BARAÑAIN BIZI BATEN ALDE

Ikasturte hasierarekin batera eta udal kudeaketa<br/>txarraren aurrean, Barañaingo gazte kolektiboak,<br/>kolektibo sozialak zein kulturalak kalera ateratzearen<br/>beharra ikusi dugu.<br/>Orain, Barañaingo kolektiboak kalean entsaiatzen<br/>gaude, edo diru-laguntzarik gabe, edo desalojatuak<br/>izatearen mehatxupean, edo argirik eta urik ez duen<br/>eskainitako etxabe batean, edo alokatutako lokal<br/>batean… eta gainera Kultur Etxeko gela bat erabiltzeko<br/>edo Udaletxeko erabilera anitzeko aretoa erabiltzeko<br/>dirua ordaintzera behartuak. Aurrekontuetan egondako<br/>murrizketak Barañaingo herri jarduera kultural zein<br/>sozialak zailtzen ditu. Hitzarmen Zibikoa delakoa ez<br/>aipatzearren.<br/>ORAIN, aurretik hitzartutako lokalen berme eza eta<br/>desalojo mehatxuak ditugu. Kolektiboentzako lokalak<br/>NAHI DITUGU.<br/>ORAIN, etekin ekonomikoa soilik baloratzen duen<br/>udala dugu, Kultur Etxea diru iturri gisa erabiltzen<br/>duena, bere aretoak erabiltzeagatik kobratzen duena.<br/>Zertarako ordaintzen ditugu zergak? Herritarren<br/>beharrak aseko dituen Kultur Etxea NAHI DUGU.<br/>ORAIN, Nafarroako Orkestra Sinfonikoak kudeatu<br/>dezakeen auditorio bat dugu, zeinak langile kopurua<br/>nabarmenki murriztua ikusi duen eta udal diru-laguntza<br/>%45an gutxitua duena. Barañainentzako kalitatezko<br/>auditorio bat NAHI DUGU, herritik kudeatuta egongo<br/>dena.<br/>ORAIN, guraso elkarteei diru-laguntzak murriztu<br/>zaizkie. Euren jarduerak inongo eragozpenik gabe<br/>garatu ditzaten NAHI DUGU.<br/>ORAIN, nahikoa langile ez dituen eta gabezi handiak<br/>dituen haur eskola dugu. Kalitatezko haur eskola NAHI<br/>DUGU…<br/>Udaletxeak ez digu ematen jaso nahiko genukeen<br/>babesa, baina kalea dugu, eta oso argi daukagu<br/>Barañain bizi bat nahi dugula. Honengatik guztiagatik<br/>2009ko azaroaren 13rako, arratsaldeko 17:00tatik<br/>aurrera antolatu ditugun ekimen guztietan parte<br/>hartzera gonbidatzen zaituztegu.