Dokumentuaren akzioak
Agenda
Soka-dantza
Noiz: 2025/08/15 12:00Non: Arantza
Ama Birjinaren egunean meza ostean herritarrek soka-dantza egingo dute.
Bikoteen ingurutxoa
Noiz: 2025/08/15 19:00Non: Leitza
San Tiburtzio jaietan ingurutxoa hainbat aldiz egiten da Leitzan: *Abuztuko jaiez gain, urriko lehen larunbatean, Aurrera elkartearen egunean ere dantzatzen da bazkalostean arratsaldez.
Paloteadoa
Noiz: 2025/08/15 20:30Non: Murchante
Murchanten 2008an berreskuratu zen paloteadoa eta herriko festetan, abuztuaren 15ean egiten dute.
Oilasko biltzea
Noiz: 2025/08/16 07:30Non: Aizarna
07:30ean Aizarnako gazteak baserriz baserri arituko dira oilaskoak biltzen eta zahagi-dantza dantzatzen.
14:30ean Oilasko biltzaileen aurreskua plazan.
Arratsaldean zehar, oilasko biltzaileak herrian zehar ibiliko dira eta etxez etxe zahagi-dantza egingo dute.
San Roke ezpata-dantza eta soka-dantza
Noiz: 2025/08/16 09:30Non: Deba
9:30ean Plaza Zaharrean Gure Kai dantza taldekoek ezpata-dantza dantzatuko dute, San Rokeren irudiaren aurrean. Jarraian, Udalbatza eta eta herritarrak San Roke ermitara igoko dira prozesioan, bertan meza nagusia egongo da. 12:30ean soka-dantza egingo dute Gure Kai dantza taldeko kideek zezen plazan.
Aurreskua
Noiz: 2025/08/16 12:15Non: Azkoitia
Paloteadoa
Noiz: 2025/08/16 19:00Non: Cabanillas
Cabanillasko paloteadoa, mende oso batez galduta egon ostean, 2014ko San Roke festetarako berregin zuten Tresmontes elkarte kulturalaren ekimenez.
Paloteadoa
Noiz: 2025/08/16 19:30Non: Monteagudo
San Roke egunean, abuztuaren 16an dantzatzen dute paloteadoa bertako dantzariek.
Dantzarinak: Xebastian, Mintza Hadi!
Noiz: 2025/08/17 16:30Non: Armendaritze
Oroimen hortan oinarrituz, Dantzarinak elkarteak 1990eko hamarkada arakatu nahi du: antzerki talde berrien sorrera, euskal elkarte eta euskal kulturaren garatzea. Gizon baten pasio batetik abiatuz, gure iragana eta oraia kondatuko dautzuegu. Lekukotik mundu zabaleraino, Armendaritzeko esperientziak guzientzat balio izanen du! Armendaritzen, 390 herritarrekin, dinamika haundi bat sortu da. Euskal kantua betidanik entzun da hemen: elizan, herriko bestetan, edo antzerkiko atsedenaldietan haurrek kantatzen dutelarik. Eta 2021etik goiti, euskal dantzak irakasten dira herritarreri. Horrela, herritar batzuek pentsatu dute : zergatik ez ikuskizun bat sortu, euskal tradizio guziak elkartzen dituena : antzerkia, kantua eta dantza? 90 dantzari, 18 antzerkilari, 35 kantari, 10 dendari, eta laguntzaile andana bat elkartu dira Xebastieni ohore emaiteko! Profesional batzuk ere gurekin dabiltza, gogotsu. Abentura haundi bat da, euskal balore eta ohiturak eguneratuz, biziarazteko. Hori da gure xedea! Plaza hunek bil ditzala belaunaldi zahar eta berriak, euskararen inguruan, gure hizkuntza eder hunen inguruan!
Lakuntzako Pertzaren dantza
Noiz: 2025/08/18 11:00Non: Lakuntza, Aralar Santutegia
Abuztuko Ama Birjinaren ondoko igandean ospatzen da Lakuntza Pertza festa, Aralarko santutegian. 11:00etan meza ospatu, eta ondoren tripotak, ardoa eta ogia banatzen ditu Lakuntzako Pertza elkarteak, eta Bil-toki gazte elkarteko kideek Lakuntzako Pertzako eguneko dantzak eskaintzen dituzte. Makil-dantza batekin hasten dira, astoa dantzarien artean lagunduz, eta ondoren alkate-dantza egiten dute.
Dokumentuaren akzioak
