Agenda

Dantza urbanoa teknologiaren erritmoan.

Familia osoarentzako ikuskizuna, Brodasko dantza urbanotik eta Desilenceren unibertso bisualetik abiatuta.
Brodas Brosek espazioa argiztatzen du bere mugimenduarekin eta gorputzari lotutako sentsoreekin Do¯jin, argi-itzalen dantza murgiltzailea.

Dojik aldi berekoa esan nahi du japonieraz. Desilence artista bisualek, ikuskizunaren formak eta koloreak zehatz-mehatz programatu dituztenek, dantzariekin jolasten dute. Elkarrekin paisaia bat sortzen dute, non ikusleak kolorean, erritmoan, musikan eta dantzan murgildurik bidaiatzen duen. Argien eta itzalen mundu honetan zer garen eta nola mugitzen garen hausnartzen duen ospakizuna da pieza bakoitza.

Teknologia ikusizko edukiak sortzeko tresna gisa erabiltzeaz gain, ikuskizun honetan jolasteko eta gozatzeko erabiltzen da, mugitzeko eta zuzeneko sorkuntzarako askatasun handiagoa ahalbidetuz.

Bi emakume ametsez, ilusioz eta itxaropez beteriko bidaia batean murgilduko dira, baina ez da beti erraza izango. Aurrez aurre izango dituzte gatazkak, erronkak eta makurrak… eta, ezinbestean, beldurra, tristura eta atsekabea, maite duten eta jaio ziren lurra atzean utzi dutelako.

Zirkuko teknikak dituen antzerki ikuskizuna da, eta lehengo aldiz, konpaniako kideak ez dira aktore protagonistak. 

• Konpainia: La Baldufa

• Egilea: Enric Blasi, Emiliano Pardo y Carles Pijuán

• Musika: Óscar Roig. Ona Vives eta Laia Gómez-ekin

• Argiztapena: Anjos Fernández

Olaeta Ballet Elkarteak M eme M (Mari emakume Mitologikoa) ballet-ekoizpen berria aurkeztuko du. Emakume baten bidaia mitologikoa, haurtzarotik abiatu eta helduarora. Bidaia hori aitzakia bat besterik ez da mundu mitologikoa erakusteko. Emakumearen begietatik ikusiko dugu mitologia; emakumeak mundu horretan dituen indarra eta nortasuna ikusiko ditugu. Azkenean, egungo gizartean proiektatuko dugu hori guztia. Hiru izpirituk, Jon Maia eta Amets Arzallus bertsolariekin eta txalapartarekin batera, mundu magiko batean sartuko gaituzte eta istorioari bizia emango diote.

Gainera, Lau urtaroak euskal balleta ere taularatuko du Ballets Olaetak, Bittor Olaetaren koreografiarekin, eta José Luis Francoren musikatik abiatuta. Bertan, bizitzaren lau etapa bezala irudikatzen dira lau urtaroak. Udaberria haurtzaroa da; jostaria, axolagabea eta alaia. Uda gaztetasuna da; indarra eta bultzada. Udazkena heldutasuna da; lasaitasuna, dotorezia eta harmonia. Eta negua zahartzaroa da; jakinduria eta gure nagusien umore sarkastikoaren irudikapena.

Balleteko dantzariekin batera, lan hauek osatzeko ezinbestekoak dira Zirzira Ahots Taldea emakumeen abesbatza, Ius Pérezen zuzendaritzapean, eta BilbaoSinfonietta, Iker Sánchez zuzendari duela.

• Dantzariak: Olaeta Ballets Elkartea

• Abesbatza: Zirzira Ahots Taldea

• Abesbatzaren zuzendaria: Ius Pérez

• Orkestra: BilbaoSinfonietta

• Orkestraren zuzendaria: Iker Sánchez