Agenda

Aztarnak, Mihise gaineko dantza
Hainbat hizkuntza artistiko elkartzen dituen dantza obra «Aztarnak» ekintza dantzatua da, gorputz-arteen praktika artistikoarekin ematen duena, keinuaren, memoriaren eta interpretazio batzuek mihise zuri baten gainean utzitako
aztarnaren bidez. Ekintza gogoetatsu dantzatua body art adierazpen bihurtua. Ekintza garatzen den denbora eta espazio errealaren ondorioz, iruditeria eta kontakizun bisual berri bat sortzen da, indibidualetik kolektibora abiatzen dena. Memoria dantzatuaren erregistro bat da, espazio tridimentsional batetik dimentsio biko beste batera igarotzen dena. Obra antzerki optiko moduko bat da, zeinetan mugimendu bakoitzaren hedapena nahitaez keinu bat den, orainaldiko une bat, non gailu eszenikoa bizitza propioa duen instalazio performance gisa lantzen den.

• Zuz. Artistikoa: Idoia Ibarzabal

• Koreografia: Faustino Aranzabal

• Musika: Collage musikala

• Dantzariak: Aitor Egaña, Claudia Erentxun, Oier Goikoetxea, Irati Martikorena,Iker De La Hoz, María Pérez, Ibai Ochoa De Alaiza, Naia Lertxundi, Beñat Sasiain, Lide Muniategiandikoetxea

• Talde teknikoa: Inma Irazustabarrena – Eragin Stac

• Argazkiak: Mikel Zubillaga

• Bideoa: Iñigo Dadie – Quartan

• Antolatzailea: Bilbao basque FEST – Bilboko Udala

Migrazioa mugimendua da. Mugitzea, funtsean, gorputz bat lekuz aldatzea. Lekuz aldatzean gorputzaren barruko guztia mugitzen da harekin: ametsak, beldurrak, minak eta itxaropenak. Migrazioa mugimendua da. Eta mugimendua arintasuna, mugarik eza. Gorputzak irekitasuna behar du mugitzeko: irekia egon mugimendua abiatzeko, irekia egon mugimendua jasotzeko.

Aukeran dantza konpainiak emanaldi honekin hori bera proposatzen dio publikoari: mugimenduari irekitzeko ariketa bat. Ireki gogoak, ireki kuriositatea, ireki gorputzak. Ez dadin norbera izan hormarik altuena. Irekitasuna adierazi dantzaren bitartez, jarrera eszenikoaren bitartez. Historiari begiratu, gure mina besteena ere badela oroitzeko. Mina ukatu gabe, enkontruak ospatzeko prest egotea da publikoari proposatzen zaiona. Zer da migratzaile izatea ez bada, funtsean, mugitzea: gorputz bat lekuz aldatzeko prest egotea, eta leku berri horretan norbera den gorputza berriro deskubritzea.

• Jatorrizko ideia eta zuzendaritza: Edu Muruamendiaraz

• Gidoia eta eszena zuzendaritza: Oier Guillan

• Koreografia garaikideak: Iker Karrera

• Musika konposagilea: Xabi Aburruzaga

• Argiztapen-diseinua: Carlos Solano

• Zuzendari laguntzailea: Eli Alberdi

• Jantziak: Oscar Armendariz

• Dantzariak: Ane Anza, Unai Balerdi, Ane Etxeberria, Unai Iraola, Maier Muruamendiaraz, Nahikari Sanchez, Uxue Sanchez, Danel Serrano, Claudia Talavera

• Ekoizpen Zuzendaria: Eli Alberdi

• Ekoizpen laguntzailea: Jaione Jauregi

• Zuzendaritza teknikoa: Carlos Solano 

• Banaketa: Bapo Bapo Produkzioak

* 2024ko Dantzaldia jaialdiaren egitarauaren barne. 

"'Gorputza organismo batera murrizten ez den potentzia bihurtzea, pentsamendua kontzientziara murrizten ez den potentzia bihurtzea'. Lelo hori etengabe ekartzen dugu gogora.

Zentzumenen eta arrazionaltasunaren arteko oreka berriak finkatuz, hauek dira sakondu nahi ditugun lan-ildoak: arrazoi sentikorraren, gorputz pentsalariaren eta beste argitasun forma batzuen bilaketa. Sentikortasunaren gramatika berriak bilatzen ari gara, “gorputzen adimen basatia”, antzinako memoriak eta memoria ezezagunak islatuko dituen lehorreko gorputza.

Feedback-en, grabatutako eta zuzenean manipulatutako soinua aukeratu dugu xehetasun berriak ikertzeko. Eszenatokian bizi den guztiaren oinarria André Braga eta João Sardanas, Favela Disco-ko eta Conejo Radiactivo-ko musikariaren arteko elkarrizketa da. Barrualdearen eta kanpoaldearen arteko jolasa sustatzen duen elementu ikusezina da, ezer gabeko espazioak diseinatzen ditu errainetaraino iristeko... Sinestezina da mikrofono batekin bisitatzea lortzen den leku aniztasuna.

Soinu jakin batek sortu ditzakeen sotiltasuna eta sakontasuna, ikusezintasunaren irudi aliatuak sortzeko daukan indar plastikoa, materia benetan magiko bihurtzen da. Aparta da leku ezezagunetara eramateko eta geure burua zabaldu eta barrutik bilatzeko daukan gaitasuna."

Fitxa artistiko eta teknikoa:

• Zuzendaritza artistikoa: André Braga eta Cláudia Figueiredo
• Interpretazioa: André Braga eta João Sarnadas (zuzeneko soinua)
• Argi diseinua: Cárin Geada
• Testua: erauzkinetatik abiatutako konposizio librea (Herberto Helder, Rui Nunes, Marguerite Yourcenar, Davi Kopenawa, Walter Benjamin, Francis Ponge, Antonin Artaud)
• Ekoizpen zuzendaritza: Ana Carvalhosa
• Koordinazio teknikoa: Pedro Coutinho
• Argi errejidorea: Cárin Geada edo Felipe Silva
• Ekoizpena: Cláudia Santos
• Komunikazioa: Sara Jorge
• Eskerrak: Vera Mantero, Alejandro Ahmed, Inês Castanheira, Daniela Cruz
• Ekoizpen kideak: CRL - Central Elétrica, Teatro Municipal do Porto / DDD – Festival Dias da Dança, Teatro das Figuras, Teatro Académico Gil Vicente
• Sormen egonaldiak: Mindelact (Cabo Verde), 23 Milhas - Fábrica das Ideias

Zure gorputzean desegiten naiz, eta nire gorputza zurearen luzapena bihurtzen da. Bat gara orain. Ukimena nire azalean gurea den zerbait da. Zuri esker, nire gorputzak erortzeko tokia aurkitu du. Erortzen ari naiz, eta espazioan sentitzen naiz. Erortzeaz gozatzeko sostengua eman didazu. Erortzearen bertigoa sentitzeko espazioa eman didazu. Gutako baten oinak gu bion sustraia dira. Besarkatzeko mila modu bilatzen dituzte gure gorputzek.

Aiara Dantza Taldearen 40. urteurrenaren arira, 2024ko azaroaren 30ean Amurrio Antzokian egindako ikuskizuna da "Aiara dantzan, aunitz urtez 2”. 120 dantzari eta musikariz osatutako obra honetan, 30. hamarkadatik gaur egunera arte Amurrio inguruetako dantzaren egoera kontatzen da.

30. HAMARKADA

Dantza talde ezberdinak egon ziren 30. hamarkadan Amurrio inguruetan, Larrinbe, Amurrioko Batzokiko edo Baranbioko taldeak esaterako. Azken honen sortzailea izan zen José Tomás Uruñuela konpositorea. Gasteizen sortua bazen ere, Baranbion eman zituen bere bizitzako hainbat urte. Uruñuelarena da gaur egun ere askotan dantzatzen dugun Kontrapasaren musika ere.

FRANKISMOA

1936. urtea iritsi eta Francok estatu kolpea eman zuen Espainian. Gerra bizi behar izan genuen hemen ere, eta hamaika desagertu, hildako eta zauritu ekarri zituen horrek. Honekin batera errepresioa heldu zen: euskal nortasuna zapaldu eta ikurrak debekatu zituzten. Ondoren sortuko zen Dantza Lagunak dantza taldeak ere bizi behar izan zituen errepresioaren ondorioak.

TRANTSIZIOA

Frankismo ondorengo garaia ere gogorra egin zitzaigun euskaldunoi. Ipar Euskal Herrian ordea bestelakoa zen egoera, euskal nortasuna ez baitzen hain zapaldua izan. Handik ekarri zituzten askok Hego Euskal Herrian debekatutako hainbat gauza: Ez Dok Amairu musika taldearen biniloak edo ikurrinak esaterako.

GAUR EGUNA

Azken eszena gaur egunean oinarrituko da. Aiara Dantza Taldearen oraina zein den ikusiko dugu, baita Euskal Herrian dugun dantza aberastasuna ere.

Bi saio: 17:30ean eta 19:30ean.

Ilusioa, akrobazia, magia eta fantasia ezin hobeto nahastuz, MOMIXek ikusleei hegan eginarazten die untxi-zuloan zehar, ALICE izeneko Moses Pendletonen sorkuntza berrian. Literatura unibertsaleko istorio ezagun, bitxi, entretenigarri eta magikoenetako baten moldaketa pertsonal eta guztiz askea da: Lewis Carrollek 1865ean argitaratutako Alizia herrialde miresgarrian istorioaren moldaketa.

Etengabeko eraldatze-prozesuan dagoen Alizia bat erakusten digu ALICEk, muga zehatzik ez duen gorputz bat, hazi, uzkurtu eta berriro hazten dena, magiaz eta efektu bisualez betetako dantza batean. MOMIXen birmoldaketa honetan, Pendletonen dantzariek gorputzak hedatzen dituzte, euskarrien, soken eta beste dantzari batzuen gorputzen laguntzarekin, irudi, ilusio, musika, tramankulu eta Phoebe Katzinek sortutako jantzi bikain eta liluragarriz osatutako sekulako erakustaldia lagun dutela. MOMIXen produkzio guztietan bezala, inoiz ez da jakiten zer gertatuko den. Publikoak, bidaia magiko, misteriotsu, dibertigarri eta xelebre batean murgilduz, hori guztia eta askoz gehiago ikusiko du.

• Zuzendari artistikoa: Moses Pendleton

• Jantzien diseinua: Phoebe Katzin

• Argiztapenaren diseinua: Michael Korsch

• Bideoaren diseinua: Woodrow F. Dick, III.

• Ballet-maisua: Victoria Mazzarelli

• Armiarma-txotxongiloen diseinua: Michael Curry