Dantza garaikidea eta zintzilikatutako dantza uztartzen dituen proposamen eszenikoa da Desanuda. Korapiloari buruzko gogoeta poetiko honek, hutsaren aurrean biluzteko gonbidapena dakar.
Dokumentuaren akzioak
Agenda
Gaztetxoen zahagi-dantza eta dantzaurrea
Noiz: 2025/09/05 12:00Non: Zestoa, plaza
12 urteko gaztetxoek Umeen Eguneko txupinazoa bota eta zahagi-dantza eta dantzaurrea plazaratuko dituzte.
Eva Guerrero + Larrua proiektua: Entre Cuerpos + Sangre y klorofila
Noiz: 2025/09/05 19:00Non: Bilbo, Atxuri, Enkarnazio Plaza
*16 min (Entre Cuerpos) + 15 min (Sangre y klorofila)Entre Cuerpos
Entre cuerpos dantza garaikideko pieza da, ohikoak ez diren espazioetarako. Bidaia honetan distantziak eta irudiak aipatzen dira, eginahalak egitea, ozeanoa, apneak eta korronteak aipatzen dira; mugak eta euspenak aipatzen dira. Entre cuerpos lana ideia honetatik abiatzen da: inoren lurra ez da ezein herrialde edo pertsonarena, zeren eta norena da gorputza? Eva Guerrerok dantza-ikuskizunak sortzen ditu 2005etik, testua eta zuzeneko musikarekin. 2013an DOOS sortu zuen, eta hor batzen ditu dantzako sorkuntza eta bitartekaritza-proiektuak. Bere piezek dramaturgia zuzena, ikusizko eta testuzko poetika daukate, eta dantza ikusteko ohitura gutxi duten ikus-entzuleekin konektatzen dute. Azken sorkuntzen artean daude Gorpuztu (MAX sarietarako hautagaitza 2) eta Tierra de Nadie. Sangre y klorofila Ederra, birjina, handikia, sakratua... Horrela, paisaia definitzen dugu, gure irudira moldatuz eta bere esentziaz jabetuz. Sinbolo bihurtzen dugu, gure borroka eta desioen bandera. Sangre eta Klorofila Vicente Ameztoyren lanean oinarritzen da muga horretan bizitzeko, paisaia amaitu eta gure ideiak hasten diren lekuan. Ameztoyk zioen bezala, "sakonki errotutako nortasuna eta geure gain hartzeko zailtasuna" Pieza honek tentsio hori aztertzen du, naturaren eta gure giza proiekzioen arteko etengabeko elkarrizketa azaleratuz.
Gasteiz Dantza Plazan
Noiz: 2025/09/05 19:30Non: Gasteiz, Florida Parkea
Ordua: 20:00etan (maiatza eta ekaina); 19:30ean (iraila).Udal Folklore Akademiak dantzaren zentsu ludikoaz gozatzera gonbidatzen ditu gasteiztarrak. Publikoak dantza tradizional ezberdinak ikasi eta dantzatuz hartzeko aukera izango du.
Dantza plazan 2025
Malandain Ballet: La chambre d'amour
Noiz: 2025/09/05 21:00Non: Miarritze, Gare du Midi
2000 urtean sortu obra handinahia dugu, koreografoaren inspirazio zuzena zen Euskal Herria iturri ukan duen baleta bakarra da leiendak kantatzen duen Chambre d’Amour obra. Peio Çabalette-ren jatorrizko partitura dirdiratsuan bermaturik, amodiozko mitoak parabola gogoetatsuan biltzen ditu Itsasoaren aitzinean olerkiz, indarrez eta minez beteriko baleta honek. *Iraupena: 1:05
Maitane Sarralde: Des(a)nuda
Noiz: 2025/09/06 18:00Non: Andoain, Otieta parkea
Airean dagoen egituran eta bertatik zintzilikatutako elementuak manipulatuz, grabitatea desafiatzen duten gorputzak ikertzen ditu lan honek. Penduluaren joan etorria, pisuaren zama, korapiloaren estutasuna eta honek sortzen duen ezegonkortasunekin topatuz.
Desªnudan, soka mutur askearen bila dagoen gorputz korapilatu batekin topatuko gara.
Kukai: Txalaparta
Noiz: 2025/09/06 19:00Non: Miarritze, Kasinoko antzokia
Txalaparta entzutea eta partekatzea da; Txalaparta transmisioa eta topaketa da; Txalaparta norberarengandik hasita kolektibitatea sortzea da... Txalaparta Kukai Dantza taldearen sorkuntza-lan berria da. Cesc Gelabert, Marcos Morau eta Sharon Fridman sortzaileekin batera arrakastaz lan egin ondoren, Kukai Dantzak abentura berriari heldu dio, oraingoan Jesús Rubio Gamo koreografo madrildarraren eskutik.Txalaparta antzezlanak musika tresna horrek gorputzarekin duen harremana ulertzeko modu bat adierazten digu; norberarengandik hasita kolektibora igarotzeko modua, gure barnean gordeta dugun memoria gaur garenarekin harremanetan jartzen duen begiratzeko modua.
Erromeria Donostiako Udalaren Txistularien eskutik
Noiz: 2025/09/06 19:30Non: Plaza Berria, Donostia
Donostiako Euskal Jaietako dantzari ohien Esku-dantza amaitu ostean, Donostia Festak eta Donostiako Udalaren Txistulari Taldeak antolatuta, euskal dantza tradizionalen erromeria ospatuko da Plaza Berrian. Udalaren Txistulari Taldearen eskutik kalejira, fandango, arin-arin, muxiko, polka eta abar luzea ikasi eta dantzatzeko tartea izango da Aitziber Aiesta dantza-maisuaren laguntzaz.
Dantzaz: Hona
Noiz: 2025/09/06 20:00Non: Donapaleu,Saint-Louis gela
Hona izenburuaren bidez islatu egin nahi dute konpainiak gaurkotasunaeta "hemen eta orain" gertatzen dena dantzaren bidez aztertzeko asmoa. Hala, publikoa bidaia emozional eta bisual batera eramango dute Hondo eta Aire sakona obrekin. Esperientzia paregabea eskaintzen du pieza bakoitzak, sormenak eta piezen sortzaileen ikuspegiak markatua, eta hainbat gaitan sakonduko da, hala nola amildegia, misterioa eta askatasuna. HONDO AIRE SAKONA
Dantzaz konpainia gipuzkoarraren programa berritzaile bat da Hona, konpainiaren eta nazioarteko artista garrantzitsuen kolaborazioaren emaitza, eta ohiz kanpoko bi pieza koreografiko aurkezten dizkigu, bakoitza bere identitatearekin eta ikuspegi artistikoarekin.
Zelatungo Erromeria
Noiz: 2025/09/07 11:00Non: Zelatun (Errezil)
Hernio mendiaren magalean kokatzen den Zelatuneko erromeriak ezagunak dira oso. Iraileko igande guztietan jende ugari bertaratzen da dantzara. Abuztuak 29, ostirala. San Joan Txiki Trikitilariak: Lidia eta Hitzeder. Irailak 7, igandea Trikitilariak: Enaitz eta Erkizi. Irailak 14, igandea Trikitilariak: Aitziber Arruabarrena eta Aritz Erasun. Irailak 21, igandea Trikitilariak: Ostolaza eta Larrañaga. Irailak 28, igandea Trikitilariak: Izer eta Alabier.
Dantzari-dantza eta erregelak
Noiz: 2025/09/07 12:00Non: Izurtza
Tradizioari eutsiz, Santa Ageda ermitaren inguruan ospatuko diren jaietan Mendigain dantza taldeak dantzari-dantza eta erregelak eskainiko ditu.
Dokumentuaren akzioak
