Dokumentuaren akzioak
Agenda
Erakusketa: Danseurs, Kaskarotak eta Bolantak
Noiz: 2026/03/03 10:00 ${linebreak} 2026/04/01 18:30Non: Miarritze, Historia Museoa
Maritzuli Konpainiak Danseurs, Kaskarotak eta Bolantak erakusketa berria aurkeztuko du martxoaren 3tik apirilaren 1era, Miarritzeko Historia Museoan. XVI.mendetik gaurko dantzarietara, bildutako lekukotasunek dantzarien funtzioak eta gaurko dinamikak argitaratzen dituzte. Astelehenetik ostiralera: *Aurkezpen eguna martxoak 5ean, 18:30ean Historia Museoan.
Elirale: bOta
Noiz: 2026/03/20 17:00Non: Lesaka, Harriondoa Kultur Etxea
Lesakako Ernatu dantza zikloaren barruan, Elirale-Pantxika Telleria Konpainiak Bota kaleko ikuskizunaren lan-prozesuko emanaldi batera gonbidatzen zaitu, gaur egun sortzen ari dena. Xabi Darthyette musikariak zuzenean lagunduta, Joana Millet eta Jon Vernier interprete eta koreografoek Kataluniako eta Euskal Herriko dantza tradizionalen muinean dagoen Jauziari buruzko ikerketaren emaitzak aurkeztuko dituzte, zirkulu erritmiko eta parte-hartzaile baten moduan. *Guztientzat, urririk
Larrua: You have an inner world, so what?
Noiz: 2026/03/20 20:00Non: Amorebieta-Etxano, Zornotza Aretoa
Proiektu berri honetan gizakion barne-munduetan murgilduko dira. Esplorazio koreografiko baten bidez, 40 urtetik gorako dantzarien heldutasun eszenikoaren balioa nabarmentzearen alde egin dute. Gorputz horiek istorio bat gordetzen dute: euren egungo istorio gizatiarra. Bizi izan dutela senti daiteke. Dantzan egin dute, sufritu, gozatu. Eraldatu dira, modu askotan. Gorputz erabiliak dira, esperientziaz beteak. Eta, aldi berean, pixkanaka, gero eta gehiago interesatzen zaie ideiak aurkeztea, zerbait menderatzen dutela erakustea baino. Ikuspegia aldatu da: lasaitasuna dario, pazientzia. Emozioa ez da hain bizia, baina sakonagoa da. Lasaitasunak denbora ematen du behatzeko eta hausnartzeko, lanaz eta hari heltzeko moduaz ikuspegia zabaltzeko. Fitxa artistikoa:
Maskaradak 2026
Noiz: 2026/03/21 09:00Non: Larraine
Urtarrilaren 18an hasi eta apirilaren 26an bukatuko dira 2026ko maskaradak, Zalgize, Mendikota, Ozaze eta Iruriko gazteek emanak. Guztira 15 emanaldi izango dira urtarriletik apirilera astebururo. Ohitura izaten da lehena eta azkena antolatzaileen herrian izatea; oraingoan lau herrik hartzen dutenez parte, lehenengo egunean, barrikadak Irurin egingo dira eta plazako jokoa Ozazen emango dute. Azkenengoan, berriz, Zalgizen izango dira barrikadak eta arratsaldeko saioa Mendikotan. Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.Zuberoako Maskaradak 2026 egutegia
Ikastaroa: Emakumeak mugimenduan: gorputz kolektiboaren jabetze feminista
Noiz: 2026/03/21 10:00Non: Eibar, Markeskoa Jauregia
Emakumeak Mugimenduan emakumeentzako sormen eta autoezagutza espazio bat da. Dantza mugimendu terapian oinarritutako proposamen bat da eta buruaren eta gorputzaren arteko harremanean oinarritzen da. Emakumeon jabekuntza feminista, osotasun batean bilatzen badugu, ezinbestekoa da gorputzaren jabekuntza prozesua bertan integratzea eta horretarako sortu zen Emakumeak Mugimenduan. Irakaslea: Oihane Vicente Aguirrezabal Informazio gehiago: Emakumeak mugimenduan: gorputz kolektiboaren jabetze feminista
Dantza egonaldia AIKO taldeagaz Urkiolan
Noiz: 2026/03/21 12:30Non: Urkiola
Aiko taldeak 20 urte bete dituen honetan, ez dakigun ospakizun ekitaldi bat den, baina dantza egonaldia antolatu dugu Urkiolan.
Parke naturalaren bihotzean dagoen URKIOLA* hotela izango da gure topagunea. Zapatu eta domekaz dantzan arituko gara alkarrekin. Ikasten, hobetzen, saiatzen... ahal den guztia egiten.
Otorduak, lo egiteko lekua eta giro atsegina ziurtatuta ditugu.
Dantza egonaldia Urkiolan
Noiz: 2026/03/21 16:00Non: Urkiola
Datorren martxoaren 21 eta 22an, lehenengoz Urkiolara doaz Aikotarrak dantza egonaldi bat egitera. Urkiolako Santutegia zuentzat, Urkiolako Dantzategia ere bada, erromeri toki historikoa. Eta berton, Urkiola hotel berriztuan, dantza txoko gozoa eraikitzeko aukera izango dute asteburu horretan Jasone, Patxi eta hoteleko lankide guztiekin. “Arratiako jota” izenarekin, batez ere, talde folklorikoen akademizazioaren aurretik hedatuta zegoen dantzatzeko modu herrikoi, aberats eta anitza izendatzen da. Galdakaoko Andra Mari dantza taldeak, eta batez ere bertoko dantza maisua izan den Kepa Artetxeren lanari ezker, Euskal Herri guztian zabaldu zen “Arratiako jota” izenpean. Kepa gure dantza maisu eredua izan da, laguna, eta gure taldekide diren Larraitz eta Ainararen aita, eta Mertxe Arrienen senarra. Berarekin ikastaroren bat baino gehiago ere egin dugu, eta oraingo honetan, teknologiari esker, bere jota grabaketetik "tireka" jotaren inguruko hainbat kontu aztertu, ulertu, sistematizatu eta partekatzeko aukera izango dugu AIKO Taldeko irakasleen eskutik. AIKO Taldeak 20 urte betetzen dituen honetan, zerbait berezia prestatu nahi izan dute ospatzeko eta, bide batez, Kepa Artetxeri haien esker ona adieraztea pentsatu dute haiek dakiten moduan: dantzan. LARUNBATA, MARTXOAK 21 16:00-17:00. Ongietorria eta aurkezpena, eta kafetxo bat elkarri agurtzeko. 17:00-20:00 Kepa Artetxeren dantzakera aztertzen eta sistematizatzeko proposamena 21:00 AFARIA 22:30 Afalondoko dantzaldia AIKOPEKOrekin IGANDEA, MARTXOAK 22 10:00-13:00 Aiko dantza irakasleen eskutik jota eta porru ezberdinen dastaketa 14:00 BAZKARIA Ikastaroetan izena emateko: https://aiko.eus/producto/dantzaegonaldiaurkiolan-martxoak21-22/ 60€ ekimenetan eta dantzaldian parte hartzea. Hoteleko egonaldia Urkiola Hotelean berton kudeatu behar du bakoitzak. *18 eta 30 urte bitarteko gazteak DEBALDE izango dute matrikula, doan, musutruk, kittorik, baina ez hoteleko egonaldia.ARTETXEREN JOTATIK TIREKA
PROGRAMA
NOLA MATRIKULATU
InPut: Play
Noiz: 2026/03/21 17:00Non: Gasteiz, Artium Museoa
* Amarauna 2026 programaren barruan. Bi gorputzen arteko harremanean oinarritutako lana da, jolasaren bidez erlazionatu nahi duten bi masa eta bestearen gorputza nola mobilizatu ulertzeko jakinminarekin. Jakinmin horrek mugimenduz betetako hitzaldia konposatzera eramaten ditu, bi antzezle hauek irudiz, ekintzaz eta momentuz betetako elkarrizketa batean murgilduz. Bi saio: 17:00 + 17:45
Zuriñe Benavente + Guillermo Weickert: El grito del elefante
Noiz: 2026/03/21 20:00Non: Gasteiz, Artium Museoa
El grito del elefante denbora errealean igarotzen den konposizio-pieza bat da, eta zenbait artista gonbidatuk parte hartzen dute haren sorkuntzan. Kasu honetan, Zuriñe Benavente eta Guillermo Weickert dantzarien jardunarekin bat egiten dute Ignacio Monterrubioren zuzeneko musikak eta Patxi Pascualen argiztapenak. El grito del elefantek alarma-egoeran jartzen du fokua, presente dugun unearen presentzian eta eszenan eta haren inguruan gertatzen den guztiarekiko konexioan. Sinesmena eteten den eta edozer gauza gerta daitekeen une hori | Erabat inplikatuta zaude, begira-begira | Film bat bezalakoxea da, eta zure rola antzezten ari zara zeure begien aurrean | Istorioa denbora errealean garatzen da, eta zu zara pertsonaia nagusia | Eta, aldi berean, ez zara zu, zeure burua ikusten baituzu antzezten | Akzioa sinkronian dago ekintzaren testigantzarekin | Ez dago beste hautatze-konturik, hautatua zaren heinean | Zu zara ibilgailua | Opari bat da, eta olatu baten tankeran hartzen duzu | Ezin da bilatu, baimendu bakarrik | Ezin da hartu kontu handia bakarrik | Desio daiteke, baina zeure baldintzetan gertatzen bada | Prest egon zaitezke | Zure lana prestatzea da | Prest egotea | Prestu egotea | Epaiketarik gabe | Errurik gabe Mark Tompkins Proiektua 2016ko ekainaren 18an estreinatu zen, Monstrenkan, Gasteizen. Proiektu honetan lankidetzan jardun duten artistak: Mark Tompkins, Katie Duck, Julyen Hamilton, Jeremy Wade, Florence Augendre, Guillermo Weickert eta Maria Scaroni.
Dokumentuaren akzioak
