Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak ADDEk AlhondigaBilbaon ospatuko du Dantzaren Nazioarteko Eguna

Dokumentuaren akzioak

ADDEk AlhondigaBilbaon ospatuko du Dantzaren Nazioarteko Eguna

ADDE
2014/04/25 22:35
2014ko Dantzaren Nazioarteko Egunak dantzaren elkarteek eta euskal sortzaileek egiten duten lana izango du ardatz. ADDEk 2009tik egun hau ospatzen du dantza kaleratzen eta AlhóndigaBilbaon egingo du lehen urtez. AlhóndigaBilbaok arte biziak estrategikotzat hartzen ditu eta artisten eta ikusleen artean hainbat esperientzia sortzea lortzen dituzten ekimenak bultzatzea du helburu. Dantzaren Nazioarteko Egunaren ospakizuna arratsaldeko 18.00etan hasiko da Arriquibar plazan bertan egingo den flashmob-arekin. Ospakizunak AlhóndigaBilbaoko atarian jarraipena izango du irakurriko den manifestuarekin eta dantza librea eta musikaren erakusketa batekin.

ADDEk, Euskal Herriko Dantza Profesionalen Elkarteak, AlhóndigaBilbaorekin lankidetzan, Dantzaren Nazioarteko Eguna ospatuko du datorren apirilaren 29an Kultura Zentroaren instalazioetan. ADDEk 2009tik ospatzen du egun hau dantza kaleratzen, sortzaileen, konpainien eta eskolen lana gizarteari hurbilduz eta AlhóndigaBilbaon egingo du arten lehen aldiz.

ADDE DAntzaren nazioarteko eguna 2014

2014ko Dantzaren Nazioarteko Egunak dantzaren elkarteek eta euskal sortzaileek egiten duten lanaren inguruan ospatuko da, beraz, AlhóndigaBilbaok Arte Bizien programari esker bertako zein nazioarteko musika, antzerkia eta dantzak bultzatzearen helburuarekin bat dator.

Ospakizun honekin, dantza lanbide bat dela gogorarazi nahi dute ADDEk eta AlhóndigaBilbaok. 2014ko Dantzaren Nazioarteko Egunaren programa ondorengoa izango da:

18:00 AlhóndigaBilbaon sarrera

Flasmob-a kamera geldoan

 18:10 AlhóndigaBilbaoko ataria

Manifestuaren eta Nazioarteko EGunaren mezuaren irakurketa

 18:10 AlhóndigaBilbaoko ataria

Dantzan Bilaka 2014 erakusketa

  • Krego-Martin danza: To be continued
  • Izaskun Lapaza Rodriguez: Ehundurak

 

18:45 (gutxi gorabehera). AlhóndigaBilbaoko ataria

  • Musika eta dantza librea

 

19:15 (gutxi gorabehera)

  • Ospakizunaren amaiera 


AlhóndigaBilbaoko atarian irakurriko den manifestua Mourad Merzouki dantzari eta koreografo frantsesari eskatutako mezua izango da. “Artista bakoitzak bere artearen harrotasuna du” lelopean, dantzako profesionalek, zailtasunen gainetik, maitatzen duten lanbidean lan egitera animatzen du dantzaren edertasuna eta honek bizitzan duen eraginetik abiatuta.

Dantzaren Nazioarteko Eguna

Dantzaren Nazioarteko Eguna 1982an sortu zen, Antzerkiaren Nazioarteko Institutuko Nazioarteko Dantza Batzordearen ekimenez (ITI/UNESCO). Apirilaren 29an, hori baita aukeratutako eguna, Jean-Georges Noverre (1727-1810) arte-berritzaile eta ikerlariaren jaiotza ospatzen da. Noverre Dantzaren eraldatzaile handia izan zen, eta Ballet Modernoa sortu zuen; era berean, oraindik ere indarrean dagoen eta Dantzaren izaera aztertzen duen “Dantzaren eta Balletaren gutunak” lana idatzi zuen.

ADDE, Euskal Herriko Dantza Profesionalen Elkartea

2003. urtean sortu zen ekimenak sektorearen barne-kohesioaren alde eta profesionalen lan-baldintzak hobetzearen alde egiten du lan. Bere helburua, dantzaren garapen soziala, hezkuntzakoa, lanekoa, kulturala eta artistikoa bultzatzea da, profesionalen baterako esperientziatik, konpromisotik eta hausnarketatik abiatuta.

Gaur egun elkarteak 106 bazkide ditu eta dantzaren sektorean egiten diren proiektuak bultzatzen ditu, baita dantzarien prestakuntza sustatu ere: lantaldeak, diru-laguntzen eta deialdien berraztertzea, bertako zein nazioarteko jaialdietan egiten diren egitarauen zabalkuntza, euskal dantzen konpainiak atzerrira eramateko planak egitea, heziketa-proiektuak, etab.

AlhóndigaBilbao eta dantza

Dantzak AlhóndigaBilbaoko programazioan garrantzi handia izan du hasiera-hasieratik.

321 Topaketa bezalako programak, dantza monografikoak, programazio finkoak, dantza jardunaldiak eta heziketa sustatzen dituzten ekimenak programazioaren gai nagusiak dira. Programazioa eszenatokian ikuskizun bat martxan jartzea baino haratago doa. Artistekin batera doan programazio zabala eta sortzailea izatea nahi da. Gizarteak ezagutzeko eta konpartitzeko plataforma.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.