Agenda

Jasokunde Andre Mariaren jaia, herriak garai batean egun hauetan jai nagusiak ospatzen zituen.

Ama Birjinaren egunean meza ostean herriko gazteek soka-dantza egingo dute.

Dantzakia deitzen zaio Etxarri Aranatzen egiten duten soka-dantzari. Hau, San Kiriko, San Adrian eta abuztuaren 15ean, Ama Birjinaren egunean dantzatzen da.

Meza nagusia Eskolakristo Musika Alkarteak abestuta. Ostean, Erregelak Elai Alai Taldearen eskutik eta ohiko kopaua.

Mañariako ezpata-dantzariek dantzari-dantza eta erregelak egingo dituzte meza ostean.

Arkaitz Añorgako dantzariak, ezpata-dantza eta brokel-dantza Alde Zaharreko kaleetan. Irteera portutik. Emanaldia 12:30ean Konstituzio plazan.

Amoria & Dolore dantza ikuskizuna, euskal nabigazioaren urrezko aroan du sorkuntza abiapuntua. Elkanoren lehen mundubira gogora ekarriz, aintzinako musikan du inspirazio iturri nagusia, dantzaren herri adierazpenak beti izan baitu gaurkotasuna, kulturaren erreferente artistiko-historiko bezala. Obrak, Elkanoren zirkunnabigazioaren urrezko aroan zehar bidaiatzen du, ikerkuntza eta berrinterpretazioa lagun, ondare artistiko eta koreografiko berria sortuz. Nabigazioak utzi duen arrastoa agerikoa da, euskaldunok itsasoan barnako ibilietan munduaren kontzepzio modernoan izan duten lehen mailako eragin historikoan.

Euskal Herriaren kokapena, nahitaezko igarobidea edo sartu-irten atea izan zen. Horrek kultura desberdinak erakarri zituen, denen arteko bizikidetza ahalbidetuz antzinako garaietatik. Honek zera adierazten digu: gure arbasoek munduko bazter guztietako biztanleekin harremana izan zutela, gizaki guztien bizimoduaren
bilakaeran zer esan handia izan zutela, eta gure herria hein handi batean, itsasoari esker sortu eta mendeetan zehar mantedu dela, ekarpena pentsaeraren arlora ere iritsi zelarik ; barruan errotuta zuten XVI. mendeko euskaldunengan hain ohikoa zen zabalkuntza grina.

• Obra: AMORIA & DOLORE Elkano, lehen mundubira

• Zer: Euskal itsasketaren urrezko aroko dantzen ikuskizuna

• Koreografia: Faustino Aranzabal

• Musika: Enrike Solinís

• Antzezleak: Kresala dantza konpainiaren 30 dantzari

• Iraupena: 60 ́minutu

• Babesa: Mundubira 500 Elkano Fundazioa

Murchanten 2008an berreskuratu zen paloteadoa eta herriko festetan, abuztuaren 15ean egiten dute.

Abuztuaren 15eko Andra Mari eguna Bakioko herriarentzako jai egun handienetakoa da, eta baita Bakioko Itxas Alde Dantza Taldearentzako ere.

Goizean ohitura dan legez, kalejira egiten da udaletxeko plazatik Andra Mari elizaraino, eta meza ostean dantzaldia egiten da, herriko agintariei aurreskua eskeini ondoren.

Gauean, urtero, ikuskizun berezia eskeintzen du Itxas Aldek, gai baten inguruko izaten dena. Urte berezia dugu aurtengoa, taldearen hazia erein zenetik 50 urte igaro dira eta, eta urteurren borobil eta berezia ospatzeko JAI ikuskizuna eskeiniko dio taldeak herriari. Bertan taldeko dantzari eta musikariekin batera, dantzari ohiak eta herriko beste elkarte batzuk ere (Bakioko Txistulariak, Bakioko Abesbatzak, Izar Txiki umeen abesbatzak,...) parte hartuko dute. 

Eta hori izango da JAI, ospakizuna; Itxas-Alderen 50. urteurrena dantzan ospatzea.