Agenda

Urtarrilaren 21ean hasi eta apirilaren 27an bukatuko dira 2024ko maskaradak, Pagolako herritarrek emanak. Guztira 15 emanaldi izango dira urtarriletik apirilera astebururo. Ohitura den moduan lehena eta azkena antolatzaileen herrian izango dira, Pagolan, eta beste 12 herri bisitatuko dituzte, Zuberoako 11 herri eta baita Nafarroa Behereko Donaixti ere.

Maskaradak 2024 Egutegia

• Urtarrilak 21, igandea: Pagola

• Urtarrilak 27, larunbata: Ezpeize > Urtarrilak 28, igandea: Ezpeize

• Otsailak 4, igandea: Iruri Otsailak 3, larunbata: Maule-Lextarre

• Otsailak 11, igandea: Maule-Lextarre > Otsailak 11, igandea: Iruri

• Otsailak 17, larunbata: Gamere-Zihiga

• Otsailak 24, larunbata: Muskildi

• Martxoak 2, larunbata: Donaixti

• Martxoak 10, igandea: Ligi-Atherei

• Martxoak 17, igandea: Idauze

• Martxoak 23, larunbata: Aloze

• Martxoak 31, igandea: Barkoxe

• Apirilak 7, igandea: Larraine

• Apirilak 14, igandea: Urdiñarbe

• Apirilak 21, igandea: Lakarri-Altzai

• Apirilak 27, larunbata: Pagola

Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.

Bere sorkuntza berrian, Pantxika Telleria oihaneko unibertso ezkutuan inspiratu da. Bere biztanleak senari jarraitzen diote, lurraren kolore, usain eta baita urtaro-aldaketa nekaezinen ondorioei esker ere. Batean sustraia, bestean intsektu-gorputza, animalia zein izaki-gorputza, dantzari bikoteak ekibokoa, irrealtasuna taularatzen du, Vivaldi-ren Lau urtaroekin lotuta. Zentzumenak desbideratu egiten dira, natura beste ikuspegi batetik hautemateko.

• Zuzendaritza artistikoa & Koreografia: Pantxika Telleria
• Interpreteak: Joana Millet Arias, Jon Vernier Bareigts
• Musika sorkuntza: La ZIC des ARTS
• Argiztapena: Javi Ulla
• Eszenografia & Osagarriak: Annie Onchalo
• Jantziak: Dorothée Laurent
• Burukoak: Christophe Pavia

KAXKOAN

Senpereko Zirikolatz euskal dantza taldearen 45. urtemugakari antolatu emanaldia, 8 eta 74 urte arteko ehun bat senpertar biltzen dituena

*DNA 2024 jaialdiaren barruan

Argia da mundua ulertzeko informazio mezulari nagusia, eta, hala ere, unibertsoko erakunde enigmatikoenetako bat da. Giza begiaren bidez ikus daitekeen argi zerrenda gizakiak ezagutzen duen espektro osoaren zati txiki bat baino ez da. Argi beltza proposamen koreografiko bat da, ikusten ez dugun argia aipatzen duena, hau da, egon dagoen eta ikusgaiari zentzua ematen dion zati ikusezina. Zientziak eta arteak elkarri eskua ematen diote argiaren izaera fisikoan inspirazioa bilatzeko, eta eguneroko fenomenoen poetikarekin jolasteko, egunerokotasunagatik oharkabean pasatzen baitira

*2024ko BLV Art jaialdiaren barruan.

Pentsamenduen, kultura-erreferentzien eta askotariko hizkuntzen dantza da (arabiera, gaztelania eta euskara). Mosaiko bat, non Ekialde Ertaineko, Ipar Afrikako eta Euskadiko kulturak, poesia mistikoaren, kantu esentzial eta tradizionalaren, dantza zirkularraren, ekialdeko dantzaren eta euskal dantzen fusioaren bitartez, espazioarekin, denborarekin, gorputzarekin, ideiaren presentziarekin, energiarekin, komunikazio-egitatearekin, bestearen parte-hartzearekin eta testuingurua aintzat hartzearekin aritzen diren.

Iraupena: 45´
+14 urte

*DNA 2024 jaialdiaren barruan.

Udaberri honetan, DNA Danza Contemporánea de Navarra programaren eskutik, Zuk Performing Art-en Quosque tándem abutere-n estreinaldiaz gozatu ahal izango da. Jorge Oteizaren obran oinarrituta, Itsaso A. Cano dantzari eta koreografoak Oteizaren unibertsoari, euskal konstruktibismoari eta egile horren 1963ko saiakerari buruzko bidaia zizelkatu zuen.

Argia da mundua ulertzeko informazio mezulari nagusia, eta, hala ere, unibertsoko erakunde enigmatikoenetako bat da. Giza begiaren bidez ikus daitekeen argi zerrenda gizakiak ezagutzen duen espektro osoaren zati txiki bat baino ez da. Argi beltza proposamen koreografiko bat da, ikusten ez dugun argia aipatzen duena, hau da, egon dagoen eta ikusgaiari zentzua ematen dion zati ikusezina. Zientziak eta arteak elkarri eskua ematen diote argiaren izaera fisikoan inspirazioa bilatzeko, eta eguneroko fenomenoen poetikarekin jolasteko, egunerokotasunagatik oharkabean pasatzen baitira.

• Jatorrizko ideia: Joaquín Sevilla eta Carmen Larraz
• Zuzendaritza artistikoa: Carmen Larraz
• Zuzendaritza zientifikoa: Joaquín Sevilla
• Sorkuntza koreografikoa eta interpretazioa: Alec Lechster, Carmen Larraz eta Lorenzo Avolio
• Musika sorkuntza: Hilario Rodeiro
• Sorkuntza eszenikoa: Andoni Mendizábal
• Jantziak sortzea: Illazki Martirena
• Komunikazioa: Carolina Otamendi

MOOR KRAD ikuskizunak argitara atera nahi du gu guztiok gordetzen dugun itzal hori. Bizitzan zehar, hainbat arrazoi ezberdinengatik ezkutatzen ditugun gure alderdiez osaturiko itzala. Gure izaerako zati bat ez balitz bezala, izaera horren gela ilunenean izkutatzen goazelarik.

Lur zati honetan bizi diren pertsonaiek badakite alde ilun bat dutela eta honek aldi berean beraien izaera osatzen duela. Horregatik ez dituzte beraien kontraesanak ezkutatzen eta benetan diren bezala agertzen dira besteon begietara. Ez dute beldurrik, izan ere beldurra, aurretik ezarritako arauen kontra jokatzen dugunean soilik azaltzen bait da. MOOR KRAD-en ez da gezurrik, ez moral bikoitzik, ez eta bizitza paralelorik… Hemen dena argitara ateratzen da. Ikusten duzun zerbait ez bada zure gustukoa, ez begiratu; eta oraindik ere ezegonkortasuna sortzen badu zugan, agian bizkar gainean daramazun zaku horretan bilatu beharko zenituzke arrazoiak.

Puruak jaiotzen bagara ere, gure izaerako ze alderdiak botako ditugun zakura erabakitzen pasatzen dugu gure haurtzaroa eta gaztaroaren parte handi bat; eta gainontzekoa berriz, zaku hori nola hustu asmatu ezinik.

* DNA 2024 jaialdiaren barruan.

Aurretik ezarritako molde batean sartzeko presioak eragin dezake nortasuna galtzea eta, horrekin batera, nork bere buruarekin duen lotura galtzea. Bikote honek aurre egin nahi die gizarte konbentzioei; helburu sakonago bat bilatzen dute askatasunerantz eta autodeterminaziorantz egiten ari diren bidean. Arauak eta itxaropenak txikitatik ezartzen diren gizarte batean, gizabanakoaren eraikuntza etengabeko borroka bihurtzen da.

* DNA 2024 jaialdiaren barruan.

Aurretik ezarritako molde batean sartzeko presioak eragin dezake nortasuna galtzea eta, horrekin batera, nork bere buruarekin duen lotura galtzea. Bikote honek aurre egin nahi die gizarte konbentzioei; helburu sakonago bat bilatzen dute askatasunerantz eta autodeterminaziorantz egiten ari diren bidean. Arauak eta itxaropenak txikitatik ezartzen diren gizarte batean, gizabanakoaren eraikuntza etengabeko borroka bihurtzen da.

1937ko apirilaren 26an, Gernikak bere historiaren bilakaeran betirako markatuko zuen eraso izugarri bat jasan zuen. Pablo Picasso artista malagarrak, bonbardeaketa horren basakeria betikotu zuen nazioartean ezaguna den “Guernica” margolanean.

Ausarta
Pertsona batek beldur edo arrisku egoera bateri aurre egiteko duen jarrera eta tinkotasunari deritzo “ausardia”.
Ausardia gizakiaren bertutea ere bada; gainditu beharreko zailtasunengatik, beldurrra izan arren, ekintza bat gauzatzera bultzatzen gaituena. Gizabanakoek duten barne-indarraren parte da, beldurrei edo arriskuei aurre egitea eskatzen duen egoeraren aurrean erantzuteko.

Ausarta pieza sortzeari buruz
“Gernikako hirian eta bere historia osoan inspiratzen naiz, hiria eta bertako jendea bonbardeatu zituenetik, Euskal Herriko kultura eta bere esentzia guztia hartu ahal izatea, dantza garaikide esperimentalaren ikuspegi bat emateko. Bere hizkuntza, Euskera eta txalaparta, musika bezala erabiltzea, bere dantza tipikoen urratsak erabiltzea eta ikuspegi garaikidea ematea, iragana eta etorkizuna modu harmonikoan uztartu ahal izateko.
Pablo Picassoren “Gernika” margolan ospetsua, inspirazio bat izan zen niretzat; izan ere, bonbardaketa era batera irudikatzen du: erronka bat bezela dantzarien gorputzekin piezan islatzeko ahalmenari dagokionez. 13 dantzari izan eta eurekin batera sortu ahal izatea, euren mugimendu eta ehundura kalitatea ikustea, nire ideiak euren ondoan islatzea eta agertokira eramatea”

Fitxa:

• Egilea: Jose Luis Magaña
• Koreografoa: Jose Luis Magaña
• Zuzendaria: Rosa Rementeria Del Villar
• Antzezleak; Asier Martínez Ostolaza, Miren Bilbao Astola, Alaia Zarate Valdueza, Gaël Sacanell Bañuelos, Maeva Morlesin Beares, Maialen Torre Higon, Ines Aresti Viniegra, Leire Gordo Badiola, Maddi Argote Ledesma, Ismael D. Morales, Ángela Matabuena Suárez, Saioa Iraizoz Erviti, Naia Ordorika Azkarate
  
• Iraupena: 23 minutu