- Zuzendaritza: OSA +MUJIKA
- Koreografia: Jaiotz Osa
- Interpreteak: Rafke VAN HOUPLINES, Paula PARRA, Maddi RUIZ DE LOIZAGA, Adrián BOLAÑOS, Jaiotz OSA
- Eszenografia + Jantzitegia: Xabier MUJIKA
- Musika: Gartxot UNSAIN
- Argiztapena: Isa DEL MORAL
- Argiztapen laguntzaileak: Elena GARCIA, Aitor ETXEBARRIA
- Argazkiak: Mariló MIGUEZ
- Bideoa: Renata L. ETANOWSKI
- Ekoizpena + banaketa: OSA+MUJIKA
Dokumentuaren akzioak
Agenda
Nazioarteko ballet klasikoa: Beltxargen aintzira
Noiz: 2026/01/13 19:30Non: Bilbo, Campos Elíseos Antzokia
Nazioarteko Ballet Klasikoa konpainiak P. Tchaikovskyk konposatutako lan klasiko zoragarriaren bertsioa eskainiko digu, Eugeny Gurenkoren eszenografia ikusgarriarekin eta nazioarteko bakarlari bikainekin. “Zisneen Lakua” ballet klasiko unibertsalaren harribitxiak ongia eta gaizkiaren arteko gatazkari buruzko dikotomian murgilduko gaitu. Kontakizunak dioenez, Sigfrido printzea, 21 urte bete berritan, basoan barrena sartu eta Odettekin elkartuko da, Rothbart maltzurrak sorgindutako printzesa zisnearekin. Sigfridok maitasuna aginduko dio betirako, baina amarru anker bat tarteko, Zisne Zuriari barik, Zisne Beltzari egingo dio promesa. Egin duen akatsaz ohartuta, basora itzuliko da maitearen bila. Nazioarteko Ballet Klasikoa, Andrey Sharaeyren zuzendaritzapean eta Royal Czech Ballet eta Milango Balletarekin lankidetzan, Tatiana Solovieva Producciones-en lan berria da, zeinak 30 urte daramatzan kalitate oneneko ikuskizunak taularatzen, begirune handiz eta xehetasun txikienari ere arreta jarriz. Izan ere, makina bat sari jaso ditu.
Nazioarteko ballet klasikoa: Intxaur-hauskailua
Noiz: 2026/01/14 19:30Non: Bilbo, Campos Elíseos Antzokia
Nazioarteko Ballet Klasiko ospetsuak, dantza ikuskizun onenaren lau sari nazional irabazi dituenak, Baluarten taularatuko du balet klasikoaren lanik gabonezkoenaren eta harribitxi handienaren bertsio berezia: El Cascanueces. Tchaikovskyren musika bikaineko ballet hau, haurtzaro galduaren atsekabea erakusten duena, 1892an estreinatu zen San Petersburgoko Mariinsky antzoki mitikoan, Lev Ivanov-en jatorrizko koreografiarekin eta Marius Petiparen libretoarekin. Eguberri ahaztezinaren bezperan, Marie izeneko neska gazte batek mirariz eta misterioz betetako zeharkaldiari ekingo dio. Kriskitinak lagunduta, sagu gaiztoei aurre egiten die, elur-maluten artean dantzatzen du eta, azkenik, Jauregi Magikora iristen da. Han, jostailu guztiek bizia hartzen dute eta dantza egiten dute festa ahaztezin batean.
Dani Hernández: Córdoba Drone
Noiz: 2026/01/15 19:00Non: Bilbo, Azkuna Zentroa
Isaac Albénizen "Córdoba" konposizioa. Oroimenetik, nire haurtzaro eta nerabezarotik. Garai hartako desioak berreskuratzen eta orain nagoen ikuspuntutik begiratuta. Musikaren klasiko batekin eta espainiar dantza ohikoekin berriz aurkitzea, eta nire bilakaera artistikoa sortzen juan diren esperientzia eta ezinegonekin zeharkatzea. Beti izandako bihozkadara joz berriro aztertu eta berridatzi dut. Interpreteak
Mintegia + Mazurka gauak
Noiz: 2026/01/16 18:30Non: Elgeta, Espaloia kafe-antzokia.
MINTEGIA: Kalitatean sakontzen Gaurko gaiak: solteko dantza askatzen, jauziak, schottisch... Ondoren atsedena (tortilla jana) eta dantzaldi laburra (Mazurka gauak) Parte hartzea: 10,00 euro Laguntzailea: Elgetako Udala IKUS:
Osa + Mujika: Lana
Noiz: 2026/01/16 20:15Non: Zumarraga, Zelai Arizti Aretoa
Lana, arrakasta, balioa edo estatusa bezalako kontzeptuekin lotzen dugu. Arrakasta izatearen sentsazioa edo garrantzitsua eta ezinbestekoa sentitzea, liluragarria da, laneko nahiz lanaz kanpoko harremanak baldintzatzeraino. Baina hain arrakastatsua bazara, zergatik jarraitzen duzu astean 40 ordutik gora lanean? Norbaitek “eta zu nor zara?” galdetzen digunean, oso ohikoa da gure izena esaten hasi eta jarraian gure lana zein den azaltzea. Ia beti gure aurkezpen-gutunada da. Lanerako pasioa egungo tranpa handienetariko bat da. Deigarri da gaztelerara itzulita (Pasión por el trabajo) duen jatorria: “pasión” latinezko passio (sufrimendua) hitzetik dator, eta “trabajo”, tripalium hitzetik (hiru makila, Erdi Aroko tortura tresna bati erreferentzia eginez). Gure bizitzako aukera orain eta hemen dagoela uste dugu eta ezin diogula honi ihes egiten utzi; aurrerago, etorkizunean, gure bizitza pertsonalerako denbora izango dugula pentsatuz bizi gara. Ia dena sakrifikatzen dugu gure helburu profesionalak lortzeko, gure osasun fisiko eta emozionala alde batera utziz.
LANAk lan-kultura obsesibo hau islatzen du, gure izatean eta harremanetan nola eragiten duen hausnartuz.
Fitxa artistikoa:
Maskaradak 2025
Noiz: 2026/01/18 09:00Non: Iruri eta Ozaze
Urtarrilaren 18an hasi eta apirilaren 26an bukatuko dira 2025ko maskaradak, Zalgize, Mendikota, Ozaze eta Iruriko gazteek emanak. Guztira 15 emanaldi izango dira urtarriletik apirilera astebururo. Ohitura izaten da lehena eta azkena antolatzaileen herrian izatea; oraingoan lau herrik hartzen dutenez parte, lehenengo egunean, barrikadak Irurin egingo dira eta plazako jokoa Ozazen emango dute. Azkenengoan, berriz, Zalgizen izango dira barrikadak eta arratsaldeko saioa Mendikotan. Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.Zuberoako Maskaradak 2026 egutegia
Kresala: Hiru damatxo
Noiz: 2026/01/19 00:00Non: Donostia, Konstituzio Plaza
*San Sebastian egunaren Bandera Igoera ekitaldi nagusia. Urtarrilaren 19ko gauerdian, San Sebastian egunari hasiera emanez eta Konstituzio Plazaren erdigunetik, Donostiako egun handiko banderaren igoeraren ekitaldi barruan, Kresala konpainiak «Hiru damatxo» izeneko hiru dantza antzezten ditu, 16 dantzarik interpretatutako koreografia programa. Horrela, Kresalak dantza bilduma berri bat iruten du, imajinario sozial eta kolektiboak neguko zikloaren egutegiko erritual baten zati gisa barneratzen duena, denboraz at dantza triptiko txiki gisa ulertuta.
Hitza eta hizkuntza berpiztearen zerbitzuko
Noiz: 2026/01/22 19:00Non: Miarritze, Espace Marian Arregi Dantza Leku
Ihauterietako erritualetan garrantzi handia du hitzak, dantzariek, joaldunek, lanbide parodiek egiten dituzten akzioen osagarria. Eske kantak, elkarrizketa teatralizatuak edo erranaldi magikoak horren lekuko dira, modelo tradizionaletan zein parte hartzaileen irudimenarekin osatuak. Kopla edo umore hitzak hizkuntza ezberdinetan erranak dira, berriz ere hizkuntza eta kultura batzuen gurutzatze eremuan dagoen herrian.
Komedia, epaiketa eta satitra soziala: Monsieur Carnaval-etik San Pantzar-era
Noiz: 2026/02/12 19:00Non: Miarritze, Elkarteen etxea
Neguko urtarotik udara pasatzea, Ihauteriak batera, urte osorako balantzea egiteko aukera da. Biltzar nagusi batean bezala, gizarte osoak plaza publikoan aurkezten ditu giza-balorazioak, eta bereziki grina ekarri dituzten gaiak. Aktualitate politikoa, gai pribatuak zein herriko bizitzari lotuak, kezka horiek satira sozial baten eredu batean adieraziak dira. Gure herrialdean, epaiketa bat antolatzen da, erdiko pertsonai akusatu batekin: monsieur Carnaval edo San Pantzar.
2026ko Beasaingo Inauteri herrikoiak
Noiz: 2026/02/14 10:30Non: Beasain (Gipuzkoa)
2026ko Beasaingo Inauteri herrikoiak Inaute larunbatean (otsailak 14) ospatuko ditugu egun osoko festa egitarauaren bidez. Urtero bezala, herritar zein dantzazale orori dei egiten diegu gurekin batera Beasaingo kaleak Inauterietako dantzez, musikaz eta kolorez janztera etor daitezen. Horretarako entsegu irekiak antolatu ditugu asteartetan (18:00etatik 19:00etara) Oriamendi 10 kaleko gure lokalean. (Datozen asteetan zehar zabalduko dugu Inaute larunbateko egun osoko festa-egitaraua).
Dokumentuaren akzioak
