Hemen zaude: Hasiera Komunitatea Ezpalak jaialdia Le Quadrille Occitan - L'Union (Frantzia)

Dokumentuaren akzioak

Le Quadrille Occitan - L'Union (Frantzia)

2013/04/15 19:01

Le Quadrille Occitan taldea 1973. urtean sortu zen Toulouse eskualdeko L'Union hirian. Gure jaialdian, besteren batekin,  la fricassée izeneko dantza eskainiko dute. Bere jatorriari buruzko adostasunik izan ez arren, oso antzinako dantza dirudi. Geroztik oso ibilbide  desberdinak egin ditu, eta, esate baterako, jaialdian behin eta berriro entzungo dugun doinua dantza haren ondorengo kontra-dantzarena omen da. Aipatzen diren ibilbideetako batzuk Pariseko dantza-geletaraino iritsi ziren; armadako dantza-maisuek erakusten zituzten karaktere-dantzen artean ere kokatzen da. Baina Ezpalak jaialdian ikusiko dugun bertsioa -Europa osoan egiten denaren antzekoa- beste bat da: XVIII. mendearen amaieran sortua, arinagoa eta sarritan umeek egin ohi zutena. Senar-emazte batzuen arteko haserrealdia irudikatzen du, tabernan lagunekin ederki igaro ostean, senarra etxeratzen denean. Izan ere, fricasseio okzitanieraz, errezeta baten izenaz gainera, “haserrealdia” ere esan nahi baitu. Talde hau lehen ere izandakoa da Iruñean; hain zuzen 1983. urtean.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ezpalak jaialdia

Ezpalak jaialdia

Duguna eta Kezka dantza taldeek antolatuta, 2017ko maiatzaren 27an eta 28an burutuko da Ezpalak Dantza Tradizionalaren Nazioarteko Jaialdia Iruñean eta Eibarren.

Orain arteko Ezpalak

2006 Ezpata-dantzak
2007 Makila-dantzak
2008 Arku-dantzak
2009 Karaktere-dantzak
2010 Dantza-jauziak
2011 Bikoteko dantza soltea
2012 Zinta-dantzak
2013 Sorgin-dantza eta bere ezpalak
2014 Ttun-ttuneroak dantzari begira
2015 Soka-dantzak
2016 Ezpata-dantzak
2017 Zaldikoak dantzan