Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Sahatsa dantza taldea Valladolidera joango da asteburuan

Dokumentuaren akzioak

Sahatsa dantza taldea Valladolidera joango da asteburuan

Valladolideko Euskal Etxeak gonbidatuta, datorren asteburuan, irailaren 22an eta 23an, euskal folklorearen erakusketa egingo du Sahatsa dantza taldeak Valladolideko hirian (Gaztela eta Leon).
Komunikabidea
Maxixatzen
Tokia
Azkoitia
Mota
Albistea
Data
2018/09/18
Lotura
Maxixatzen

Irailaren 22an, larunbatean, Azkoitiko eta Azpeitiko ezpata dantzariak bi errenkada luzetan sartuko dira  Valladolideko katedralean, eta bertan Ezpata Dantza egingo dute Ricardo Blazquez kardinalak zuzenduko duen mezan.  

Mezaren ondoren eta Katedralaren aurreko plazan, Lapurdi, Bizkaia eta Gipuzkoako dantzekin hornitutako ikuskizuna eskainiko dute, eta, horretarako, irudi indartsu anitzez osaturiko berrogei minutu inguruko emanaldia prestatu du Sahatsak.

Hurrengo egunean, igandean, Euskal etxeko abesbatzarekin batera kalejira egingo du Sahatsak, eta kantuz, musikaz eta dantzaz girotuko dute Valladolideko Plaza Nagusia, eta, berriro, Gipuzkoako Makil Jokoek ikusmina piztuko dute ikusleen artean.  

Asteburu polita eta interesgarria dute aurretik Sahatsakoek, eta horrela izan dadin, ilusioz ari dira emanaldiak prestatzen Azkoitiko eta Azpeitiko dantzari gazteak. 

 

Sahatsa dantza taldea.         

Dokumentuaren akzioak