Gipuzkoako Dantzagunearen programazio eta jarduerak

Gipuzkoako Foru Aldundiak, Artelekun dituen dantza instalazioak egokitu eta gehitu ditu  egoitza bezala, proiektu hau aurrera  eraman ahal izateko. Guzti honen ondorioz,  dantzaren alorrean sorkuntza, entsaio lanak edo formazio programak egin nahi izan dituzten entitate eta pertsonek lekua izan dute bertan, espazioen lagapen programa bati esker.

Dantzaren sektoreak, hezkuntza sistemaren hutsuneak eta estruktura  gabezia  kontutan hartuta, hiru lan ardatz identifikatu ditu.Gipuzkoako Foru Aldundiak, bat egiten du hiru lan ardatz horiekin eta lan ildo jarri ditu abian.

1.go lan ildoa: Dantza tradizionala balioan jarri eta beste dantza expresioen maila berean jarri. Euskal dantza tradizionalaren kurrikulumaren erredakzioa  jarri da martxan, Dantza ikasi progrmaren bitartez

Dantzan ikasi programa
Dantza tradizionalaren alorrean formazio jarraitua. Dantza tradizionalaren irakaskuntzan laguntzeko asmoz sortu da Dantzan Ikasi egitasmoa. Dantza tradizionala irakasgai duten irakasleei eta ikasten jarraitu nahi duten dantzariei, beren formazioan sakontzen jarraitu ahal izateko aukera eskaintzea da helburua. Ikastaro, mintegi eta taller teoriko zein praktikoen bidez, dantza irakasleen eta dantzarien formazioa osatzeko aukera eskaini nahi da ekimen honen bidez. Dantzan Ikasi Gipuzkoako Foru Aldundiaren ekimena da. Dantzan.com elkartea arduratzen da egitasmoaren kudeaketa teknikoaz. Gipuzkoako Euskal Dantzarien Biltzarra eta Ikerfolk  elkarteek gainbegiratzen dute proiektuaren ibilbidea Dantzan Ikasi-ren Jarraipen Batzordetik. Joan den maiatzean jarri zen martxan egitasmoa.

2. lan ildoa: Hezkuntza mundutik, dantzariek profesionaltasunerako pausua emateko baliabideak sortzea.Gipuzkoako Foru Aldundiak eta Eusko Jaularitzak, Dantzaz konpainiaren ereduaren aldeko apostua egin zuten eta hala jarraitzen dute gaur ere.

Dantzaz Konpainia:

Gipuzkoako kulturaren munduan orain lau urte sortu zenetik, Dantzaz konpainiak bi helburu nagusi izan ditu: publikoaren dantzaren aldeko sentsibilizazioa bultzatzea eta dantzari gazteen profesionalizazioa indartzea.

Horren adibide bezala aipa genitzake azken hilabeteotan egindako honako jarduerak:

• Konpainia osatzen duten hamar dantzariak aukeratzeko audizioan Europa guztitik etorritako 150 dantzarik hartu zuten parte.
• Gipuzkoako 13 ikastetxeekin sentsibilizazio-kanpaina aurrera eraman dute, 1200 ikasleei zuzendutako ekitaldiekin.
• T.danz gazte balleten topaketak antolatu dituzte, nazioarteko beste bi konpainia gazteekin esperientziak partekatuz (Quebeceko Ballet divertimento eta Parisko Junior Ballet Classique).
• Programa berri bat estreinatu dute , laugarrena eta 1.01 izena daramana, hiru koreograforen lanak elkartuz, publikoaren eta kritikaren harrera ezin hobea lortuz.
  

Dantzaz konpainiak Gipuzkoako Foru Aldundiaren eta Eusko Jaurlaritzaren laguntzak jasotzen ditu, proiektu estrategikotzat hartu dute.

3. lan ildoa: Dantzaren sorkuntza eta formakuntza jarria zihurtatuko duten estruktura edo oinarriak sortzea: Gipuzkoako  Foru Aldundiak Artelekun Artelekun kokatu du Gipuzkoako Dantzagunea.

Gipuzkoako Foru Aldundiak, Artelekun, arte garaikidean sorkuntzari bultzada emateko sortutako zerbitzu plataformaren eredua, baiogarri izaten jarraitzen baita artearen  beste arlo batzuetan ere.Horrexegatik, Artelekun dagoen Dantzaguneak, sorkuntzarako espazioak  uzten jarraituko du, baita formazio
zikloak egiteko ere eta dantza sektorearen parte hartzea zihurtatuko duten dinamikak sortuz.Horren adibide da Ertza konpainia:

Ertza konpainia:
Asier Zabaleta dantzari eta koreografo gipuzkoarrak zuzentzen duen konpainia hau dantza garaikidearen alorrean Gipuzkoako esanguratsuena da eta Autonomia Elkargoan kalitate eta oihartzun haundiena duten konpainiatako bat. Bere helburu nagusia da espazio berri bat lortzea non dantza garaikideak beste arte disziplinekin harremanak sortzen dituen, lengoia eszenikoa berrituz. Egotik,
Babia, Look, Ostrukaren zuloa, Bihar jaio nintzen eta azken aldian estreinatu berri duen Zoo dira bere lan nagusiak

Sorkuntza proiektuetarako eta produzio berrien entseguetarako espazioak uzten ditu sarritan Diputazioak, hala nola: Dantzan bilaka-ri, Dantza hirian-i eta, orain arte aipatutakoez gain baita beste batzuri ere.

Gainera, lehen aipaturiko konpainien bitartez, ikastaro eta tailerrak antolatu ditu Aldundiak, eta baita bere klaseak ireki ere.  Gipuzkoako dantza profesionalen elkartearekin lankidetzan. Opor garaietako ikastaro espezializatuak antolatuz. Espezializazio ikasketak egiteko beka programa ere abian du Diputazioak.

Gipuzkoako Foru Aldundiak 416.000€ inbertitu ditu aurten, dantzaren inguruko jardueretan

2009ko ikastaro, tailer eta proiektu puntualak. Egindakoak eta egitekoak.

Jarduera hauetan inplikatutako entitateak:

• Dantzan.com

• Dantza hirian festibala

• Dantzaz konpainia

• Ertza konpainia

• Euskal Dantzarien Biltzarra, Gipuzkoa

• Euskal Herriko dantza elkartea – Asociación de danza de Euskal Herria (ADDE)

• Gipuzkoako dantzari profesionalen elkartea

• Hamalauzanko elkartea

• Ikerfolk elkartea

• Dantzari eta koreografo askeak: Mikel Aristegi, Izaskun Lapaza, Silvia Hoyos…