Agenda

Urtarrilaren 21ean hasi eta apirilaren 27an bukatuko dira 2024ko maskaradak, Pagolako herritarrek emanak. Guztira 15 emanaldi izango dira urtarriletik apirilera astebururo. Ohitura den moduan lehena eta azkena antolatzaileen herrian izango dira, Pagolan, eta beste 12 herri bisitatuko dituzte, Zuberoako 11 herri eta baita Nafarroa Behereko Donaixti ere.

Maskaradak 2024 Egutegia

• Urtarrilak 21, igandea: Pagola

• Urtarrilak 27, larunbata: Ezpeize > Urtarrilak 28, igandea: Ezpeize

• Otsailak 4, igandea: Iruri Otsailak 3, larunbata: Maule-Lextarre

• Otsailak 11, igandea: Maule-Lextarre > Otsailak 11, igandea: Iruri

• Otsailak 17, larunbata: Gamere-Zihiga

• Otsailak 24, larunbata: Muskildi

• Martxoak 2, larunbata: Donaixti

• Martxoak 10, igandea: Ligi-Atherei

• Martxoak 17, igandea: Idauze

• Martxoak 23, larunbata: Aloze

• Martxoak 31, igandea: Barkoxe

• Apirilak 7, igandea: Larraine

• Apirilak 14, igandea: Urdiñarbe

• Apirilak 21, igandea: Lakarri-Altzai

• Apirilak 27, larunbata: Pagola

Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.

Bere sorkuntza berrian, Pantxika Telleria oihaneko unibertso ezkutuan inspiratu da. Bere biztanleak senari jarraitzen diote, lurraren kolore, usain eta baita urtaro-aldaketa nekaezinen ondorioei esker ere. Batean sustraia, bestean intsektu-gorputza, animalia zein izaki-gorputza, dantzari bikoteak ekibokoa, irrealtasuna taularatzen du, Vivaldi-ren Lau urtaroekin lotuta. Zentzumenak desbideratu egiten dira, natura beste ikuspegi batetik hautemateko.

• Zuzendaritza artistikoa & Koreografia: Pantxika Telleria
• Interpreteak: Joana Millet Arias, Jon Vernier Bareigts
• Musika sorkuntza: La ZIC des ARTS
• Argiztapena: Javi Ulla
• Eszenografia & Osagarriak: Annie Onchalo
• Jantziak: Dorothée Laurent
• Burukoak: Christophe Pavia

Martxoaren 10ean,  12:00etan, Muxikoak dantzatzeko aukera izango da Errenteriako Herriko Plazan (Koldo Mitxelena ikastetxeko patioan euria egingo balu), Beti Prest taldeak antolatuta.

Martxoko saio honetan. 23. Korrikaren etorrera ospatzeko eta motorrak berotzen hasteko Beti Prestek Korrikako petoak jantzita dantzatzeko gonbita luzatu du. 

Martxoaren 10ean,  12:00etan, Muxikoak dantzatzeko aukera izango da Errenteriako Herriko Plazan (Koldo Mitxelena ikastetxeko patioan euria egingo balu), Beti Prest taldeak antolatuta.

Martxoko saio honetan. 23. Korrikaren etorrera ospatzeko eta motorrak berotzen hasteko Beti Prestek Korrikako petoak jantzita dantzatzeko gonbita luzatu du. 

*dFERIA 2024 jaialdiaren egitarauaren barne.

Askotariko estiloak erabat ulertzeko gai diren 16 interprete bakarlarik osatzen dute Centro Coreografico Nazionale / Aterballetto. Beren ospea bai Italian bai nazioartean zabaldu da, interpreteen kalitate nabarmenari esker. Italiako dantza garaikideko konpainiarik garrantzitsuena eta bertako balletaren produkzio erakunde iraunkor nagusia da, eta Yeled, Shoot Me eta Rapsody in blue piezek osatutako programa hirukoitza aurkeztuko du dFERIAn.

Yeled

Yeleden ?hebreeraz “haur” esan nahi du? Eyal Dadonek haur sena galtzen dugun helduaroko bizitzaren aldi horri buruz hausnartzen du. Noiz galtzen dugu tolesgabetasuna eta zergatik? Agian entzuten ari garen esaldi soil batengatik, edo amets txar batengatik… Obraren gako nagusietako bat haurtzaroan ikasitako gauzak dira, eta nola gauza horiek gaur garena bihurtu gintuzten.

• Koreografia eta musika: Eyal Dadon.
• Jantzien diseinua: Bregje van Balen.
• Dekoratuak eta argiztapena: Fabiana Piccioli.
• Ekoizpena: Fondazione Nazionale della Danza / Aterballetto.
• Koprodukzioa: Fondazione I Teatri di Reggio Emilia.
• Italiako Israelgo enbaxadako Kultura Bulegoaren ekarpenarekin.

Shoot Me

Shoot Me Aterballettorentzat sortutako pieza da, Spiritualized rock talde britainiarraren musikarekin eta Jim Morrisonen grabazioekin, askatasunari eskainitako poemak errezitatzen.

Obraren sorkuntzak “ballet/kontzertua” kontzeptuaren ikuspegi garaikidea du. Hemen, musika eta dantza uztartu egiten dira narraziorik gabeko pieza bat sortzeko, eta musikaren ahalmenari esker ?batzuetan oldarkorra eta beste batzuetan poetikoa?, iruditeria joriak eta emozio sakonak deskubritzera eramaten gaitu. Shoot Meren osagai bereizgarri bat da interpreteetako bakoitzaren ahotsek gidatzen dutela taldearen indarra. Behatua izatea nahi duen gorputz baten eta komunikatu nahi duen beste baten nahia da. Shoot Mek interpreteen eta ikusleen arteko elkarrizketa zuzena lortu nahi du: sedukzio, begirada, izerdi joko bat, oldarkor zentzumenen aurrean, eta gorputzari eskaintzen zaion oda bat, aire hori bera, izerdia, malkoak, amorrua, harrotasuna, arnastera eramango gaituena.

• Koreografia: Diego Tortelli.
• Musika: Spiritualized.
• Jantziak: Marco De Vincenzo.
• Argiztapena: Roman Fliegel.
• Ekoizpena: Fondazione Nazionale della Danza / Aterballetto.
• Koprodukzioa: Fondazione I Teatri di Reggio Emilia.

Rapsody in blue

Hamar urteko sorkuntza kolektiboen ondoren, Iratxe Ansak eta Igor Bacovichek osatutako bikote sortzailea Fondazione Nazionale della Danza / Aterballetto eta Fondazione Teatro Regio di Parma-ren produkzio honetan sortu zen. Aterballettoren 17. lanak konpainiako hamasei interpreteak izango ditu eszenatokian, eta 2024ko otsailean estreinatuko da Regio di Parman. Igor Bacovichek eta Iratxe Ansak beren musika artxibora jo dute, eta Gershwinen Rhapsody in blue hartu dute beren ibilbide koreografikoaren testura musikaltzat.

• Koreografia: Iratxe Ansa, Igor Bacovich.
• Musika: George Gershwin, Rhapsody in blue.
• Diseinua eta jantzigintza: Fabio Cherstich.
• Argiztapenaren diseinua: Eric Soyer.
• Produkzioa: Fondazione Nazionale della Danza, Aterballetto.
• Koprodukzioa: Fondazione Teatro Regio di Parma.
• Estreinaldia: 2024ko otsaila, Teatro Regio di Parma.

Tempus fugit lanean denboraren igarotzea eta iheskortasuna dira LaMoven lan honen oinarri.

Lan honetan dantzarien mugimenduak leherkorrak, dinamikoak, muturreko eta amaigabeak dira. Lana bidaia frenetiko, zirraragarri eta mingarria da, bizitzaren igarotzea eta bertan uzten duguna irudikatzen du.

Tempus fugit edertasuna da, maitasuna da, mina da, barrea da, errautsa da.

• Zuzendaritza eta koreografia: Víctor Jiménez
• Dantzariak: Mattia Furlan, Elena Gil, Paula Rodríguez, David Serrano, Alain Rivero, Imanol López, Laura López, Jimena Martínez, Fátima Alcántara
• Argiztapena: Luis Perdiguero
• Eszenografia: Vanesa Hernández
• Jantziak: Arturo Guillén
• Dantza-iralaslea: Carolina Chico
• Musika: Vivaldi revisado por Max Richter y Jorge Sarnago