Agenda

Aurreskua

Noiz: 2022/06/26 12:30
Non: Zarautz, Iñurritza

Zarauzko Iñurritza auzoan San Pelaio jaiak ospatzen dituzte. Ekainaren 26an, aurreskua dantzatzen dute eta hurrengo egunean oilasko-biltzea egiten dute.

Zarautz: San Pelaio 2008 aurreskua [Bideoa]

Gehiago irakurri

Ertza: Dye Dye

Noiz: 2022/06/26 13:00
Non: Hernani, Biteri plazan

Hitzek, mugimenduek, emozioek, bizitako esperientziek eta beste pertsonekin elkarekintzak, gure esentziak busti eta kolore ezberdinez betetzen dituzte. Era berean, gure tonalitateekin besteon esentziak bustitzen ditugun moduan.

Tonalitateak ez dira aldagaitzak; ezta pertsonen esentziak ere. Are gehiago, biak etengabe tintatzen, diluitzen eta nahasten doaz, bidean Kolore berriak sortuaz.

DYE DYE ikuskizunean, bi pertsonek beren kolore paletak partekatzen dituzte, beraien bagajea, beraien bizita; biak ortzadar berri batetan funditzera iritxi arte.

Gehiago irakurri

Mutil-dantzak

Noiz: 2022/06/26 21:00
Non: Arizkun

San Juan jaiak ospatzen dira Arizkunen eta mutil-dantzak dantzatzeko aukera dago. Hona hemen San Juan jaietako egitaraua:

Ekainak 23, osteguna

20:30 Ezpata-dantza. Ilunabarrean San Joan suak eta ezkil jotzea. Ondotik, mamorru erretzea, mutil-dantzak, gaita eta larrain-dantza.

Ekainak 24, ostirala

12:00 mutil-dantzak
21:00 mutil-dantzak

Ekainak 25, larunbata

21:00 mutil-dantzak

Ekainak 26, igandea

21:00 mutil-dantzak

Gehiago irakurri

Kimua: Generoa

Noiz: 2022/06/26 22:00
Non: Getxo, San Nikolas plaza

GenEroa ikuspegiaren inguruko lanketa, originala bezain berritzailea den dantza ikuskizun eta mediazio parte-hartzaile bidez proposatzen du Kimua Dantza Kolektiboak. Biologia, genetika zein euskal hizkuntzari dagokionean, loturak, kateak... ote ditugun galdetuko dugu genero ikuspegiari dagokionez, barrura begira.

Dantzaren bidez, gorputzaren mugimenduek gidatuta, hartzen ditugun rolak edo ezartzen dizkigutenak hautemateko parada izango dugu. Benetan askeak bagina, nola mugituko ginateke? Nola dantzatuko genuke? Eta zu, ausartuko zara lehen dantza pausua ematera? Loturak puskatzera? Benetan aske izatera?

Kimua dantza kolektiboko sei dantzarik eta Ekaitz Goikoetxea bertsolari eta idazleak hartuko dute parte ikuskizunean. Hainbat koreografia interpretatuko dituzte eta dantzekin batera, musikek, zuzeneko errezitaldiek, bertsoek, off-eko ahotsek, trantsizioek eta hainbat baliabide materialek osatuko dute kale ikuskizuna.

Egileak: Kimua DK.
Koreografia: Kimua DK + oraindik zehaztu gabeko kolektibotik kanpoko koreografoak
Zuzendaritza eszenikoa: Kimua DK + oraindik zehaztu gabeko kolektibotik kanpoko pertsona
Antzezleak: Kimua DK
Ekoizpena: Kimua Dk
Iraupena: Dantza emanaldia (35´)
Formatua: 9/7/6

Gehiago irakurri

Oilasko biltzea

Noiz: 2022/06/27 06:00
Non: Zarautz, Iñurritza

Zarautzen, Iñurritza auzoan San Pelaio jaietan egiten den oilasko biltzea.

Zarautz Oilasko biltzea 2008 [Bideoa]

Gehiago irakurri

Azeri-dantza

Noiz: 2022/06/27 09:00
Non: Hernani

Hernaniko San Joan festetan tradizio handiko azeri-dantza egiten dute. Goizeko 9:00etan hamabost lagun inguru biltzen dira; esku batekin sokari helduta eta bestearekin maskuria hartuta. Kalez kale ibiltzen dira, eta kalean daudenak jotzen dituzte maskuriarekin. Lagun horiek herriko hainbat bazterretan ezkutatzen dira, eta berriro ere plazan biltzen dira. Ekainaren 25, 26 eta 27an irtetzen dira.

Gehiago irakurri

Sorgin-dantza

Noiz: 2022/06/28 16:30
Non: Lasarte-Oria

16:30ean Sorgin-Dantza abiatuko da Oriatik, eta Okendo Plazan bukatuko da eta bidean, tarteka, tarteka dantza egingo dute.

Lasarte-Oria: Sorgin-dantza 2011 [Bideoa]

Gehiago irakurri

Zortzikoa

Noiz: 2022/06/29 10:00
Non: Altsasu

Urtero San Pedro egunean, Ekainaren 29a, erromeria ospatzen da Altsasu eta Urdiaingo lurren artean santu honen ohorez eraikitako baselizan. Alkateak lehen zortzikoa dantzatzen du eta ondoren herritarrek dantzatzen dituzten nahi adina zortziko.

10:00 Udalbatza, Altsasuko txistulariekin batera, San Pedroko zelaira abiatuko da.

10:45 Auzatea eta Zortzikoa

Altsasu: San Pedro 2010 zortzikoa [Bideoa]

Gehiago irakurri

Kaxarranka eta eguzki-dantza

Noiz: 2022/06/29 11:00
Non: Lekeitio

10:15 Lekeitioko Udaleko alkate eta zinegotzien eta kofradiako lehendakari eta arduradunen udaletxetik elizarainoko prozesioa, Lekitto musika-bandak lagunduta.

10:30 Meza Nagusia, elizako abesbatzak abestuta.

Segidan, Dan Pedroren omenezko prozesioa, Lekitto musika-bandak lagunduta. Amaieran, antzinako ohitura zaharrari jarraituz, San Pedroren irudiarekin Kilin-Kalakoa egingo da santuaren portuko irudiaren aurrean. Euskal Batel-Eroek uretatik harrera egingo diote Santuari, belak igoz.

Gero, Kaxarranka, San Pedropean dantzatuko da ondoren Kofradiaren aurrean dantzatzeko. Bitartean, Etorkizuna dantza taldeak andrazkoen aurrekua dantzatuko du plazan. Horren ostean, Kaxarranka dantzatuko da berriro plazan.

Gehiago irakurri

Dantza-soka

Noiz: 2022/06/29 11:30
Non: Asteasu

San Pedro egunean, ekainak 29an meza nagusiaren ostean egiten dure soka-dantza Elizmendin. Ondotik, hamaiketakoa egingo dute.

Gehiago irakurri

Tresna pertsonalak

Agenda