Agenda

Node + Mundubat: Basandere

*ENTSEGU IREKIA

Basoan bizi zen Basandere, eta berarekin topo egin zuen gazte batekin maitemindu zen. Gizakiak, oinak barik atzaparrak zituela jakitean, bere maitasun-eskariei men egin ez zienez, hurrengo egunean hil egingo zela iragarri zion, eta Basandere bera izan zen haren hiletan". Basajaunen emakumeari buruzko mito honek «Basandere» dantza-pieza sortzeko prozesuaren abiapuntu gisa balio du, krisi klimatikoak bizitzan eta emakumeetan izan dituen eraginak jorratzen dituena.

Pertsonaien glosarioa:

• Basajaun: oihan eta basoetako jauna
• Basandere: bere emaztea

Fitxa artistikoa:

• Antzezleak: Marina Eskisabel, Borja Bordonabe
• Zuzendaritza koreografikoa: Borja Bordonabe
• Koreografia: Sorkuntza kolektiboa
• Musika: Ion Estala
• Jantziak: Makabra, Sinestesiä Accesory, NODE
• Ekoizpen exekutiboa, banaketa: Ana Barrantes.
• Ideia, zuzendaritza: Ion Estala
• Babesa: Mundubat, Etxepare Euskal Institutua, Gipuzkoako Foru Aldundia, Gipuzkoako Dantzagunea, Kutxa Fundazioa, LABO GO (Sortze-prozesuen. erakusleihoa)

Iraupena: 60 minutu

Gehiago irakurri

Axeri dantza: Herri baten erritua

Aduna eta Andoaingo Axeri Dantzaren iraganeko oihartzunek etorkizuneko ahotsekin egingo dute topo Aitor Arrutik zuzendutako dokumental honetan. Tradizio bat berreskuratu eta eguneratzearen erronkak erakusten dituen ikusentzunezko bidaia bat.

*Gonbidapenak eskuratzeko gerturatu Bastero Kulturguneko atarira, jadanik eskuragarri.

Gehiago irakurri

Dantzaldia: Patxi eta konpania

Santo Tomas eguna dela eta dantzaldia izango da Hernanin Patxi eta konpaniarekin.

*Eguraldi txarrarekin, Atsegindegin

Gehiago irakurri

Isilarazitako herri baten oihua

Izan ginelako, izaten jarraitzen dugu . Baina bidea ez da erraza izan. Izan ginena isilarazten saiatu izan dira mendeetan zehar. Historiak ertz asko ditu, baina askotan bertsio bakarren kontakizunak gailendu dira.

Horregatik, gure herriaren historiako zati garrantzitsuetako batzuk dantzatuz kontatu nahi dizkizuegu. Izan ginen hura gogoratu nahi dugu, bizi garen oraina ulertzeko. Isilarazi egin nahi izan gintuztenez, dantzatuz oihu egin nahi dugu, isilaraziak izan zirenak omenduz, dantzatzen duen herria ez delako sekula hilko.

Gure omenaldi xume hau, datorren abenduaren 20an, larunbatean, 19:30ean, plazaratuko dugu Beasaingo Usurbe Antzokian, urteroko Gabonetako emanaldian. Sarrera doakoa izango da.

Zuen zain izango gaituzue

Ostadar Dantza Taldea

Gehiago irakurri

Santamasetako dantzaldia

Santamasetako dantzaldia, herriko musikariekin.

• Gaiteroak
• Trikitixa eskola
• Txistulariak

Santamasak 2025

Gehiago irakurri

Ihauterietako karroak eta munstroak

Ihauterietako erritualetan alderantzikatze fenomeno ugari daude, neguko urtaroa baita heriotza eta denboraren kontra joateko ideiarekin eginak. Gauzen ordena hausteko nahian, izugarri handitik oso ttikira, erraldoi zein iputxek, alimaleko karroek, herensugeek eta beste munstroek gauzen orden jakina nahasarazten dute. Hori dena jantzietan baita erritualen egintzetan adierazten da.

Gehiago irakurri

Hitza eta hizkuntza berpiztearen zerbitzuko

Ihauterietako erritualetan garrantzi handia du hitzak, dantzariek, joaldunek, lanbide parodiek egiten dituzten akzioen osagarria. Eske kantak, elkarrizketa teatralizatuak edo erranaldi magikoak horren lekuko dira, modelo tradizionaletan zein parte hartzaileen irudimenarekin osatuak. Kopla edo umore hitzak hizkuntza ezberdinetan erranak dira, berriz ere hizkuntza eta kultura batzuen gurutzatze eremuan dagoen herrian.

Gehiago irakurri

Komedia, epaiketa eta satitra soziala: Monsieur Carnaval-etik San Pantzar-era

Neguko urtarotik udara pasatzea, Ihauteriak batera, urte osorako balantzea egiteko aukera  da. Biltzar nagusi batean bezala, gizarte osoak plaza publikoan aurkezten ditu giza-balorazioak, eta bereziki grina ekarri dituzten gaiak. Aktualitate politikoa, gai pribatuak zein herriko bizitzari lotuak, kezka horiek satira sozial baten eredu batean adieraziak dira. Gure herrialdean, epaiketa bat antolatzen da, erdiko pertsonai akusatu batekin: monsieur Carnaval edo San Pantzar.

Gehiago irakurri