Dantzaz: Dantza pote

Tabernaz taberna, dantza garaikideaz gozatzeko aukera hurbila eta konplizea. Zazpi minutuero, DantzaPote pasatzen den taberna bakoitzeko giroa aldatzen du apurka, antzoki baten arreta eta kontzentrazioa lortu arte. Taberna bakoitzean, ezustean, dantzariak dantzan hasten dira, jendearekin nahasturik. Haien musika eramaten dute haiekin, erabat autonomoak dira. Zurekin eserita izan daitezke, edo zure ondoan kokaturik... eta dantzan hasiko dira!

• Dantzariak (hauetako bost): Raúl Abentín, Andrea Aguado, Mariona Carrasco, Flippo Cosso, Maddi Gaztelumendi, Lara Matea Ivancic, Laura G. Latasa, Lele Mazzella, Noel Quintela eta Iñigo Rementeria.

• Koreografia: Josu Mujika.

Ikuskizunak 35 minutu iraungo du eta bost geldialdi izango ditu: Malkar plazan (Amasa) hasi eta Onddo plazan bukatuko da (Kultur Etxearen atzealdean).