Dokumentuaren akzioak
Russian Classical Ballet: Intxaur-hauskailua
Obraren sinopsia
- Lehenengo ekitaldia
-
Mariari, Eguberri jaietan, intxaur-hauskailu bat baino ez den panpin itsusi bat oparitzen dio bere aita besoetakoak, Drosselmeyerrek. Bekaizkeriaz, anaia Federicok jostailua apurtzen du. Drosselmeyerrek konpondu egingo du ordea, eta gaua heltzean, gertakari bitxien lekuko izango da Maria: Gabonetako zuhaitza hazteaz gain, borroka sortuko bait da saguen eta bere Intxaur-hauskailuaren artean. Mariak heriotzatik salbatzen du panpina Saguen Erregeari kaskarreko bat emanez. Segituan bera zorabiatzen da.
- Bigarren ekitaldia
-
Esnatzean, Mariari Drosselmeyer datorkio bisitan eta "Intxaur gogorraren" istorioa kontatzen dio: "Baziren behin alabatxo bat zuten Errege-Erregina batzuk. Erregeak erresumatik bota zuen Sagu Jauna eta, mendekuaren beldur, katu bat jarri zuen haurraren sehaska ondoan. Zaintza jarri arren, printzesari begizkoa botatzea lortuko du Saguak eta umea itsusi bihurtuko da bat-batean. Drosselmeyerrek, gorteko aztiak, dio Cratacuceko intxaur batek bakarrik salbatu ahal izango duela printzesa. Bidaiari ekingo dio intxaur famatuaren bila mundua barrena, eta azkenean Nurembergeko lehengusu baten etxean aurkituko du. Haren semea, Drosselmeyerren iloba, izango da printzesarentzat intxaurra hautsiko duena. Intxaurra jan eta gero, honek bere edertasuna berreskuratu du. Baina mutil gaztea intxaur-hauskailu bihurtuko da, printzesa sorginkeriatik askatzeagatik. Drosselmeyerrek berriz dio, Saguen Erregea garaitu ondoren eta neska eder batek emango dion maitasunari esker lortu ahal izango duela mutilak lehen zuen itxura. Saguen Erregea hil egin da. Mariak Intxaur-hauskailua maite du eta mutil gazteak lehen zuen itxura berreskuratzen du".
Istorioa amaierara iritsi da eta Maria bakarrik dago bere egurrezko jostailuarekin. Drosselmeyer ilobarekin batera iritsi da. Mariak bere ametsetako mutila ezagutuko du...
Dokumentuaren akzioak