Erakusketa: La danza de los diablos

Patxi Beltzaizen "La danza de los diablos" argazki erakusketa azaroaren 3tik 25era Hendaian (Mendi Zolan). Asteazkenetik larunbatera: 10:00-13:00 - 15:00-19:00

Mexikon, Guerreron. Urtero, la danza de los diablos egiten dute Cuajinicuilapa izeneko herrixkan «hilen besta» ospatzeko. Besta hutsaz harago, mendetako tradizioa da hori, non beltz-tratularitzaren iragana berriz sartzen den ezkutatu nahi dutenen gogoetan: Mexikoko alde horretako biztanle gehienak afrikar jatorrikoak dira, esklabuen ondorengoak. Arbasoen ondarea aldarrikatzen duen dantza da, atzoko esklabuei afromexikarrak direla goraki errateko aukera ematen diena.