Dokumentuaren akzioak
Larunbateko kontuen egunak bukaera emanen die aurten ere Goizuetako inauteriei
Los Webotes taldea izanen da Gaztetxean festa eguna borobiltzeko
Goizuetan ere, inauterietako ospakizunik gehienak pasatuak dira: igandeko gaztetxoen zahagi dantza, asteleheneko mozorroen baserriz baserriko ibilaldiak, eskolako brasildarraren dantzak eta umorea eta gainerako herritarren disfrazak eta karrozak ikusi argazkiak eta astearteko mozorroen azken itzulia eta zahagi dantza ikusi argazkiak. Baina, ohi bezala, Goizuetan mozorroen kontuen eguna geldituko da karnabalen ondoko larunbaterako eta egitarau zabala prestatu dute aurten ere.
Otsailaren 21ean, 12:00etan poteoa eginen dute Igandea txarangarekin. 14:00etan bazkaria izanen dute eta bazkalondo luzearen ondorik, arratsaldean berriz ere poteoan ibiliko dira Igandea txarangarekin. Gauean, Los Webotes taldea ariko da Gaztetxean, eta seguruena, batzuentzat goizaldeko ordu txikietan bukatuko dira, orain bai, inauteriekin lotutako ospakizunak.
Mozorroek kontuak eginen dituzte larunbatean eta horren harira hainbat ekitaldi antolatu dituzte. Argazkia: Felix Loiarte
Dokumentuaren akzioak
