Agenda

Euskaraz, MAMU hitzak « zomorro handia» erran nahi du, eta MAMUKA, berriz, haur-joko sinple eta erraz bat da, ezkutatzea eta agertzea bezalako ekintzen bidez.

Hemen, Pantxika Telleria oihaneko unibertso ezkutuan inspiratu da; Bere biztanleak senari jarraitzen diote, lurraren koloreei eta usainei esker, baita urtaro-aldaketa nekaezinen ondorioei esker ere.

Batean sustraia, bestean intsektu-gorputza, animalia zein izaki-gorputza, dantzari bikoteak ekibokoa, irrealtasuna taularatzen du, Vivaldi-ren Lau urtaroekin lotuta. Zentzumenak desbideratu egiten dira, natura atzemateko, biziaren ikuspegi batetik hautemateko.

Poesiarekin eta jolasarekin, mugimendurik txikiena aireko dantza bihurtzen da, jostaleku organiko amaigabe batean.

Mamuka-k naturaren hauskortasuna omentzen du, ikusle gazteak inguratzen gaituzten espazio naturalak ezagutaraziz, haiek nola estimatu eta zaindu jakin dezaten.

San Fausto eguna Durangon, Udaletxeko arkupeetan artopilak banatzen dituzte eta ondoren Durangoko dantzariek dantza emanaldia eskaintzen dute: dantzari-dantza, gorularien arku-dantza, domingillue zinta-dantza eta soka-dantza edo erregelak. Dantzari-dantzako sortan barruan platillu-dantza eskaintzen dute dantzariek, 1999. urtean Kriskitin dantza taldearen eskutik berreskuratutako dantza.

ANGAk amorru femenino eta queerra ikertzen ditu, grabitatearen noziotik. Pieza, aldakak, masailezurrak eta amorrua gordetzen duten bi atal zati hauek ahotsean duten eraginak egituratzen dute. Emakumeen indarkeria eta haserrea genero-aberraziotzat hartzen dira, baina, aldi berean, bultzada utopikoa dira. Gorputzean elkartzen dira grabitatea eta bulkada utopiko hori. Pieza honek bi konfluente horiek arakatzen ditu, gorputzaren gaineko grabitatearen erabilera politikoa egiten duten gaur egungo koreografia kontestatarioetan begirada jarriz. Performer batek eta hainbat mikrofonok haserreak forma hartzen duen espazio bat agertzen dute.

• Koreografia: Izaro Ieregi Gonzalez

• Performerra: Izaro Ieregi Gonzalez

• Zuzeneko soinua: Camilo Tonon

• Iraupena: 30 minutu