Agenda

Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez.

Igandea egun handia den arren, hona hemen 3 egunetako egitaraua:

Ekainak 9 ostirala

• 09:00 Korpus-dantzak herriko ikastetxeetan. Ondoren, goizez eta arratsaldez, aspaldiko ohiturari jarraituz herriko auzoetan ibiliko dira.
• 16:30 Oñatz dantza-taldearen ekitaldia Kasablanka, Ugarkalde eta San Martin auzoetan, txistulariek lagunduta

Ekainak 10 larunbata

• 09:00 Oñatz dantza taldearen emanaldiaren hasiera, Foruen enparantzan. Ondoren, herriko kaleetan ibiliko dira txistulariek lagunduta egun osoan zehar.

Ekainak 11 igandea

• 9:00 Txistularien goiz-eresia.
• 10:45 San Migelen irudia San Migel parrokiara iritsiko da.
• 11:00 Meza nagusia Oñatz dantza taldeko dantzariekin. Mezaren ondoren Korpus prozesioa.
• 18:15 Oñatz dantza taldearen emanaldia Foruen enparantzan, txistulariek lagunduta. Korpus eguneko dantza-egitarau osoa eskainiko da (eguraldi txarra eginez gero, Zubikoa kiroldegian)
• 19:00-20:00 Dantzaldia musika bandarekin, San Migel parrokiko atarian. Eguraldi txarra egiten badu bertan behera geldituko da.

Oñati: Korpus eguna 2014 [Bideoa]

Besta Berri Heletan ekaianren 11n eta 18an (zortziurrena).

Iruñeko Bestaberriko prozesioak San Lorentzoko Danzanteak izanen ditu lagun segizioa irekitzen.

Iruñeko prozesiorik zaharrena den honek Pizkundetik XIX. mendera arte bertako eta kanpotik etorritako danzanteen presentzia izan zuen eta San Lorentzoko Danzanteen Kofradiak usantza hori berreskuratu zuen.  

Baina ez da hori dantzaren eremu bakarra Iruñeko Bestaberrin. Katedraleko Seise haurrek edo Infantikoek Sakramentu Santuaren aitzinean Hilarion Eslabaren billantziko bat dantzatuko dute katedraleko presbiterioan eta prozesioan izanen dira gero. Ohitura hau ere, etenik gabe Sevilla bezalako hirietan gorde dena, Katedralaren Lagunen Elkarteak berreskuratu zuen duela urte zenbait.

Hau da programa:

• 11:00: Meza katedralean. Mezaren amaieran Seisek dantzatuko dute.
• 11:45: Prozesioa Alde Zaharreko kaleetan. Amaieran San Lorentzoko Danzanteek katedralaren atarian dantzatuko dute.

Ondoren beste tradizio bati emango zio jarraipena, katedraletik Zapateriara  Donezar kandeladendaraino dantzatzen, dantza batzuk eskaini ondoren txorizoa azukrearekin jateko. Hori zen lehenago gremioen kofradiek egun berezi horretan prestatu ohi zuten menua.

Informazio gehiago: San Lorentzoko Danzanteen Kofradia

Goizeko 10:00etan elkartuko dira San Nikolaseko komentuan Zangozago dantzariak, arropaz aldatzeko, kapeletan ipiniko diren loreak ibai ertzeetan hartu eta gero. 11:00etan Komentuaren elizan dantzatuko dira eta gero kanpoaldean. Meza baino lehen Santa Mariako zubitik sarrera egingo dute. Meza Santiago elizan izango da 12:00etan; mezaren irteeran eta gero prozesioaren bukaeran dantzatuko dira.

Bi emanaldi: 11:30 + 17:30

Bostak leku honetan daude istorio txiki bat kontatzen ari zarelako. Ez da lotarako kontatzen dugun istorio bat; luzaroegi egon zara lo. Istorio hau esnatu egiten da, berak erakutsiko dizu sekretuak gordetzen dituen gorputzaren existentzia. Sorgina: sortu egina. 1609an hasi ziren sorginkeriagatiko epaiketak Euskal Herrian. Eta dena beltz bihurtzen da, zura bezala, gorputz kiskaliak bezala, gure buruak bezala. Jendeak xuxurlatzen du, salatzen du, maitatzea ezkutatzen du. Zein dira sorgin eta azti hauek? Ezina maite dutenak? Beren gonak hegan jartzen dituztenak? Zaharregiak direnak? Hona hemen haien istorioak, sudur makurrik gabe, kapela zorrotzik gabe.

• Egilea: Fanny Marmayou
• Zuzendaritza: Fanny Marmayou
• Musika: Maylis Reynal
• Eszenografia: Fanny Marmayou
• Koreografia: Fanny Marmayou
• Jantziak: Fanny Marmayou
• Dantzariak: Fanny Marmayou, Joana Olasagasti, Aurore Lacombe

* KaldeArte 2023 - Gasteizko Kaleko Arteen Nazioarteko Erakustaldiaren egitarauaren barruan.

Kuartangoko Trinitate jaia igande bakarrean egiten da gaur egun, Korpus egunaren ondoko igandean. Mezaren ostean, ohitura den moduan, Trinitate dantza eta gaztelua egingo dute eskualdeko herritarrek. Hona hemen egun horretako ordutegia:

• 11:45 Harrera-dantza.
• 12:00 Meza nagusia.
• 13:00 Trinitate-dantza eta gaztelua.

Kuartango: Trinitate erromeria 2016 dantza eta giza-dorrea [Bideoa]

Korpus igandez Lakuntzako kintoek Alkate-dantza dantzatzen diete udaleko ordezkariei. Egun horren aurretik ere, urtarrilaren 20an San Saastianetan, egiten dute alkate-dantza urtean lehenengoz Lakuntzan. Abuztuko Ama Birjinaren ondoko igandean ospatzen den Pertzaren festan ere egiten dute.

Deustuko Bihotz Alai taldearen laguntzarekin berreskuratu eta plazaratu zuten dantza da hau lakuntzarrek 70eko hamarkadan.

Beti Prest Dantza Taldea Elkarteak antolaturik ospatuko da muxikoen saio berezia udako oporraldiaren ostean, “XIII. Muxiko Eguna”.

Hilero bezala, goizeko 12,00etan, Herriko Plazan (Koldo Mitxelena ikastolako jolastokian euria egingo balu) ikasturte bukaera ospatuko da eta azken saiorako Muxiko Eguna antolatu du hamahirugarrenez Beti Prest taldeak.

Aurtengo ekitaldiko musika joleak Alaken Taldekoak eta Errenteriako Dultzaineroak izango ditugu.

Herritarrei parte hartzeko gonbitea luzatzen du Beti Prest Taldeak. Muxikoak dantzatu Herriko plazan eta Larrain dantzaren ondoren pintxo eta trago bat hartzeko aukera izango du hurbiltzen dena, dantzan utzitako indarrak berreskuratzeko.

Igandekoa ikasturte bukaerako saioa izango da, baina urrian itzuliko dira berriro mutxikoak. 

Iker Murillo eta Vitali Safronkinek gidatutako dantza eskolako ikasleek barra klasikoko erakustaldi berezia eskainiko dute. Bertan adin ezberdinetako ikasleek parte hartuko dute.

Illunbe Musika Elkarteak bere 50. urteurrenean sortutako lankidetza da, Iker Murillo Studio 24 dantza eskolarekin batera. Josu Elberdin pasaitarrak sortu du musika pieza hau, eta Pasaiako herriari egin nahi dion oparitzat hartzen du; musika eta dantza maitekiro uztartuta.

*Pasaiako Dantza Festibala 2023ren barruan.

Bi saio: 12:30 + 18:00

"Alive" ikuskizunak berba egiten du mugak zeharkatzeari buruz, ezarrita dagoena hausteaz, emakume batek aukeratzeko duen askatasunari buruz, nahiz eta pisu handia izan hark jaso duenak, bakoitzak aukeratzen duen, gura duen bizimoduari buruz, berdin dio zein.

Bi saio: 13:00 + 19:30

Bi leku behar izaten dira muga bat egiteko. Zeharkatzen gaituen denborarekiko lerro paraleloz betetako espazio hau ez da egiazkoa, ezta gurea ere. Ez bagara, ez gara ezeren ontzi izango, ezta zatitu behar gaituen neurria ere. Eta hala ere, nola susma genezakeen etorkizuna hori zela?

• Egilea: Lucia Burguete & Diego Pazó
• Jantziak: Lucia Burguete & Diego Pazó
• Zuzendaritza: Lucia Burguete & Diego Pazó
• Dantzariak: Lucia Burguete, Diego Pazó
• Musika: Luisillo Kalandraka
• Koreografia: Lucia Burguete & Diego Pazó

* KaldeArte 2023 - Gasteizko Kaleko Arteen Nazioarteko Erakustaldiaren egitarauaren barruan.

*Pasaiako Dantza Festibala 2023ren barruan.

Espazio intimo eta haurtzaroko linboa den eremu honetatik, harrituta begiratzen diet nire gainean, normala dena eta ez dena bereiziz, hegaka dabiltzan milioika muga aleatorioei. Besteen begiradak eta inertzia sozialak presioa egiten didate gogor saiatzeko, eta mugak normaltasunaren eremuan kokatuko nauen alderantz korrika egiteko. Baina ez daukat argi harantz joan nahi dudan. Ez dakit linbo hau utzi nahi dudan, inork ezagutzen ez dituen gauza eder guztiei agur esanez. Zalantza daukat hau dena ahozgoran esan ala ez, baina agian baboa izan nahi dut, agian ergel hutsa naiz eta horrela hobeto nago.

• Ideia, sorkuntza eta interpretazioa: Koldo Arostegi
• Argien diseinua: Marc Kanou
• Jantziak: Patricia Arostegi
• Argazkiak: Dani Hernandez

* KaldeArte 2023 - Gasteizko Kaleko Arteen Nazioarteko Erakustaldiaren egitarauaren barruan.