Busturialdeko dantzariak

Hitzordu berezia dute Busturialdeko dantzariek asteburu honetan; eskualdeko dantzari jaia ospatuko dute. Bederatzi dantza taldek parte hartuko dute jaian: Bakioko Itxas-aldek, Bermeoko Alkartasunak, Busturiko Irrintzi Alaik, Foruko Urdaibaik, Mundakako Egunsentik eta Gazte-Zarrek, Gautegiz Arteagako Artiek, Gernika-Lumoko Elai Alaik, eta Ajangizko Artxubek.

19:00etan emango diote hasiera jaiari, Gernika-Lumoko Jai Alai frontoian eta bertan, dantzari taldeek prestatutako ikuskizunak ikusi ahal izango dira.