Tandil, Argentina. Atzo utzitako lekuan hartuz, ostegunean eta Tandilgo Gure Etxearen atarian geratu ginen, Euskal Argentinar Aste Nazionnalaren programan 'Sagardotegi' gisa agertzen zen ekitaldiaren hasieran. Afari ona, pintxoak, arraina, haragia eta postre moduan gazta, menbrilloa eta intxaurrekin, eta afaria osoan sagardoa txotxean, 'Txapela' euskal argentinar sagardo naturaleko ekoizleek ekarria, kupeletik zerbitzatua, eta Euskal Herriko moldeko sagardoa eta sagardo argentinar estilokoa (Juliá & Echarren) aukerarekin.
Sagardotegi afaria Euskal Etxean, Txapela sagardo euskal argentinarrarekin
Afaldu bitartean, irrintziak, batzuk Euskal Herritik etorritakoenak, besteak euskal argentinarrak
Eta luxuzko kontzertua han bertan, Idoia Asurmendirena, Maia Prieto lagun zeukala
Hona bideoa, Idoiaren "Ilun eta abar"etik, "Munstroa", zuzenean kantatua
Ondoko karpetan, jendea kantuz eta dantzan, nonahiko lagun egin berriekin une goxoak pasatzen
Biharamunean, ekintzak La Isla parkean. Herri kirolak: Argentinan gaude? Euskal Herrian?
Arrigorriagatik etorritako hogei herri-kirolariak erakustaldiak eskaintzen, honetan aizkolaritza
Giro metereologiko zein jendearen berotasuna, ederra, animatzen eta zinez segitzen proba bakoitza
Tartean, harrijasotzea ere, irudian bola, bertaratutakoen txalo eta eskuzartapean
Trontza eta txingak ere (irudian) ikusgai, lehenik erakustaldi gisa eta gero, bi taldetan, lehian
Ingudeak eta zaku karraiatzeak ere merezi izan zituzten publikoaren arreta eta segimendua
Bihar Euskal Aste Nazional ondoko hirugarren argazki-kronika
