Barakaldon, San Bizenteko Elizateko aurreskua berreskuratu du Laguntasunak

Gerra-ostetik, 70 urte inguruz desagertuta egon den aurreskua berreskuratu dute Barakaldoko Laguntasuna Elkarteko dantzariek San Bizente auzoko jaietan, urtarrilaren 25ean. Josu Larrinaga ikertzailearen azterketa baliatu dute zazpi hamarkadaz lozorroan izan den dantza berrregiteko. 

Meza ostean San Bizenteko elizako atarian egin zuten aspaldian galduta zegoen dantza. Koreografia  eta dantzaren zati eta elementu zehatzak garaiko azken dantzarietako bati (JLA, Beurko 1922) egindako elkarrizketan jasotako argibideei eta Jose Larrinaga folkloristaren lan etnografikoari esker berreskuratu dira. Badirudi Barakaldoko erromeria eta jaietan mendeetan zehar Elizateko aurreskua oso ohikoa zela, baina XX. mendeko hirugarren hamarkadan galdu egin zen, Gerra Zibilak  eta ondorengo egoerak kultur adierazpenean ekarritako aldaketak zirela eta.

San Bizente auzoan lehenengo aldiz egin badute ere, pasa den ekainean, Santa Luzia auzoko erromeria egunean, Laguntasuna Elkarteko neskek plazaratu zuten jada aurreskua Argalario mendiaren magalean.

Informazioa:

• Laguntasuna Elkartea
• Elizateko aurreskua berreskuratu dute Barakaldon (Dantzanet)
• Elizateko aurreskua berreskuratu du Laguntasunak (Herrikolore)
• Laguntasuna representa la danza Aurresku de la Anteiglesia tras siete décadas perdida (BarakaldoDigital)