Dokumentuaren akzioak
Agenda
Erakusketa: Danseurs, Kaskarotak eta Bolantak
Noiz: 2026/03/03 10:00 ${linebreak} 2026/04/01 18:30Non: Miarritze, Historia Museoa
Maritzuli Konpainiak Danseurs, Kaskarotak eta Bolantak erakusketa berria aurkeztuko du martxoaren 3tik apirilaren 1era, Miarritzeko Historia Museoan. XVI.mendetik gaurko dantzarietara, bildutako lekukotasunek dantzarien funtzioak eta gaurko dinamikak argitaratzen dituzte. Astelehenetik ostiralera: *Aurkezpen eguna martxoak 5ean, 18:30ean Historia Museoan.
Lasala: Burnt
Noiz: 2026/03/15 10:00Non: Donostia, Gazteszena
*2026ko dFERIA jaialdiaren barne. Gero eta eskatzaileagoa den gizarte-ispilu baten aurrean, badirudi estrategia posible bakarra gauero intentsitate handiagoz distiratzea dela. Hainbeste kontsumitzen den prezioa sitsek argitik gertu hegan egiteagatik ordaintzen duten prezio bera da: berezko "burnout" batean su hartzeko aukera.
Erain: Sin fichero adjunto
Noiz: 2026/03/15 10:00Non: Donostia, Gazteszena
*2026ko dFERIA jaialdiaren barne. Egoera infinituetara estrapola daitekeen egoera bat aipatzen du: jarraibideak falta zaizkizula sentitzea, jarraitu beharreko urratsak dituen gida bat eduki nahi duzula. Galduta sentitzea, hurrengo urratsa zein den, zer den zuzena edo zein ate izan beharko lukeen irekitzen hurrengoa jasoo duen dokumentu baten falta sumatzea. Inork zure bizitza nola bizi eta zure ahotsa nola diseinatu inoiz irakatsiko ez dizun errealitatea onartzera gonbidatzen gaitu. Proiektu honen helburua da kezka horiek publikoarekin partekatzea, sorkuntzaren bidez eszenatokira hurbiltzea eta elkarri laguntzea gure egunerokotasunean etengabe erabakiak hartzeko ezinbesteko dantza honetan
Osa + Mujika: Tupper
Noiz: 2026/03/15 10:00Non: Donostia, Gazteszena
*2026ko dFERIA jaialdiaren barne. Osa + Mujika konpainiaren sorkuntza berria da Tupper: "Bultzatzen gaituen perfekzioarekiko eta lehiakortasunarekiko obsesioaz hitz egiten du piezak. Perfekzioa, atzetik segika dugun obsesioa, ukiezina, beti gure saiakera oro baino pauso bat harago dagoen hori. Saiatuko naiz. Behin eta berriz. Baina albokoa ni baino perfektuagoa denean: lehia. Bizitza honen funtsa. Etengabe besteak gainditzera eta onena, perfektuena izatera garamatzan indarra. Bidean, ordea, erotu egingo gara, beti topatuko baitugu gu baino zuzenagoa, osoagoa eta gaindiezinagoa den norbait".
Lasala: Alai familian
Noiz: 2026/03/15 17:00Non: Elorrio, Arriola Antzokia
Alaik sei urte ditu eta bere amona eta txakurrarekin bizi da. Alairen familia ez da bere lagunena bezalakoa eta horrek desberdin sentiarazten du, baina gau batean ametsen munduan murgildu eta animalia mordo bat eta haien familia mota ezberdinak ezagutzen ditu. Nolakoa da, ba, familia normal bat?
Baal: A&S Viajeras del espacio
Noiz: 2026/03/15 18:00Non: Noain, Noaingo Kultur Gunea
Magia plastiko eta piktorikoa duen obra surrealista, objektuei, dantzari, teknologiarekiko harremanari eta publikoaren parte-hartzeari esker sortua. "Hurbiltasunezko utopia", espazio partekatu baten bidez.
Ekoizpen eta erakusketa prozesuetan harreman-eredu hegemonikoei aurre egiten dien praktika artistikoa planteatzen dugu. Horretarako, Dadá eta Fluxus mugimendu artistikoetan jartzen dugu begirada. Bereziki, XX. mendeko hasierako mugimendu abstraktuan giltzarri izan ziren bi emakume artista erreferenterekin lan egin dugu modu kontzeptualean: Sophie Taeuber eta Aleksandra Ekster.
Bi artista horien interesa, alde batetik, beren estetika objektualean eta ikonografikoan datza, eta, bestetik, beren lana zabaltzean, duela gutxi arte gizon zuriaren begirada heteronormatiboaren pean idatzitako Artearen historiaren denbora-ildo nahasgarria aldatzeko mugimenduan lerrokatuz.
Aristerrazuko erromeria
Noiz: 2026/03/15 18:00Non: Aia San Pedro bailara, Arizterrazuko plaza
Igande honetan Aristerrazuko eszenatokian Miren, Maddalen eta Oier.
La coja dansa: Deshielo
Noiz: 2026/03/15 18:00Non: Zizur Nagusia, Kultur Etxea
"Deshielo" antzezlanean istorio poetiko bat, dantza eta antzerkia, proiekzio-sistema bikoitza eta musika originala uztartzen dira ohiz kanpoko edertasuneko ikuskizuna sortzeko. Inuit Neska igluz osatutako herrixka batean bizi da; hotz handia egiten du beti, urtean aste gutxi batzuetan izan ezik. Orduan lantzurda artean loreak agertzen dira Inuit Neskaren herriak Harri Sakratu bat bauka, bat-batean aldatu gabe mendeak eman eta gero hautsi egiten dena. Inuit Neskak bere Harri Sakratua haustea eragin duenaren bila irtetea erabakitzen du. Bidean Azeri Zuria lagun izango du eta Zuhaitzak Landatzen dituen Gizonaren eta Zabor-Eraldatzailearen testigantza jasoko dute; gauza asko alda ditzaketen ekintza txikiak egiten jarraitzeko akuilua jasoko dute eurengandik. "Deshielo" bidaiaz, klima-aldaketaren aurkako soluzio pertsonalez eta gure ekosistemaren hondamendiaz mintzo da. Asmoak batzeko eta gure inguruaren orekarekiko begirunezko ohiturak sortzeaz mintzo da. Laguntasunaz mintzo da, armarik eraginkorrena denez, eta pertsona arruntek aparteko aldaketak eragiteko duten ahalmenaz.
Begoña Quiñones + Verónica Garzón: Fleeting Matters
Noiz: 2026/03/16 09:30Non: Donostia, Victoria Eugenia Antzokia
*2026ko dFERIA jaialdiaren barne. Hau ez da musika, pultsu kolektiboa baizik. Fleeting Matters materien anestesien kontrako koreografia bat da; hain zuzen, desagertzear daudenean eta arrastoa uzten dutenean baino existitzen ez diren ihesari emandako materien anestesien kontrako koreografia. "Gorputza denbora-instrumentu bat da, betierekoa denaren eta efimeroa denaren arteko bibrazio iheskorra. Fitxa artistikoa: Bi pase: 9:30 eta 16:30
Hau ez da dantza, erne dauden gorputzak baizik.
Hau ez da entretenimendua, soinudun erresistentzia baizik.
Erritmoa gara, eta erritmoak dantzarazi egiten gaitu ezdeusaren eta osotasunaren artean, garenaren eta
oraindik izatera iritsi ez garenaren artean". Gutunak poeta gazte bati, Rainer Maria Rilke.
Cielo rasO: Euforia
Noiz: 2026/03/16 11:00Non: Donostia, Gazteszena
*2026ko dFERIA jaialdiaren barne. Igor Calonge koreografo eta dantzariak sortutako Cielo Raso konpainiaren sorkuntza berria da Euforia, kolorearen, argiaren eta alaitasunaren aldeko apustua. Ekintza bakoitza ordena zehatz batean antolatuta dago, obran zehar hazten doan erritmo konstante baten zain. Dantzariak agertokira sartu eta bertatik ateratzen dira, aurrekoak uzten duen paisaia ekintza berri batekin etengabe aldatuz. Umorezko xehetasunek pultsua galtzen ez duen eta etengabeko informazioa ematen duen koreografia egituratzen dute. Eraikuntza koreografiko delikatu batekin, dantza-materialak interpreteek manipulatzen dituzten objektuetatik abiatuta sortzen dira, tempoarekin eta bere gorputzekin modu zehatzean jolastuz, eboluzio harrigarrietan. Erronka ekintza guztietan azkar sartu eta irten ahal izatea da, pertsona asko izatea eta, aldi berean, ekintza horiek berak izatea. Euforiak askatasunaz, edertasunaz, denboraz eta maitasunaz hitz egiten du.
Dokumentuaren akzioak
