Compagnie Dyptik: Mirage

* Bilboko Kalealdia 2023 programaren barruan.

Hesiak eta burdin haria, txapa herdoilduak etxebizitzen sabaietan, banderak zintzilik, zorua dotore zapaltzen duten oinen burrunba, kokotsak jasota eta arropa koloretsuak, arreta handiz elkartuak. Horixe da pieza hau inspiratzen duen Balatako (Zisjordania) errefuxiatu-esparruaren irudia. Unibertso kromatikoa, abesti, erritmo eta emozioetako unibertso bat, mundu osoko kultura tradizional eta garaikideetatik edaten duena. Murgiltze-ikuskizun parte-hartzailea, tortura eta bidegabekeria salatzeko apoteosiraino hazten dena.