rain-go klakea, John Travoltaren Saturday Night Fever-ko diskoa, Anne Teresa De Keersmaekerren Arrosak-eko dantza garaikidea eta Maya Plisetskayaren Beltxargaren Heriotza-ko dantza klasikoa. Sin baile no hay paraíso da, aldi berean, umorezko autokritika ariketa bat dantzaren munduari eta haren erreferenteei buruz.

hello!earth: The Night, Visioninga Post-capitalist Society While We Sleep maiatzak 5, 6, 9, 10 eta 11, 22:00

Uharte Zentroan hilabeteko egonaldia egin ondoan, hello!earth kolektibo danimarkarrak The Night estreinatuko du DNAn: gaueko esperientzia parte-hartzaile bat. Planetako herri aunitzek sormenerako espaziotzat hartzen dituzte ametsak. The Night ere sormenerako espazio gisa planteatua dago, zeinean parteartzaileek esperimentatzen ahalko duten elkarrekin amets egiteak duen ahalmena, sortzen ahalko dituzten irudipen kolektiboak eta entseatzen ahalko dituzten komunitate eredu posibleak gizartepostkapitalista batean.

Rosemary Lee & Simon Whitehead: Calling Tree Paseo Ibilaldia maiatzak 6, igandea, 12:00 eta 18:00

Zuhaitz zaharren lagunen elkartearekin lankidetzan, Calling Tree artistek Iruñeko zuhaitzak gertuagotik ezagutzeko ibilaldi bat egitea proposatzen digute. Denboraren igarotzeko lekukoak, zuhaitz bakoitzak bere istorioa kontatuko digu: bere sustraiak jarri zituen tokiko historia eta aterpea eskaintzen dien animali eta landareekin dituen harremanak.

Jérôme Bel: Gala maiatzak 9, asteazkena, 18:00/ maiatzak 10, osteguna, 20:30

 

“Galakerrorearen eta arrakastaren arteko lerroak urtzen ditu, eta iradokitzen antzerkia komunitate dela agertokitik kanpo nahiz barne. Basatiki entretenigarria eta egiazki erradikala.” Jerome Bel, dantza europarrean itzal gehien duten figuretariko bat, galdera honetatik da abiatzen: zer gertatzen da pertsona arruntek osaturiko talde bat agertoki batera igo eta dantzaren plazerari amore ematen dionean? Gala-n, sei dantzari profesionalek agertokia partekatzen dute hamalau amateurrekin eta, gisa horretan, beren gorputz eta gaitasunetan gizartearen aniztasuna islatzen.

Estitxu Arroyo Sánchez: Cuerpo-Documento maiatzak 10 eta 11, 17:00

"Cuerpo-Documento” ikerketa eszenikorako proiektu bat da, diziplina anitzeko fitxategi performatibo moduan asmatua. Gorputz femeninoaren inguruan ardazten da, dokumentu gisa, topagune eta eztabaidagune gisa. Espazio izatez poetiko eta politiko gisa. Gorputz-Dokumentua fitxategiak zenbait karpeta dauzka, independenteak, pieza laburren gisara, haien artean elkarrizketatzen direnak, nola aurkezten diren eta horrela. 1. seriea lau karpetak osaturik dago: 1. Pasabidea; 2. Bilduma baten anatomia; 3. Aunitz izatea eta bakar bat ere ez izatea; 4. Agerpenak.

Mathilde Monnier & La Ribot: Gustavia maiatzak 11, ostirala, 20:00

Gustavia-k nazioarteko dantza garaikidearen biartista handi biltzen ditu, Marx anaien, Keatonen edo Chaplinen burlesque klasikoaren unibertsotik edandako ikuskizunean, agertokira ekarri nahirik gaur egungo feminismoko zenbait auzi, hala nola sororitatea/lehiakortasuna eta “emakumea izatearen” aniztasuna. “Gustavia-n bi emakumek gag bilakatzen dute kartoi-harrizko tragedia, oro eroriko, amarru eta behaztopo. Bi emakume, zer eta askotariko antzerkia haragiturik:
animalia exotikoa, dantzaria, bihurrikaria, akrobata, ilusionista, vedettea, atleta, emakume indartsua, orekaria, boxeadorea..."
Toni Jodar: Mintzaldi dantzaduna 1 eta 2 maiatzak 10, osteguna, 19:00/ Maiatzak 11, ostirala, 21:00/ maiatzak 12, larunbata, 12:30
LEHENENGO ZATIA
Dantza Moderno eta Garaikideari buruzko mintzaldi dantzaduna (1. zatia) dantza garaikiderako atarikoa da, klasikotik abiatu, XX. mendeko korronte amerikarrean barna iragan eta Europan akitzen dena Espresionismoarekin eta Antzerki Dantzarekin. DNA Jaialdiaren programazioaren barnean bigarren zatia ere badago:
Conferencia Bailada: Toni Jodar explica las Tendencias Actuales. Aranguren Ibarreko Kulturgunean aurkeztuko da, Mutiloan, maiatzaren 12n, larunbatarekin, 12:30ean. Bi performance pedagogikoak Dantza azalduz ikusleak hezteko eta sortzeko programaren parte dira.
BIGARREN ZATIA
Mintzaldi dantzadun honetan (Toni Jodar explica las Tendencias Actuales) hainbat gai jorratuko dira, hala nola dantzaren eta arte plastikoen arteko loturak,
hibridazioa, biluztasuna, gorputzaren demokratizazioa, umorea eta mugimenduaren alderako gustua. DNAren programazioaren barnean orobat dago
Conferencia Bailada: Toni Jodar explica la Danza Moderna y Contemporánea-ren lehen zatia, Iruñeko Civicanen aurkeztuko dena maiatzaren 10ean, ortzegunarekin, 19:00etan, eta Noaingo Kulturgunean, maiatzaren 11n, ortziralearekin, 21:00etan. Bi performance pedagogikoak ikusleak hezteko eta sortzeko Dantza azalduz programaren parte dira.
Jesús Rubio Gamo: Bolero maiatzak 11, ostirala, 20:30/ maiatzak 12, larunbata, 13:00/ maiatzak 12, larunbata, 18:00/ maiatzak 13, igandea, 13:00

“Bolero-k kemen liluragarri eta xarmagarria du (...). Beharbada bikote baten metafora da, edo krisitik ateratzeko borrokan dabilen herriarena”. Bolero
egoskorkeriaren gaineko obra da, arinaren eta larriaren arteko mugaren gainekoa, plazeraren eta akiduraren arteko joan-etorriaren gainekoa. Orobat
erran liteke denboraren iragateari buruzko eta “bizi osoa” irauten duten harremanei buruzko dantza dela. Jesús Rubio Gamo dantzari, koreografo eta idazle
madrildarra 2008az geroztik ari da bere sorkuntzak ekoizten.

Led Silhouette: Errata Natural maiatzak 12, larunbata, 13:00 eta18:00/ maiatzak 13, igandea 13:00

Errata Natural-en gaia oker bat da, hain zuzen ere, konbentzio sozialek eraikitako “normaltasuna” berezkotzat hartzeko okerra. Gaur egun badakigu lurra alimaleko imana dela, eta bertan haren ipar polo magnetikoa (iparorratzak seinalatzen diguna), egiazki, hego polo geografikoan dagoela; adibide horixe erabiltzen dute ideia bat aldarrikatzeko: iparra galtzea, bidea galtzea eta ezarritakoari ezikusia egitea. Led Shilouette Martxel Rodriguez nafarrak eta Jon Lópezek 2015ean sortutako kolektiboa da, ikerketa koreografikoa garatzeko, beren interprete lana utzi gabe Kukai Dantza edo La Veronal konpainietan.

Helena Lizari & Laida Aldaz: Kirolak maiatzak 12, larunbata, 13:00 eta18:00/ maiatzak 13, igandea 13:00

Kirolak Helena Lizariren eta Laida Aldazen arteko elkarlanean, Euskal Herriko herri kirolen kultura zaharraren irakurketa egiten da dantzaren eta txalapartaren soinu zuzenaren bitartez. Lehiakortasuna, trebetasuna, abilezia, desafioa, indarra, erresistentzia, horra herri kirolen zimendua, nekazaritza munduko lanetatik abiatuta sortzen direnetik. Aizkora proba, gizon proba, lokotx biltzea, sokatira eta lasto altxatzea izan dira obra honi oinarria ematen dioten herri kirolak.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.