Agenda

Barkoxeko gazteak udan zehar maskaradak ematen ari dira. Aurtengo neguan, pandemiaren ondorioz, ezin izan dituzte inauteriak ospatu ohiko legez zuberotarrek, baina uztailaren 31tik maskaradak antolatzen ari dira. Irailaren 18an, larunbata, Urdiñarben emango dute. 15:00etan hasiko dituzte barrikadak eta ondoren egingo dute ofizioen emanaldia.

Bertaratzeko beharrezkoa da covid pasaporte digitala.

Organik: Irrintzi. Adineko bi emakume, beren gaztaroaz oroitzean, une batez euforiaz itzuliko dira iraganaldira, irrintziaren musika-oihartzunei esker.

Asteburu honetan ospatuko da XLIX. Euskal Herriko Dantza Agerketa Basaurin. Urtebeteko etenaren ondoren, berriro itzuliko dira tokian tokiko zuzeneko dantzak. San Lorentzo (Berriz, Bizkaia), Laguardia-Biasteriko dantza taldea (Guardia, Araba), Aurtzaka (Beasain, Gipuzkoa), Barde Ribera (Fustiñana, Nafarroa) eta Atharratzeko dantzariak (Zuberoa) izango dira aurtengo gonbidatuak. Irailaren 18an, larunbata, 18:00etan eskainiko dituzte tokian tokiko taldeek beren herrietako dantzak eta 19an 19:00etan Basauriko Agintzari, Basauritar eta Edurre dantza taldeen txanda izango da. Herriko taldeek Danbolin taldeko txistularien eta Bizkaiko Gaiteroen laguntza izango dute.

Haatik dantza konpainiarenn ikuskizuna. Bi saio izango dira: 19:00etan eta 22:00etan.

Ekonomia jasangarriaren aldeko alegoria bat.

Edo agian modu jasangarri batean bizitzeko aukerarik dugun hausnartzeko balio duen lan bat.

Ez ekintza huts eta anekdotikoetan geratuz. Ez soilik jaki, jantzi edo kontsumo beharren asetzeko produktuetan erreparatuz. Bizitza beraren oinarri eta garapenean gizaki eta natur baliabideen arteko elkar ulertze zintzo baten beharrean baizik.

Eta zoritxarrez horren ohituak gauden arren, natura gizakiaren beharretara moldatzeko joeraren ondorioak agertuz.

• Zuzendaritza: Aiert Beobide, Olatz Beobide
• Antzezleak: Amaiur Luluaga, Irati Sorondo, Iñigo Etxeberria, Jon Arsuaga, Libe Sukia
• Musika: Pascal Gaigne
• Koreografia: Aiert Beobide
• Jantziak: Ramon Garcia

Anakrusa: E.612. Gure ondoren beti egongo da norbait gure ondarea hartzen duena, gure bideari jarraitzen diona.

Adrián Manzano y Diana Wondy: Loque yo canto. Beren sufrimendu propioan bilduta dauden errealitate biren arteko bizikidetza da.

Lasala: Fight. Gizakiak borrokarekin duen harremana primitiboa da.

Bilaka kolektiboaren ikuskizuna. Xiberoko mendietan, Arbailetan bereziki, arbasoek basa munduari lotuta abesten zituzten kantuak dira Basa Ahaideak. Hitzik gabeko kantu horiek hegaztien hegaldia edota gizakiari naturak sortzen dion harridura adierazten dute. Bertako artzainek paraje horien aurrean zuten askatasuna/askatasunik eza, naturaren handitasuna, hegan egiteko nahia isaldatu nahi izan dut Bilaka Kolektiboaren-tzat sortutako pieza honetan.

Dantza pieza hau Basa Ahaide kantuen berrinterpretazio bat dela esan daiteke, artzain horiek hilabete luzez Arbailetan bizitakoaren interpretazio bat, hegaztien hegaldi zirkularra onarritzat hartuta. Hilabete luzez, zibilizaziotik urrun egoten ziren artzain horiei egin nahi izan diodan omenaldi txikia. Hegazti horiei edota haien hegaldiei abestutako kantuak dira? Edota hilabete luzeetako bakardadetik ihesi, hegan ateratzeko saiakera dira?

• Egilea: Eneko Gil
• Zuzendaritza: Bilaka
• Antzezleak: Zibel Damestoy, Arthur Barat, Oihan Indart, Ioritz Galarraga, Aimar Odriozola
• Musika: Paula Olaz eta Julen Achiary (grabaketak)
• Koreografia: Eneko Gi

Paloteadoa emango dute Monteagudoko herritarrek irailaren 18an, arratsaldeko 19:30ean Xabierko San Frantzisko plazan.

Basoa: iluna, estaltzen duena. Gune majikoa, baita beldurgarria ere. Historia garaikideko erreferentziazko gune bat estali nahi izan duena bezalakoa. Errefuxiatu-gunea, kontzentrazio-esparrua… Gurs, milaka pertsona bildu eta pilatu zuen lekua, ehundaka pertsona hil ziren lekua, Guregandik oso hurbil dagoen leku bat, historian hain urrun ez dagoena. Gursen abiapuntua izango dugu gaur milaka eta milaka pertsonak gerrak eta pobreziagatik pairatu behar duten egoerari buruzko hausnarketa egiteko eta mezu poetikoa zabaltzeko. Gurs iragana eta gaur eguna lotzen dituen zubia da.