Dantza Agerketa

Asteburu honetan ospatuko da XLIX. Euskal Herriko Dantza Agerketa Basaurin. Urtebeteko etenaren ondoren, berriro itzuliko dira tokian tokiko zuzeneko dantzak. San Lorentzo (Berriz, Bizkaia), Laguardia-Biasteriko dantza taldea (Guardia, Araba), Aurtzaka (Beasain, Gipuzkoa), Barde Ribera (Fustiñana, Nafarroa) eta Atharratzeko dantzariak (Zuberoa) izango dira aurtengo gonbidatuak. Irailaren 18an, larunbata, 18:00etan eskainiko dituzte tokian tokiko taldeek beren herrietako dantzak eta 19an 19:00etan Basauriko Agintzari, Basauritar eta Edurre dantza taldeen txanda izango da. Herriko taldeek Danbolin taldeko txistularien eta Bizkaiko Gaiteroen laguntza izango dute.