Errusiako Ballet Inperiala: Beltxargen aintzira

Beltxargen aintzira balleta 1877ko otsailaren 20an ikusi zen lehenengoz Moskuko Bolshoi antzokiaren oholtzan. Errusiako Ballet Inperialak bertsio berria estreinatu zuen 2004ko azaroaren 8an, eta orain Gediminas Tarandaren koreografiak ballet zahar hau berritu egin du dramatikoago eginez. Errusiako Ballet Inperiala Maya Plisetskayak sortu zuen 1994an eta bera izan zen urte luzez ohorezko presidentea eta aholkulari nagusia. 

Sigfrido printzearen egunaren ospakizunean erreginak gogoraraziko dio hurrengo dantzaldian emaztea aukeratu beharko duela. Baina indar misteriotsu batek zisneen lakurantz erakarri eta bertan bere bihotzeko kuttuna ezagutuko du, Odette printzesa, zein Rothbart sorginaren sorginkeriaren erruz goizero esnatzen den zisne bihurtuta. Printzeak bide bakarra izango du Odette salbatzeko, betiereko maitasuna agindu eta hitza betetzea. Baina Rothbar sorginak amarrua du prestatua Sigfridorentzat...