Fernando Leija / Flores Teatro Danza: Miedo come todo... sueños al vuelo

* Bilboko Kalealdia 2023 programaren barruan.

Bi saio: 18:00 eta 20:30

Miedo come todo... sueños al vuelo umeentzako eta familientzako antzezlana da. Bertan, txikienekin elkarrizketa bilatzeko asmoz, hainbat lengoaia eszeniko uztartzen dira, besteak beste dantza garaikidea, antzerki fisikoa eta clowna. Obraren ardatz nagusia da paralizatzen gaituen beldurrari ezetz esatera gonbidatzea eta ametsei hegan egiten uztea. Hartara, obrako pertsonaia nagusiak ezezagunaren beldurra atzean utzi beharko du eta zurezko kutxez eratutako dorre misteriotsu bati aurre egin. Kutxan gora igo beharko du, gero jaitsi, eta azken ondorioetaraino jokatu, bertan dauden sorpresa guztiak deskubrituz. Proiektu honek ikusleen irudimena eta jakin-mina iratzarri nahi ditu. Horretarako, estimulu bisualak erabiltzen ditu eta haien bidez, istorioa apaindu baino gehiago, istorioaren parte aktibo izatera gonbidatzen gaitu.