Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Baionako Euskal Museoaren argazkiak sarean

Dokumentuaren akzioak

Baionako Euskal Museoaren argazkiak sarean

Aritz Ibañez
2008/12/23 12:10
Baionako Euskal Museoak argazki sorta bikaina sareratu du berriki. Horietako asko ezagunak dira, gure iruditeriaren parte bilakatu direnak dagoeneko. Beste batzuk ezezagunak eta bitxiak. Orotara, 1860 eta 1930 urteen arteko 5.000 argazki inguru. Tartean dantzarekin harremana dutenak ere bai, noski.

Gure herria duela 150-80 urte inguru nolakoa zen irudikatzeko aukera ederra eskaini digu Baionako Euskal Museoak. Izan ere, euskal herrialde guztietako 5.000 argazki inguru sareratu dituzte berriki. Argazki zaharrak, XIX. mende bukaera eta XX. mende hasiera bitartekoak, hain zuzen.  

Argazkiak ederki daude kodifikatuta eta gaika bilatzeko aukera eskaintzen digu museoaren webguneak. Argazki ezin interesgarriagoak, esan bezala, duela 100 urteko Euskal Herriaren hainbat alor erakusten dizkigutenak: eguneroko bizitza, lana, familia, aisialdia... eta dantza

Horietatik batzuk ekarriko ditugu hona.

Zuberoan eginen dugu lehen geldiunea. Pierre Gelly argazkilariak 1925. urtean ateratakoa da lehenbiziko hau. Maskaradako aitzindariak eta txirularia agertzen dira bertan.

Zuberoako aitzindariak - 1925

 

Gipuzkoako dantzen argazkirik ere bada. Esaterako 1934. urtean Donibane Lohitzunen dantzari gipuzkoar hauei ateratakoa, muriska bete-betean. Bikaina!

Gipuzkoar dantzariak - 1934

 

Jauzia eman eta Nafarroako ekialdera, Otsagabira helduko gara. Bertako danzanteak agertzen zaizkigu beste argazkietako batean. Pasa den mendeko 20-30. hamarkadetako tartean, orduko Iruñeko gaitarien doinupean dantzan azaltzen dira honako honetan.

Otsagabiko danzanteak - 1930

 

Nafarroa garaitik Nafarroa Beherera, Irisarrira hain zuzen. 1937. urtean egindako Kabalkadakoa da ondorengo argazkia.

Irisarriko kabalkada - 1937
Irisarri, 1937.

 

Dantzarako jantzien aberastasunari erreparatzeko aukera ere eskaintzen digute argazkiok. Hurrengo bi hauek horren lekuko. Lehenbizikoa, Lapurdiko Kotilungorriarena. 1920. urte inguruan egina.

Kotilungorria - 1920

 

Edo Nafarroa Behereko Bolanta edo Karakotxarena. 1925 inguruko argazkia honakoa.

Bolanta - 1925

 

Dokumentuaren akzioak

user
2008/12/23 14:34

Mundialak!!!

Erantzun

Erantzuna emateko identifikatu egin behar zara, gure webgunean erabiltzaile bat sortuz.