Dokumentuaren akzioak
Dantza medikuak aginduta?
Osadantzan
Osasungintzan dantza jarduera sozial eta fisiko onuragarri moduan gomendatzea bultzatu nahi dute Frantzian. “Kirola errezetarekin” ekimena sortu da Osasun Askea Koordinazioaren barruan. Ekimenaren helburua da herritarrak ariketa fisikoa, tartean dantza, egitera bultzatzea. Horretarako igandetan hainbat saio antolatzen hasi dira. Otsailaren 7an egin zuten lehena Frantziako Sarlat, Pfettisheim eta La Roche sur Foron hirietan.
Osasun Askea Koordinazioa 30.000 mediku, 30.000 zaintzaile eta 100.000 herritarrek osatzen dute. Ariketa fisikoaren garrantzia azpimarratzen dute, bereziki, bizi dugun egoera honetan. Igandetako ekimenarekin herritarren arteko kontaktua indartu nahi da eta 45 minutu inguruko dantza eta ariketak egiteko topaguneak sortu.
Iturria: Action «Sport sur ordonnance»
Dokumentuaren akzioak
Erantzun
Osadantzan
Dantzak osasuna dakar eta osasunak dantza. Adin, gorpuzkera eta tamaina guztietako jendea osasuntsu izateko jarduera egokia da dantza, onura fisikoak eta psikologikoak dakartzana. Gorputz osoari egiten dio mesede dantzak: bihotza eta birikak hauspotu, giharren tinkotasuna eta indarra areagotu, iraupen motora eta azkartasuna bizitu, gaitasun aerobikoa handitu, pisuaren kudeaketan lagundu, hezurren sendotasuna hobetu, osteoporosia atzeratu, gorputz osoaren azkartasuna eta malgutasuna, oreka eta espazioaren kontzientzia handitu, gorputzarekiko konfidantza hobetu, buruazkartasunari lagundu, eta ongi-izate fisiko eta mental orokorra hobetzen du, auto-konfidantza eta autoestima areagotuz, eta gaitasun sozialetan lagunduz.
Eta hori guztia gorputz ariketaz gozatuz, plazer hutsez egiten den jarduera eginez, dantzatuz.
