Agenda
Neskena: Badoa
2024/11/16 12:30
Donostia, Tabakalera
Denbora aitzinera doa eta itzuli egiten da ; errepikatzen den zikloa osatzen du, baina inoiz ez berdina, hala nola egunak, denboraldiak, errituak ... Denbora, zikloa ...
Bobo, Nafarroako pertsonaiak, bere mozorro bikoitzarekin, iraganari eta etorkizunari begira, denboraren zirkulua marraztu eta ikusgarria bideratuko du.
Urte askotan euskal dantza Ezpeletako herriko talde tradizionalean praktikatu duten 10 emakume gazteek osatzen dute talde hau.
- Koreografia: Jose Cazaubon eta Zibel Damestoy
- Musika konposaketa: Mizel Zamora
- Bertsu idazketa: Haira Aizpurua
Elirale: Mamuka
2024/11/16 16:00
Ziburu
Bere sorkuntza berrian, Pantxika Telleria oihaneko unibertso ezkutuan inspiratu da. Bere biztanleak senari jarraitzen diote, lurraren kolore, usain eta baita urtaro-aldaketa nekaezinen ondorioei esker ere. Batean sustraia, bestean intsektu-gorputza, animalia zein izaki-gorputza, dantzari bikoteak ekibokoa, irrealtasuna taularatzen du, Vivaldi-ren Lau urtaroekin lotuta. Zentzumenak desbideratu egiten dira, natura beste ikuspegi batetik hautemateko.
- Zuzendaritza artistikoa & Koreografia: Pantxika Telleria
- Interpreteak: Joana Millet Arias, Jon Vernier Bareigts
- Musika sorkuntza: La ZIC des ARTS
- Argiztapena: Javi Ulla
- Eszenografia & Osagarriak: Annie Onchalo
- Jantziak: Dorothée Laurent
- Burukoak: Christophe Pavia
Myriam Perez: Nunavut
2024/11/16 17:00
GAsteiz, Artium Museoa
Noiz utzi genion haurrak izateari? Noizbait utzi al diogu? Noizbait utziko al diogu?
NUNAVUT behin izan gineneko lurraldea da, denbora izozturik mantentzen denekoa, glaziarrek betirako irauten dutenekoa.
Bertan ikasi genuen zuhaitzetatik zintzilikatzen, zuhaitzik gabeko eremuan. Bertan jaso genuen piztiaren besarkada. Bertan ziren aske, haizeak korapilaturiko gureadatsak.
Ahazturatik berreskuratuko al dugu, noizbehinka bertara itzultzeko bidea…?
FITXA ARTISTIKOA
- Ideia, zuzendaritza, koreografia: Myriam Perez Cazabon
- Dantzariak: Leire Otamend, Oihana Vesga
- Musika: Ander Fernandez
- Dramaturgia, kanpo begirada: Bertha Bermudez
- Jantziak: Clara Virgili
- Argazkiak: Nagore Legarreta
- Bideo irudiak: Kensa produkzioak
Larrua: Shot the Target
2024/11/16 17:00
Donostia, Tabakalera
*2024ko Labo XL jaialdiaren barne.
Bi pertsonako bidaia helburu komun baten bila. Bi gorputzen arteko elkarrizketa, bere oinatza sinkronizatzen duena urrunago iristeko. Bata bestearen gainean bermatzen dira atseden hartzeko, urrunago iristeko bultzatzen dira, zaindu eta babestu egiten dira. Bizi-ibilbide batean murgiltzen gaituen espirala.
Fitxa artistikoa:
- Antzezleak: Aritz López, Jordi Vilaseca
- Musika: Luis Miguel Cobo
- Koreografia: Jordi Vilaseca
- Zuzendaritza: Proyecto Larrua
Jantzi erakusketa: Adurtza 50 urte
2024/11/16 18:00
Gasteiz, Hegoalde Gizarte Etxea
Adurtza Dantza Taldeak, bere 50. urteurrena ospatzeko ekintzen baitan, Euskal Herriko jantzi tradizionalen erakusketa berezi bat antolatu du. Erakusketak Euskal Herriko hainbat lekutako dantzetan erabiltzen diren 27 jantzi tradizional jasoko ditu, gure kultura eta tradizioaren aberastasuna erakutsiz. Jantziekin batera, taldearen 50 urteko historian ateratako argazkiak ere ikusgai izango dira.
Erakusketan, gainera, ekainaren 22an taldearen 50. urteurrenaren ospakizun nagusi izan zen dantza ekitaldiaren bideoa proiektatuko da. Ekitaldi hura une gogoangarria izan zen,
taldearen historian mugarri izanik.
Hau izango da Adurtza Dantza Taldeak urteurrena ospatzeko antolatu dituen jardunaldien azken ekintza. Ekimen hau posible izan da taldearen finantzaketa propioari eta beste talde eta erakundeen laguntzari esker. Ordutegia: Erakusketa egunero izango da ikusgai 18:00etatik 21:00etara.
Data: 2024ko azaroaren 16tik 30era
Ordua: 18:00 - 21:00
Lekua: Hegoalde Gizarte Etxea
Publiko guztientzat | Sarrera doan
Bilaka: Mitologia Txikiak
2024/11/16 19:00
Eibar, Erribera Kulturgunea
Euskal mitologia, inauteri-erritu, kontakizun, kondaira eta antzekoak surrealista bezain dirdiratsu diren mitologia berri hauen iruditeriaren eta idazketaren oinarria dira. Ikuskizun hauek ikusleengandik zentimetro gutxira antzezten ohi ditu. Mitologia Txikiak izeneko ikuskizunean lau dantzarik eta musikari batek ikusgarri bezain eskerga diren pertsonaia bitxiak antzezten dituzte: Ada, ile zarpaildun erraldoia; beldurrez edo desiraz beteko dizuten Mamarroak; burua aldrebes eta bi aurpegi dituen Txotolo eroa, zeina beste guztiak ere erotzen saiatuko den; edo abentura honetan gidari izango diren Ginelak.
Fitxa
- Zuzendari artistikoa: Mathieu Vivier
- Koreografia: Bilaka Kolektiboa
- Dantzariak: Arthur Barat, Zibel Damestoy, Ioritz Galarraga eta Oihan Indart,
- Musika: Vianney Desplantes
- Jantziak: Xabier Mujika eta Annie Onchalo
- Eraikuntzak: Ponpon
Txingili’K: Maxka’roa
2024/11/16 20:00
Luhuso, Harri Xuri gela
*Harri Xuri Dantzan 2024 festibalaren barruan.
Sarrerak: Harri Xuri Dantzan 2024
Dikotomizatutako mundu batean dikotomizatutako erritual batek biziraun du. Egungo gizartearekin inolako antzik ez du, baina aldi berean, egungo gizartearen zuzeneko isla da Maskarada. Zibilizazioa eta basakeria aurrez aurre jartzea ez da kontu berria. Bi mundu, bi unibertso: garbia ala zikina, bertakoa ala kanpotarra, ordena ala anabasa, gorriak ala beltzak, ongia eta gaizkia, hegoa eta iparra, heriotza eta bizitza.
Maskaradak planteatzen duen mundu zibilizatua eta basatia izango da ikuskizunaren abiapuntua baina bertako pertsonaiak, unibertsoak eta giroak zehaztugabetzeko ariketa batean, ongia eta gaizkiaren tartea lanbrotzeko.
Lurralde ezezagun baten ezagutzan Aztoratzen gaituena baretzeko asmoz Iragana iraganean gera dadin
Lurra hil ez dadin
Airea mugi dadin
Alagera, libertatia, edertasuna
- Dantzariak: Txingili’K taldea
- Koreografoa, eszena zuzendaria: Eneko Gil
- Koreografo laguntzailea: Catherine Arcanuthurry
- Musika, konpositoreak: Jeremy Garat, Oihan Oliarj-Ines
- Argiztapen diseinua: Ieltxu Ostolaza
- Jantziak: Owantshoozi
- Ekoizpena: Berritza Elkartea
- Abesti sorkuntza: Jean-Louis, Pascale Aramburu Bidabe
- Soinua: Ieltxu Ostolaza
- Grafismoa: Margita Queheille, Blü Lankia
