Dokumentuaren akzioak
Agenda
Arrosadiko libertimendua
Noiz: 2026/02/21 10:00Non: Iruñea
Libertimendua eginen dute Iruñeko Arrosadia auzoan, inauterien baitan. 10:00etan hasiko da kalejira Bardenas ostatutik, eta zenbait lekutan eginen dituzte geldialdiak: Pico de Ori estankoan, Hegoalde ikastolan eta Lagun Zaharrak elkartean. Plaza hartzea 12:30ean izanen da, Manuel de Fallan.
Abantoko Aratusteak (Sanfuentes)
Noiz: 2026/02/21 11:00Non: Sanfuentes
*bi larunbatetan ospatzen da jai, batean Gallartan eta bestean Sanfuentesen.
Anarru Eguna
Noiz: 2026/02/21 17:00Non: Bakio
Goizean auzorik auzo ibiliko direla anarruak herriko baserrietatik errondan Arratsaldeko 17:00etan, frontoialdetik hasita, moila puntaraino izango da kalez-kalekoa. Geldiuneak egingo dira zahagi-dantza eta anarruen zortzikoa dantzatzeko, Tabernaldeko frontoian bertan, udaletxeko plazan eta Arezabaleko plazan. Azken honetan emango zaio amaiera, Joseosturen erretzearekin.
Maskaradak 2026
Noiz: 2026/02/22 09:00Non: Altzürükü
Urtarrilaren 18an hasi eta apirilaren 26an bukatuko dira 2026ko maskaradak, Zalgize, Mendikota, Ozaze eta Iruriko gazteek emanak. Guztira 15 emanaldi izango dira urtarriletik apirilera astebururo. Ohitura izaten da lehena eta azkena antolatzaileen herrian izatea; oraingoan lau herrik hartzen dutenez parte, lehenengo egunean, barrikadak Irurin egingo dira eta plazako jokoa Ozazen emango dute. Azkenengoan, berriz, Zalgizen izango dira barrikadak eta arratsaldeko saioa Mendikotan. Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.Zuberoako Maskaradak 2026 egutegia
Mozorro zuriak
Noiz: 2026/02/26 11:30Non: Arantza
Arantzako gazteak goizeko 9tan elkartuko dira elkarrekin gosaltzeko. Ondoren herriko gazteak Arantzako kaleetan zehar ibiliko dira eskean mozorro zuriak jantzita. Ohikoena da Arantzako mozorro zuriak, inaute astea baino bi aste lehenago ateratzea eskean, baina hala ere, ez da beti horrela izaten.
Markina-Xemein: Dibertimendue
Noiz: 2026/02/28 10:00Non: Markina-Xemein, Xemeingo eliza
Herriko eragile, elkarte eta norbanakoek dantza, antzerkia, bertsoa eta musikan oinarri dituen artedrama osatu dute, libertimenduen egitura eta ezaugarrietatik abiatuta; Dibertimendue deitu diote. Xemeingo elizatik hasiko da. Antolatzaileak: Laguntzaileak:
Maskaradak 2026
Noiz: 2026/03/01 09:00Non: Altzai-Lakarri
Urtarrilaren 18an hasi eta apirilaren 26an bukatuko dira 2026ko maskaradak, Zalgize, Mendikota, Ozaze eta Iruriko gazteek emanak. Guztira 15 emanaldi izango dira urtarriletik apirilera astebururo. Ohitura izaten da lehena eta azkena antolatzaileen herrian izatea; oraingoan lau herrik hartzen dutenez parte, lehenengo egunean, barrikadak Irurin egingo dira eta plazako jokoa Ozazen emango dute. Azkenengoan, berriz, Zalgizen izango dira barrikadak eta arratsaldeko saioa Mendikotan. Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.Zuberoako Maskaradak 2026 egutegia
Baigorriko libertimendua
Noiz: 2026/03/01 10:30Non: Baigorri
Baigorrin libertimendua egingo dute martxoaren 5ean, 10:30ean kabalkada eta emanaldia 11:00etan. Neguan jaun eta jabe izan dira zirtzilak, baina udaberria hurbiltzen ari den bezala dantzariak agertuko dira plazetan. Aurrez aurre edo elkarrekin izango dira Euskal Herriko zenbait plazetan antolatu diren libertimenduetan dantzariak, zirtzilak eta bertsolariak. Dantza, antzerkia eta bertsoa dira inauteri hauetako ezinbesteko osagaiak. Dantzari dotore, garbi eta mutuek pixkanaka zirtzil ilun, zikin eta kritikoen lekua hartuko dute eta bertsolariek narratuko dute plazan gertatzen dena.
MauleOn
Noiz: 2026/03/04 20:30Non: Maule, Euskal Kultur Erakundea
Prédule de Pan eta Hart Bruten eskutik ikuskizuna izango da folklore paganoa, musika, dantza eta antzerkia uztartzen dituztenak. Fitxa:
Dokumentuaren akzioak
